హోమ్

న్యూస్

హైదరాబాద్: రెండు రోజుల నుంచి ఎన్టీఆర్ అభిమానుల్లోనే కాక, మీడియా సర్కిల్స్ లో, సోషల్ నెట్ వర్కింగ్ సైట్లలలో ఒకటే టాపిక్ రన్ అవుతోంది. అదే..అసలు జూ.ఎన్టీఆర్ ఎవరు, నాకు తెలియదే అని తమిళ స్టార్ డైరక్టర్ హరి అన్నారని. ఈ విషయమై సోషల్ మీడియాలో ఓ రేంజిలో పోస్ట్ లు పడుతున్నాయి.

సౌత్ ఇండియాలో పాపులర్ అయిన ఓ హీరోని , అతనెవరు అని అనటమేంటి, కావాలని అనటమే అంటున్నారు. అయితే యాంటి ఫ్యాన్స్ మాత్రం..ఎన్టీఆర్ కు ఉన్న పాపులారిటి ఇప్పుడు బయిటకు వచ్చింది అంటూ ప్రోపగాండ చేస్తున్నారు. ఇలా ఈ కామెంట్ పెద్ద దుమారమే రేపుతోంది.

సింగం సీరిస్ చిత్రాల ద‌ర్శ‌కుడిగా సౌత్ ఇండియాలో సూప‌ర్ పాపులారిటీ ఉన్న డైరక్టర్ హ‌రి తాజా ఇంటర్వ్యూలో జూనియర్ ఎన్టీఆర్ గురించి ఆసక్తికర వ్యాఖ్యలు చేయటం వివాదాస్పదంగా మారింది. సూర్య హీరోగా ఆయన రూపొందించిన సింగం 3 ప్రమోషన్ ఇంటర్వ్యూలో జూనియర్ ఎన్టీఆర్‌తో సినిమా చేస్తున్నారంటూ వార్తలొస్తున్నాయి.

అందులో ఎంతవరకూ నిజముందని యాంకర్ అడిగిన ప్రశ్నకు హరి సమాధానమిచ్చారని చెప్తున్నారు. అస‌లు త‌న‌కు జూనియ‌ర్ ఎన్టీఆర్ గురించి తెలియదని, తననెప్పుడూ కలవలేదని కామెంట్ చేశాడు. ఈ వ్యాఖ్యలపై జూనియర్ ఫ్యాన్స్ గరంగరంగా ఉన్నారు.

ఇదిలా ఉంటే, హరి తన తదుపరి చిత్రం చియాన్ విక్రమ్‌తో ఉంటుందని ప్రకటించాడు. హ‌రి సినిమాలు తెలుగులో సైతం రిలీజ్ అవుతున్నాయి. ఈ క్ర‌మంలో ఎన్టీఆర్ తెలియ‌ద‌ని చెప్ప‌డంతో ఎన్టీఆర్ ఫ్యాన్స్‌తో పాటు టాలీవుడ్ సినీజ‌నాలు సైతం హ‌రిపై మండిప‌డుతున్నారు. అదండీ మ్యాటర్, గతంలో నిత్యామీనన్..ప్రభాస్ గురించి చేసిన కామెంట్స్ గుర్తు వస్తున్నాయి కదూ.