2012లో టాలీవుడ్ నెం.1 హీరో ఎవరు?(ఓట్ వేయండి)

పవన్ కళ్యాణ్: గత సంవత్సరం ప్లాపులు ఎదుర్కొన్న పవన్ కళ్యాణ్... ఈ సంవత్సరం ‘గబ్బర్ సింగ్' చిత్రంతో భారీ హిట్ కొట్టి ఇండస్ట్రీ రికార్డులను బద్దలు కొట్టారు. ఆయన నటించిన ‘కెమెరామెన్ గంగతో రాంబాబు' చిత్రం కూడా బాక్సాఫీసు వద్ద ఫర్వాలేదనిపించింది.

మహేష్ బాబు: గత సంవత్సరం దూకుడుతో భారీ విజయం సాధించిన మహేష్ బాబు ఈ సంవత్సరం ‘బిజినెస్ మేన్' చిత్రంతో మంచి ఓపెనింగ్స్ సాధించారు.

నాగార్జున: నాగార్జున ఈ సంవత్సరం షిరిడి సాయి, డమరుకం చిత్రాలతో ప్రేక్షకుల ముందుకు వచ్చారు. షిరిడి సాయి మంచి పేరు తెచ్చుకున్నప్పటికీ కమర్షియల్ గా హిట్ కాలేక పోయింది. డమరుకం సినిమా యావరేజ్ టాక్ తెచ్చుకుంది.

బాలకృష్ణ: బాలయ్య ఈ సంవత్సరం అధినాయకుడు, ఊకొడతారా ఉలిక్కి పడతారా, శ్రీమన్నారాయణ చిత్రాల్లో నటించారు. ఇందులో శ్రీమన్నారాయణ ఫర్వాలేదనిపించగా... మిగిలిన రెండు అంచనాలను అందుకోలేక పోయాయి.

రామ్ చరణ్ తేజ్: గతంలో ఆరెంజ్ సినిమాతో డిజాస్టర్ చవిచూసిన రామ్ చరణ్ తేజకు ‘రచ్చ' చిత్రం హిట్ కావడం ఊరటనిచ్చింది.

జూ ఎన్టీఆర్: జూనియర్ ఎన్టీఆర్ ఈ సంవత్సరం తన ‘దమ్ము' చూపిద్దామని ప్రయత్నించినా పెద్దగా వర్కౌట్ కాలేదు.

రవితేజ: హీరో రవితేజకు ఈ సంవత్సరం కూడా కలిసి రాలేదు. రవితేజ నటించిన నిప్పు, దరువు, దేవుడు చేసిన మనుషులు, సారొచ్చారు చిత్రాలు కూడా అంచనాలను అందుకోలేక పోయాయి.

ప్రభాస్: ప్రభాస్ ఈ సంవత్సరం ‘రెబల్' చిత్రంలో నటించాడు. ఎన్నో అంచనాలతో రూపొందిన ఈచిత్రం బాక్సాఫీసు వద్ద బోల్తా పడింది.

అల్లు అర్జున్: గత సంవత్సరం బద్రీనాథ్‌తో ప్లాప్ చవి చూసిన అల్లు అర్జున్... ఈ సారి జులాయిగా తన సత్తా చాటాడు.

రాణా: కృష్ణం వందే జగద్గురుమ్ చిత్రంతో కమర్షియల్ హీరోగా పేరుతెచ్చుకుందామనుకున్న రాణా... నటన పరంగా మంచి మార్కులే కొట్టేసాడు. కానీ సినిమా మాత్రం యావరేజ్ టాక్ తెచ్చుకుంది.

నాని: హీరో నానికి ఈ సంవత్సరం కూడా బాగా కలిసొచ్చింది. ఆయన నటించిన ఈగ చిత్రం పెద్ద హిట్టవ్వగా, ఎటో వెళ్లిపోయింది మనసు ఫర్వాలేదనే టాక్ తెచ్చుకుంది.