Don't Miss!
- Travel వేసవిలో సందర్శించేందుకు దేశంలోని బెస్ట్ ఆఫ్బీట్ హిల్ స్టేషన్లు ఇవే..
- News జగన్ Vs పవన్, సమర్ధతకు పరీక్ష - దక్కేదెవరికి..!!
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
బ్రాహ్మణి, తేజస్విని సినిమాల్లోకి ఎందుకు రాలేదు? బాలయ్య అల్లుడు ఏం చెప్పారంటే..
Recommended Video
సినిమా రంగంలోకి ఆడపిల్లలను పంపించడం తెలుగు ఫ్యామిలీస్లో చాలా తక్కువ. ఇప్పుడంటే పరిస్థితిలో కాస్త మార్పు వచ్చింది కానీ... ఒకప్పుడు పరిస్థితి ఇలా ఉండేది కాదు. అయితే టాలీవుడ్ స్టార్ ఫ్యామిలీస్ నుంచి ఆడ పిల్లలు ఇండస్ట్రీకి రావడం చాలా అరుదు అనే చెప్పాలి. ఇప్పటి వరకు మంచు ఫ్యామిలీ నుంచి లక్ష్మి, మెగా ఫ్యామిలీ నుంచి నిహారిక ఇలా అతి కొద్ది మాత్రమే నటనవైపు వచ్చారు. నందమూరి ఫ్యామిలీ నుంచి చాలా మంది హీరోలు వచ్చారు కానీ హీరోయిన్లు అయితే ఎవరూ రాలేదు. తాజాగా ఓ టీవీ చానల్ ఇంటర్వ్యూలో పాల్గొన్న బాలకృష్ణ అల్లుడు భరత్ ఈ అంశం ప్రస్తావనకు రాగా ఆసక్తికరంగా స్పందించారు.
జూ ఎన్టీఆర్ అవసరం లేదు, మేము పనికి రాకుండా ఏమీ లేము: బాలయ్య అల్లుడి కామెంట్
తెలుగు సొసైటిలో ఇలాంటివి చాలా తక్కువ
నందమూరి ఫ్యామిలీ నుంచి హీరోయన్లుగా ఎవరూ ఎందుకు రాలేదనే సందేహం మీరు ఎప్పుడూ రాలేదా? అనే ప్రశ్నకు భరత్ స్పందిస్తూ... ‘తెలుగు సొసైటీలో అమ్మాయిలను సినిమాల రంగంలో ఎంకరేజ్ చేయడం తక్కువ. కానీ ఈ జనరేషన్లో వస్తున్నారు. మోహన్ బాబుగారి అమ్మాయి లక్ష్మిగారు, నాగబాబు గారి అమ్మాయి నిహారిక ఇలా వస్తున్నారు.' అని వ్యాఖ్యానించారు.
అక్కాచెల్లెళ్లు చాలా అందంగా ఉంటారు, కానీ..
ఇద్దరూ అక్కాచెల్లెళ్లు(బ్రాహ్మణి, తేజస్విని) చాలా అందంగా ఉంటారు, యాక్టింగ్ చేసే కెపాసిటీ ఉంది, వస్తే బానే ఉండేది అనే ఒక వాదన అయితే ఉంది. కానీ ఏవో కారణాల వల్ల వాళ్లు రాలేదు, వాళ్లు ఎప్పుడూ ప్రయత్నం చేసినట్లు లేరు... అని తెలిపారు.
తేజస్వినికి సినిమా రంగంపై ఆసక్తి ఉంది
నా భార్య తేజస్వినికి సినిమాలంటే ఆసక్తి ఎక్కువే. నటించాలని ఉండకపోవచ్చు.. కానీ ఏదో ఒక రోజు ప్రొడక్షన్ సైడ్ రావొచ్చు... అయితే ఈ విషయం ఇప్పుడే కన్ఫర్మ్గా చెప్పలేను. ఆమె ప్రొడ్యూసర్ అయితే వాళ్ల నాన్నగారికి కూడా సినిమాలు చేస్తారేమో?
సినిమా రంగంలోకి రావొద్దనే ఆంక్షలు ఏమీ లేవు
మీ భార్యకు హీరోయిన్గా చేయాలనే ఆలోచన పెళ్లికి ముందు ఎప్పుడైనా వచ్చిందా? అనే ప్రశ్నకు భరత్ స్పందిస్తూ... ‘‘మేము సినిమాల్లోకి వస్తామని ఇంట్లో కూడా వారు ఇద్దరూ ఎప్పుడూ అడిగినట్లు లేరు. రావొద్దు, చేయొద్దు అనే ఆంక్షలు కూడా వారిపై ఏమీ లేవు.
ఇండస్ట్రీకి వచ్చి ఉంటే తేజస్విని మంచి హీరోయిన్ అయ్యుండేదేమో?
నా భార్య తేజస్వినిలో మంచి కళాస్పూర్తి ఉంటుంది. తను చాలా బాగా యాక్టింగ్ చేస్తుంది, డాన్స్ చేస్తుంది, ఎక్స్ప్రెషన్స్ బాగా ఇస్తుంది, ఒక వేళ ఆమె ఇండస్ట్రీకి వచ్చి ఉంటే మంచి హీరోయిన్ అయ్యుండేదేమో?... బాహ్మణి గారికి తేజస్వినితో పోలిస్తే సినిమాలపై ఇంట్రస్టు తక్కువే. ఆమెకు వ్యాపారాలపై ఆసక్తి ఎక్కువ. మా ఆవిడకు కళాపోషణ ఎక్కువ.
నేను లిమిటేషన్స్ ఏమీ పెట్టను
నేనెప్పుడూ లిమిటేషన్స్ పెట్టను. ఆవిడ ఇష్టం. సినిమాల వైపు వస్తానంటే నాకేమీ అభ్యంతరం లేదు. మేము ఏ విషయమైనా ఓపెన్ గా డిస్క్రస్ చేసుకుంటాం. దాన్ని బట్టి తేజస్విని ఇపుడు నటనకంటే ప్రొడక్షన్ వైపు రావడానికే ఆసక్తి చూపుతున్నారు.
మీ కూతుళ్లను సినిమాల్లోకి ఎందుకు తీసుకురాలేదని మామయ్యను ఎప్పుడూ అడగలేదు
బాలకృష్ణ గారిని నేను ఎప్పుడూ మీ అమ్మాయిలను సినిమాల వైపు ఎందుకు తీసుకురాలేదని అడగలేదు. అయితే మా ఆవిడను అడిగాను. ‘నాకు ఆ ఆలోచన ఎప్పుడూ రాలేదు. ఇంట్లో కూడా అలాంటి డిస్క్రషన్ ఏమీ ఉండేది కాదు. ఇపుడు యాక్టింగ్ వైపు వెళ్లే థింకింగ్ లేదు' అని చెబుతుంటుంది. అయితే అప్పుడప్పుడూ నేను మా ఆవిడను నువ్వు యాక్టింగ్ వైపు వెళితే బావుండేది అంటుంటాను అని భరత్ చెప్పుకొచ్చారు.