Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మేము శత్రువులమా? చిరంజీవిని కలిస్తే ఇష్యూ చేస్తారెందుకు: జీవిత రాజశేఖర్
తాము చిరంజీవిని కలిసిన ప్రతిసారి మీడియాలో ఇష్యూ అవుతోందని జీవిత అన్నారు. తమ మధ్య ఎలాంటి విబేధాలు లేవని, శతృత్వం అంతకన్నా లేదని జీవిత తెలిపారు.
చిరంజీవికి, జీవిత-రాజశేఖర్ దంపతులకు మధ్య ఒకప్పుడు విబేధాలు ఉండేవని ఎవరూ కాదనలేని సత్యం. గతంలో చోటు చేసుకున్న కొన్ని సంఘటనలే ఇందుకు నిదర్శనం. అయితే తర్వాతి కాలంలో పరిస్థితి మారింది. మళ్లీ ఇరు వర్గాల మధ్య స్నేహ సంబంధాలు చిగురించాయి.
'పిఎస్వి గరుడవేగ' సినిమా విడుదల సందర్భంగా స్వయంగా వెళ్లి చిరంజీవిని కలిసిన రాజశేఖర్, జీవిత దంపతులు మెగాస్టార్ను ప్రీమియర్ షోకు ఆహ్వానించారు. అయితే ఈ విషయం మీడియాలో హాట్ టాపిక్ కావడం, గతంలో వీరి మధ్య జరిగిన గొడవలు తెరపైకి రావడంపై జీవిత రియాక్ట్ అయ్యారు.
చిరంజీవిని కలిస్తే ఎందుకు ఇష్యూ చేస్తున్నారు?
మేము చిరంజీవిగారిని కలిసినప్పుడల్లా ప్రతి ఒక్కరూ దీన్ని ఓ ఇష్యూగా ఎందుకు చూస్తున్నారో అర్థం కావడం లేదు. గడిచిన కొన్నేళ్లలో వివిధ ఈవెంట్లలో చిరంజీవిని తాము కలిశామని, మా మధ్య ఎలాంటి శత్రుత్వం లేదని జీవిత తెలిపారు.
అందరినీ ఎంటర్టెన్ చేయడానికే ఉన్నాం
సినిమా ఇండస్ట్రీలో మేమంతా ఉన్నది ప్రజలను ఎంటర్టెన్ చేయడానికే. మా మధ్య ఎలాంటి విబేధాలు లేవు. ఈ విషయాన్ని అనవసరంగా రచ్చ చేయవద్దని జీవిత సూచించారు.
సీఎం, మహేష్ ఇంకా చాలా మంది పిలిచాము
పిఎస్వి గరుడవేగ సినిమా ప్రీమియర్ షో కోసం ముఖ్యమంత్రితో పాటు, మహేష్ బాబు ఇంకా చాలా మంది సెలబ్రిటీలను ఆహ్వానించామని, అదే విధంగా చిరంజీవి గారిని పిలిచామని జీవిత తెలిపారు. అయితే జీవిత సోదరుడు మరణించడంతో ప్రీమియర్ షో రద్దయిన విషయం తెలిసిందే.
చాలా సంతోషంగా ఉంది
పిఎస్వి గరుడ వేగ సినిమా విజయం సాధించినందుకు సంతోషంగా ఉంది. సినిమా చాలా బావుందని ప్రతి ఒక్కరూ ప్రశంసిస్తున్నారు. చాలా మంది సెలబ్రిటీలు స్పెషల్ షో ఎరేంజ్ చేయాలని కోరుతున్నారు. ఈ సినిమా కోసం మేము పడ్డ కష్టానికి తగిన ప్రతిఫలం దక్కింది అని జీవిత చెప్పుకొచ్చారు.