ఎన్టీఆర్ హడావిడి అందుకా?

By Super Admin

Published: Friday, August 5, 2011, 14:25 [IST]

మొన్న నందమూరి కుటుంబ అండతో చంద్రబాబు నిర్వహించిన యువగర్జనకు ఎన్టీఆర్ అటెండ్ కాలేదు. అలాగే అతని తల్లి వద్దందని మానేసారని ఓ వార్త బయిట ప్రచారంలో ఉండగా మరో ప్రక్క తెలుగు దేశం వారు అదేం కాదు...షూటింగ్ బిజీలో ఉండి రాలేదని నమ్మబలికారు. ఇన్నాళ్ళూ షూటింగ్ లేదూ...ఏమి లేదు కదా మరో రెండు రోజులు వాయిదా వేసుకోలేడా...యువగర్జన కి అటెండయ్యే ఒక్క రోజు కన్నా తనులేకుండా షూటింగ్ జరపలేడా...లేదా ఆపలేడా అని బయిట కామెంట్స్ వినిపిస్తున్నాయి.

అయితే యువగర్జన హిట్ టాక్ తెచ్చుకోవటంతో ఆ వార్తకు పెద్ద ప్రయారిటీ లేకుండా పోయింది. ఎన్టీఆర్ లేకుండానే...చివరకు గెస్ట్ గా కూడా లేకుండా హిట్ కొట్టామని కొందరు చంకలు గుద్దుకున్నారని వినిపించాయి. అయితే ఇటువంటి కాంట్రావర్శీలకు సమాధానంగా ఎన్టీఆర్ ఆ రోజు షూటింగ్ అర్జెంటుగా జరిపారని చెప్తున్నారు. అలాగే షూటింగ్ విజువల్స్ అర్జెంటుగా మీడియా అందచేసారు. అంటే తను మీటింగ్ కి వెళ్ళకపోవటానికి కారణం కేవలం షూటింగే నని నమ్మించటానికి చేస్తున్న ప్రయత్నం అని మీడియాలో,ఫిల్మ్ సర్కిల్స్ లో అంటున్నారు. అంతేగాక ఇలాంటి రాజకీయపరమైన ఆలోచనలు కూడా చంద్రబాబే చెప్తూంటారని ఆయన మీదకు తోసేస్తున్నారు.

More from Filmibeat