హోమ్

న్యూస్

యంగ్ టైగర్ ఎన్టీఆర్ యాక్షన్ ఎంటర్ టైనర్ 'ఊసరవెల్లి" సినిమాకు ఆ టైటిల్ నిర్ధారింఛినప్పటి నుంచి సర్వత్ర ఆసక్తి నెలకొంది. అటు యంగ్ టైగర్ అభిమానులు, ఇటు సినిమా విశ్లేషకులు దీనిపై పలు ఊహాగానాలు చేసారు. ఈ సినిమాలోని ఎన్టీఆర్ పాత్ర లో ప్రతికూల షేడ్స్ ఉన్నాయా..? లేదా, అతను పరిస్థితులు కనుగుణంగా మారిపోతాడా.. ? అనేది అందరి మదిని తొలిచివేసింది.

అయితే, దీనిపై స్వయానా ఎన్టీఆర్ నిన్న నిర్వహించిన ప్రెస్ మీట్ లో వివరణ ఇచ్చారు. నిజమే," తెలుగు సంస్కృతిలో ఊసరవెల్లి అనేది సానుకూల పేరు కాదు. సాధారణంగా మనం ఈ పేరును జిత్తులమారి, చంచల మనస్తత్వం గల వ్యక్తులకు వాడతాం. అయితే ఈ చిత్రంలో సురేందర్ రెడ్డి ఇచ్చిన నిర్వచనం ఏమంటే, ఒక వ్యక్తి అతని స్నేహితులు, ప్రియమైన వారిని ఆపదనుంచి బయట పడైటం కోసం తన స్వభావాన్ని ఏ విధంగా మార్చుకున్నాడో వివరిస్తుంది. ఈ చిత్రం తర్వాత మనం ఊసరవెల్లిని కొత్త అభిప్రాయంతో చూస్తాం".

అంతే కాదు.. ఈ డైనమిక్ యాక్టర్ దీని గురించి ఏమన్నారంటే," ఇది రంగులు మార్చే ఊసరవెల్లి కాదు, రాతలు మార్చే ఊసరవెల్లి". ఏమైతేనేం, ఈ సినిమా స్మాషింగ్ బాక్సాఫీసు బ్లాక్ బస్టర్ అయితే, మొత్తం తెలుగు సినిమా ఇండస్ట్రీ ఈ దసరాకు, దూకుడు.. ఊసరవెల్లి.. రూపంలో డబుల్ ధమాకా సంబరాలు జరుపుకుంటుంది. విజయదశమి సెంటిమెంట్ ఉన్న ఎన్టీఆర్ ఈ చిత్రంతో మరోసారి హిట్ కొట్టడమే కాక ఇండస్ట్రీ రికార్డులన్నింటిని తిరగరాస్తాడని నందమూరి అభిమానులు ఆశపడుతున్నారు. ప్రపంచవ్యాప్తంగా 1800 థియేటర్లకి పైగా విడుదలవుతున్న ఈ సినిమాలో తమన్నా హీరోయిన్ గా నటిస్తున్నది. ఈ చిత్రానికి, దేవి శ్రీ ప్రసాద్ సంగీతం సమకూర్చారు. సురేందర్ రెడ్డి దర్శకుడు. బి వి ఎస్ ఎన్ ప్రసాద్ నిర్మాత.