పవన్ బర్తడే ఎందుకు జరుపుకోడు?

By Staff

Published: Monday, December 8, 2008, 11:03 [IST]

పవన్ కళ్యాణ్ ప్రతీ సంవత్సరం పుట్టిన రోజు వేడుకలు ఎందుకు జరుపుకోడో చిరంజీవి చెప్పుకొచ్చారు.ఆయన మాటల్లోనే.. ఎనిమిది, పదేళ్ల వయస్సులో పవన్ కళ్యాణ్ స్నేహితుల ఒత్తిడితో ఓ చిన్న ఇరానీ సెంటర్‌లో కేక్‌ కట్‌ చేసి.. తన పుట్టినరోజు వేడుకను చేసుకున్నాడు. అయితే పిల్లలందరి అల్లరి వల్ల ఆ కేకు చెల్లాచెదురుగా కిందపడిపోయి వృథా అయింది. అప్పటికి ఆ విషయాన్ని చాలా సరదాగా తీసుకుని బయటకు వచ్చారు. బయట పేద పిల్లలు బిక్షాటన చేస్తూ ఆకలితో అలమటిస్తూ కనిపించేసరికి.. లోపల ఎంత కేక్‌ వృథా చేశాం? అని ఆలోచించాడు. ఆ రోజు నుంచి ఇప్పటివరకూ కళ్యాణ్‌ తన పుట్టినరోజును జరుపుకోలేదు. మేం ఫోన్‌ చేసి శుభాకాంక్షలు చెబుతాం'' అని తెలిపారు.

కళ్యాణ్‌ ఆలోచన విలక్షణంగా ఉంటుందని, కచ్చితంగా తమకంటే భిన్నంగా ఉంటాడన్నారు. అంతా యువరాజ్యం సారధ్యం పవన్ కి అప్పచెప్పటంపే తమ్ముడని అప్పచెప్పారా అని అడిగితే చిరంజీవి ఇదంతా చెప్పుకొచ్చారు.అదే క్రమంలో పవన్‌లోని సామాజిక కోణం అతడి సినిమాల్లో కూడా కనిపిస్తుంది. అలాగే చిన్నతనం నుంచీ సామాజిక స్పృహ ఉంది. సామాన్యుల కోసం ఆలోచిస్తూ.. బాధితులకు మన వంతు చేయూతనివ్వాలన్న ఆలోచన అతడికుంది. తనకంటూ ప్రత్యేకంగా ఎలాంటి కోరికలు లేవు. జాతీయ సమైక్యత, పసిబిడ్డలకి రక్షణగా ఉండాలి.. ఈవ్‌టీజింగ్‌ వంటి విషయాల్లో ప్రతిస్పందించే తత్వం పవన్‌ది అంటూ మెచ్చుకున్నారు.

More from Filmibeat