ఛానెల్ పై హీరోయిన్ కేసు

By Staff

Published: Saturday, November 15, 2008, 15:10 [IST]

లీగల్ ఏక్షన్ తీసుకుంటా...వదలను అంటూ మండిపడుతోంది బాలీవుడ్ బ్యూటి ప్రియాంక చోప్రా. ఆమె కాస్మిటిక్ సర్జరి చేయించుకుందంటూ ఓ లీడింగ్ హిందీ ఎంటర్ టైన్ మెంట్ టివి ఛానెల్ లో పోగ్రామ్ వచ్చింది. ఆమె పాత ఫొటోలను చూపుతూ ఇప్పటి ప్రియాంకతో పోల్చుతూ ఆ ఛానెల్ వారు ఓ డాక్టర్ చేత ఏయే రకమైన సర్జరీలు చేయికునే అవకాశముందే చెప్పించి టీఆర్ పి లు పెంచుకున్నారు. భయంకరంగా క్లిక్ అయిన ఆ న్యూస్ చూసిన ప్రియాంకకు మండుకొచ్చింది.

తన శరీరంపై నోటికొచ్చిన కామెంట్స్ చేసే హక్కు ఆ డాక్టర్ కి లేదని,అలాంటి పోగ్రామ్ ప్రసారం చేసినందుకు ఛానెల్ దీ తప్పేనంటూ ఆమె నిప్పులు కక్కుతోంది. తాను అందరిలాంటి మనిషినేనని,తనకు తండ్రి,కుటుంబం,చుట్టుప్రక్కలు వారు ఉంటారని వాళ్ళందరి దృష్టిలో చీప్ చేయటం తన వ్యక్తిగత జీవితానికి భంగమేనని వాదిస్తోంది. తాజాగా దోస్తానా రిలీజ్ సందర్బంగా ఏర్పాటు చేసిన ప్రెస్ మీట్ లో ఈ మాజీ మిస్ వరల్డ్ విషయాలు బయిటకు కక్కింది.మరి ఆ ఛానెల్ వారు ఇప్పటికే రాయబారాలు ప్రారంభించారని తెలుస్తోంది. ఎందుకంటే ప్రియాంక బాలీవుడ్ ని శాసించే స్ధితిలో ఉన్న బలమైన శక్తి.

More from Filmibeat