అందుకే చిరంజీవి ఇంటికి వెళ్ళాం, చిరంజీవి నాకోసం అడిగారు: ఆరోజు ఘటనని గుర్తు చేసిన రాజశేఖర్

కోల్డ్ వార్ వాతావరణం

ఆ ఘటనతో ఒక కోల్డ్ వార్ వాతావరణం రాజశేఖర్, చిరు మధ్యలో చాలాకాలమే ఉండిపోయినా తర్వాత ఇద్దరూ మళ్ళీ కలిసి పోయారు... కానీ ఈ విషయం లో కూడా ఎవరూ పెద్దగా నమ్మలేదు ఆ ఇద్దరిమధ్యా ఆ అభిప్రాయ భేదాలు అలానే ఉండి పోయాయనే అనుకున్నారు...

విభేదాలు తొలగిపోయాయి

ఐతే ఇటీవల "గరుడవేగ" సినిమా విడుదల నేపథ్యంలో రాజశేఖర్ తన భార్య జీవితలో కలిసి రాజశేఖర్ ఇంటికి వెళ్లి ఆయన్ని సినిమా చూసేందుకు ఆహ్వానించడంతో ఇరువురి మధ్య ప్యాచప్ అయిందని అందరూ భావించారు. ఐతే తామిద్దరం కొత్తగా కలుసుకున్నదేమీ లేదని.. అంతకుముందే తమ మధ్య విభేదాలు తొలగిపోయాయని రాజశేఖర్ చెప్పాడు.

ఫంక్షన్లలో కలిశాం

గతంలో తన కూతురి మెడికల్ సీటు కోసం తాను చిరు ఇంటికి వెళ్లి కలిసినట్లు ఆయన వెల్లడించాడు. "చిరు గారితో నాకు విభేదాలు వచ్చాక కొన్నేళ్లు దూరంగా ఉండిపోయాను. కానీ ఆ తర్వాత అప్పుడప్పడూ కలుస్తూనే ఉన్నాం. ‘మేముసైతం'తో పాటు వేరే ఫంక్షన్లలో కలిశాం.

శివాని మెడికల్ సీటు కోసం

అప్పుడు హాయ్ అంటే హాయ్ అనుకున్నాం అంతే. ఐతే ఒకసారి మా అమ్మాయి శివాని మెడికల్ సీటు కోసం అపోలో మెడికల్ కాలేజీలో అప్లై చేశాం. ఆ విషయంలో సపోర్ట్ కోసం జీవిత.. చిరంజీవి గారి ఇంటికి వెళ్లింది. జీవిత వెళ్లగానే చిరంజీవి గారు నా గురించి అడిగారట.

నేను రెడీ అయి లేను

దీంతో జీవిత వెంటనే నాకు కాల్ చేసి రమ్మని చెప్పింది. కానీ నేను రెడీ అయి లేను. దీంతో ఆమె వెనక్కి వచ్చి నన్ను తీసుకెళ్లింది. చిరంజీవి గారు అప్పుడు బాగా మాట్లాడారు. మాకు అవసరమైన సాయం చేశారు. ఆ తర్వాత మేమిద్దరం బాగా కలిసిపోయాం. ‘గరుడవేగ' విషయంలో ఆయన చాలా సపోర్ట్ చేశారు" అని రాజశేఖర్ ఒక ఇంటర్వ్యూలో తెలిపాడు.