శ్రీను వైట్లకు ఆ హీరోతోనూ తగువా?

వరస కామిడీలతో దూసుకుపోతున్న శ్రీను వైట్ల రెడీ సినిమాతో 2008 కి కిక్కిచ్చారు. అయితే అందులో హీరో రామ్ తోనూ,అతని పెదనాన్న స్రవంతి రవికిషోర్ తోనూ సంభంధాలు చెడాయని పరిశ్రమలో చెప్పుకుంటున్నారు. అందుకు నిదర్శనంగా నిన్న(గురువారం) కింగ్ ప్లాటినమ్ డిస్క్ ఫంక్షన్ లో రెడీ సినిమా షీల్డ్ లను నాగార్జున చేత తన యూనిట్ కు ఇప్పించటాన్ని చూపుతున్నారు. అనివార్య కారణాలవలన రెడీ 150 పంక్షన్ నిర్మాత చేయలేకపోయారని అందుకే తాను ఇలా చేస్తున్నామని చెప్పుకొచ్చారు.

నిజానికి హీరో చేతుల మీదుగానో,నిర్మాత చేతులమీదుగానో షీల్డ్ లు అందించటం సంప్రదాయం. అది బ్రేక్ చేసి వేరే హీరో చేత అసలు హీరో,నిర్మాత లేకుండా షీల్డ్ లు ఇవ్వటం అంతా వింతగా చెప్పుకుంటున్నారు. దాంతో రెడీ షూటింగ్ సమయంలోనే రామ్ కి,శ్రీను కి,స్రవంతి రవికిషోర్ కి చెడిందనే వార్త ప్రచారంలోకి వచ్చింది. అంతేగాక రెడీ రిలీజయిన దగ్గరనుండి నిర్మాత,దర్శకుడు ఇద్దరూ ఎక్కడా కలిసి ఇంటర్వూ ఇవ్వటం కానీ చేయకపోవటం ఎడమెహం,పెడమెహం గా ఉండటం ఈ వార్తకు బలాన్నిస్తోంది.