క్రిష్ కి నో ఎందుకంటే..వెంకీ

క్రిష్ తో తాను చేయవల్సిన 'కృష్ణం వందే జగత్ గురుమ్' ఆగిపోవటానికి కారణం వెంకటేష్ వివరించారు. నాకు ప్రయోగాత్మక చిత్రాలు, కొత్తవారితోనంటే ఆసక్తి. అందుకే గమ్యం చూసి క్రిష్ కి అవకాశమిచ్చాను. అయితే క్రిష్ రూపొందించిన స్క్రిప్టు సెకెండాఫ్ డ్రైగా ఉంది. దాన్ని రీ డిజైన్ చేయమని మార్చమని చెప్పాను. కానీ అది జరగలేదు. ఇతరుల సంగతేమో నాకు తెలియదు కానీ నేను ఎప్పుడూ కొత్త వారికి అవకాశమిస్తాను. నా తలుపులు ఎప్పుడూ కొత్త ఆలోచనలతో వచ్చే వారికి తెరిచే ఉంటాయి. ఇప్పటికీ రోజూ నేను స్క్రిప్టులు వింటున్నానంటే నమ్ముతారా అన్నారు.

ఇక విమర్శకుల ప్రశంసలు పొందిన గమ్యం హిట్ రాగానే వెంకటేష్ పిలిచి సినిమా ఇస్తాననటం జరిగింది. అప్పడు 'కృష్ణం వందే జగత్ గురుమ్' తయారైంది. అలాగే సూపర్ హిట్ ఆడవారి మాటలకు అర్ధాలే వేరులే చిత్రంలో వెంకీ సరసన చేసిన త్రిష మళ్ళీ ఈ సినిమాతో జతకడుతుందని వార్తలు వచ్చాయి. అలాగే ఈ సినిమాకున్న మరో స్పెషాలిటీ మొదటిసారిగా సురేష్ బాబు నిర్మిస్తున్న చిత్రాన్ని అశ్వనీదత్ సినిమాను సమర్పించటం అని హైప్ చేసారు. అయితే అనుకోని విధంగా ఈ సినిమా ఆగింది. ప్రుస్తనుతం వెంకీ ఈనాడు చిత్రం షూటింగ్ లో బిజీగా ఉంటే..క్రిష్ ..అల్లు అర్జున్ తో చేస్తున్న వేదం ప్రారంభించే హడావిడిలో ఉన్నారు.