రాజకీయాల్లోకి ప్రభాస్? బీజేపీలో చేరుతున్నారా?... కృష్ణం రాజు సమాధానం ఇదీ!

ప్రభాస్ పొలిటికల్ ఎంట్రీ గురించి మాట్లాడటం టూ ఎర్లీ

ప్రభాస్ కేవలం ఆంధ్రప్రదేశ్ రాష్ట్రానికో, తెలుగు ప్రజలకో పరిమితం అయితే ఒకరకం. ఇండియాకు పరిమితం అయితే ఇంకో రకం. కానీ ఇపుడు ప్రభాస్ స్థాయి ఇంటర్నేషనల్ లెవల్. అందుకే ప్రభాస్ రాజకీయాల్లోకి వస్తాడా? రాడా? అనేది ఇపుడే మాట్లాడటం టూ ఎర్లీ... అంటూ కృష్ణం రాజు వ్యాఖ్యానించారు.

ప్రభాస్ బీజేపీలో చేరుతున్నారనే ప్రచారానికి కారణం

గతంలో బాహుబలి విజయం తర్వాత కృష్ణంరాజు తన వెంట ప్రభాస్‌ను తీసుకెళ్లి ప్రధానమంత్రి మోదీని కలవడం, బ్లెస్సింగ్స్ తీసుకోవడం తెలిసిందే. ఈ నేపథ్యంలో ప్రభాస్ పొలిటికల్ ఫీల్డ్ వైపు వస్తున్నారని, బీజేపీలో చేరుతున్నారనే చర్చ మొదలైంది.

కృష్ణం రాజు ఏమంటున్నారంటే...

ప్రభాస్, బీజేపీ వార్తలపై కృష్ణం రాజు స్పందిస్తూ... బాహుబలి సినిమా అమిత్ షా, రాజనాథ్ సింగ్ చూశారు. వారు నా కొలీగ్స్. మోడీ గారితో 25 సంవత్సరాల స్నేహం. నేను 1998లో ఎంపీగా ఉన్నపుడు ఆయన పార్టీ జనరల్ సెక్రటరీగా ఉండేవారు. అపుడు మేము పార్టీ విషయాలు చర్చించుకునే వారం. ఆంధ్రప్రదేశ్ రాస్ట్రంలో సున్నా నుంచి నాలుగు సీట్లు తీసుకొచ్చింది నేనే అని చెబుతుండేవారు. వారు నాకు చాలా దగ్గర కాబట్టి ప్రభాస్‌ను వారికి పరిచయం చేశానే తప్ప... మరో కారణం ఏమీ లేదని తెలిపారు.

ప్రభాస్‌ను రాజకీయాల్లోకి తీసుకురావడం అనే టార్గెట్ నాకేమీ లేదు

ప్రభాస్‌ను రాజకీయాల్లోకి తీసుకురావడం అనే టార్గెట్ నాకేమీ లేదు. ఒక ఫ్రెండుగా పొలిటికల్ విషయాల గురించి చర్చిస్తాను, సజ్జెస్ట్ చేస్తాను. అంతే కానీ డిక్టేట్ చేయను. ప్రభాస్ ఇంటర్నేషనల్ స్టార్ అయిన తర్వాత అతడిపై చాలా బర్డెన్ ఉంది. ముందు దాన్ని సాల్వ్ చేసుకోవాలి. రాజకీయాల గురించి ఆలోచించడానికి చాలా సమయం ఉందని కృష్ణం రాజు స్పష్టం చేశారు.