బాలీవుడ్ లోనూ 'కిక్‌'

రవితేజ, ఇలియానా కాంబినేషన్లో సురేంద్రరెడ్డి దర్శకత్వంలో వచ్చిన కిక్ చిత్రం ఇప్పుడు హిందీలోకి సైతం వెళ్తోంది. సల్మాన్ ఖాన్ హీరోగా ఈ చిత్రం రీమేక్ చేస్తున్నారని సమాచారం. ఈ చిత్రం రీమేక్‌ హక్కులను ఫాన్సీ రేటు ఇచ్చి సాజిద్‌ నడియాడ్‌వాలా పొందారు. ఈ విషయాన్ని చిత్రదర్శకుడు స్వయంగా సురేందర్‌రెడ్డి మీడియాకు తెలిపారు. ఇప్పటివరకు ఏ తెలుగు చిత్రానికీ రానంత ఫాన్సీ రేటు ఈ చిత్రానికి వచ్చిందని చెపుతున్నారు. మరోప్రక్క బెంగాలీ, కన్నడ భాషల్లో కూడా ఈ చిత్రాన్ని నిర్మించేందుకు ఆయా భాషల నిర్మాతలు హక్కుల కోసం ప్రయత్నిస్తున్నట్లు చెప్తున్నారు.అలాగే ఈ చిత్రం తమిళ రీమేక్‌ హక్కులను ఫాన్సీ ఆఫర్‌ ఇచ్చి ఎడిటర్‌ మోహన్‌ పొందారు. తన కుమారుడు రాజా దర్శకత్వంలో మరో కుమారుడు రవి హీరోగా ఆయన ఈ చిత్రాన్ని నిర్మిస్తున్నారు. తమిళ వెర్షన్‌కి 'తిల్లాలంగడి' అనే టైటిల్‌ని ఖరారు చేశారు. ఇక సల్మాన్ ఖాన్ హీరోగా చేసిన పోకిరి రీమేక్ వాంటెడ్ ఇప్పుడు బాలీవుడ్ లో సంచలన విజయం సాధించిన సంగతి తెలిసిందే.