రూ. 4 కోట్లు ఇవ్వాల్సిందే.... నాగార్జున ఇంటి వద్ద యువతి వీరంగం!

యువతి చెప్పిన మాటలతో అంతా షాక్

నాగార్జున పీఏను కలిసి తాను నాగార్జునను కలవాలని సదరు యువతి కోరగా... ఆయన్ను కలవాల్సిన కారణం ఏమిటని అడగారు. నాగార్జున తనకు రూ. 4 కోట్లు ఇవ్వాలని అందుకే వచ్చినట్టు ఆమె చెప్పడంతో అంతా షాకయ్యారు. నాగార్జున లేరని చెప్పినా ఆమె వినిపించుకోకుండా హడావిడి చేసింది.

యువతిని అదుపులోకి తీసుకున్న పోలీసులు

సెక్యూరిటీ సిబ్బంది వెంటనే పోలీసులకు సమాచారం ఇవ్వడంతో వారు వచ్చి ఆ యువతిని అదుపులోకి తీసుకున్నారు. ఆమెను ఆదిలాబాద్‌కు చెందిన విజయ అనే మహిళగా గుర్తించినట్లు పోలీసులు వెల్లడించారు.

ఎందుకలా చేసింది?

యువతిని అదుపులోకి తీసుకున్న పోలీసులు ఆమె మానసిక స్థితి బాగాలేదని నిర్దారణకు వచ్చిన తర్వాత బంధువులకు సమాచారం అందించారు. ఈ సంఘటనపై ఎలాంటి కేసు నమోదు చేయలేదని సమాచారం.

నాగార్జున బిజీ బిజీ

ప్రస్తుతం నాగార్జున శ్రీరామ్ ఆదిత్య దర్శకత్వంలో ఫన్ అండ్ కామెడీ ఫిల్మ్ చేస్తున్నారు. ఈ చిత్రంలో నాని కూడా నటిస్తున్నారు. ఈ మల్టీ స్టారర్ చిత్రానికి ‘దేవదాసు' అనే టైటిల్ పెట్టే ఆలోచనలో ఉన్నట్లు వార్తలు వినిపిస్తున్నాయి.