Click it and Unblock the Notifications
ఎవరీ అభిలాష..., బాలయ్య గురించి ఎందుకలా? వైరల్ వీడియో!
హైదరాబాద్: నందమూరి బాలకృష్ణ నటించిన 100వ చిత్రం 'గౌతమీపుత్ర శాతకర్ణి' ఈ రోజు విడుదలై అన్ని వర్గాల నుండి అద్భుతమైన రెస్పాన్స్ సొంతం చేసుకుంటోంది. బాలయ్య 100వ చిత్రం విడుదల సందర్భంగా ఓ అభిమాని రాసిన పాట సోషల్ మీడియాలో వైరల్ అయింది.
శత చిత్ర తారా... తారక రామ పుత్ర బాలకృష్ణ అంటూ రాసిన ఈ పాట ఇపుడు అభిమానులను ఎంతగానో ఆకట్టుకుంటోంది. ఈ పాటను రాసింది, డైరెక్ట్ చేసింది.... అభిలాష అనే రచయిత్రి. గౌతమీపుత్ర శాతకర్ణి సినిమా విడుదల సందర్భంగా ఈ సాంగును డెన్మార్క్ లోని పలు థియేటర్లలో ప్లే చేసినట్లు తెలుస్తోంది.
సినిమా రిలీజ్ ముందు ఇటీవల ప్రసాద్ ల్యాబ్స్ లో బాలయ్య అభిమానుల మీటింగ్ సందర్భంగా కూడా ఈ పాటను ప్లే చేసారు. బాలయ్య కూడా సాంగును చూసి రచయిత్రిని మెచ్చుకున్నారు. ఈ విషయాన్ని ఆమె స్వయంగా వెల్లడించారు.
బాలయ్య గారు నాకు ఫోన్ చేసి పర్సనల్ గా మెచ్చుకున్నారు. చాలా మంది అభిమానులు ఈ పాటను తమ రింగ్ టోన్ గా పెట్టుకున్నారని చెప్పారు... బాలయ్య గారు ఫోన్ చేసి మెచ్చుకోవడం ఆనందంగా ఉంది అని అభిలాష తెలిపారు.
ఈ రచయిత 'గుండె చప్పుడు' అనే పుస్తకాన్ని కూడా రాసారు. ఈ పుస్తకాన్ని గౌతమీపుత్ర శాతకర్ణి సెట్స్ లో రిలీజ్ చేసారు. 'గౌతమీపుత్ర శాతకర్ణి' మూవీ గన విజయం సాధించడంపై అభిలాష సంతోషం వ్యక్తం చేసారు.
Continue with Google