చిన్ని కృష్ణ ఒక చీటర్, అతడి బాగోతం బయటపెడతా.. ప్రముఖ రచయిత సంచలనం!

ఇస్తరాకు కూడా వేయలేదు

పవన్ కళ్యాణ్ ని విమర్శిస్తూ మెగా ఫ్యామిలీపై కూడా చిన్ని కృష్ణ తీవ్రమైన విమర్శలు చేశారు. చిరంజీవి తాను ఇంద్ర లాంటి ఆల్ టైం హిట్ అందిస్తే ఏరోజూ ఇస్తరాకు వేసి భోజనం కూడా పెట్టలేదన్నారు. ఏ రోజూ కులం గురించి మాట్లాడని తాను ఈ రోజు మాట్లాడవలసి వస్తోందని, కాపులకు మెగా ఫ్యామిలీ మాత్రమే రెప్రజెంటేషన్ కాదని చిన్న కృష్ణ అన్నారు. తాము కూడా కాపులమే అని తెలిపారు.

మెగా ఫ్యామిలీ కాపాడుతుందా

పవన్ కళ్యాణ్ తెలుగు ప్రజల మధ్య విద్వేషాలు రెచ్చగొట్టేలా మాట్లాడుతున్నారు. ఆయన వ్యాఖ్యల వలన తెలంగాణాలో దాడులు జరిగితే పవన్ కళ్యాణ్ అన్నలు, మెగాఫ్యామిలీ వచ్చి కాపాడుతుందా అని ప్రశ్నించారు. పవన్ కళ్యాణ్ త్రివిక్రమ్ రాసే డైలాగులు చదువుతున్నారని విమర్శించారు. దీనితో మెగా ఫాన్స్ సోషల్ మీడియాలో చిన్ని కృష్ణపై ట్రోలింగ్ మొదలు పెట్టారు. తాజాగా చిన్ని కృష్ణ వ్యాఖ్యలపై ప్రముఖ రచయిత ఆకుల శివ స్పందించారు.

అతడొక చీటర్

ఆకుల శివ మాట్లాడుతూ చిన్ని కృష్ణ పెద్ద చీటర్. తన కెరీర్ మొత్తం అతడు పక్కవాడి వర్క్ ని కాపీ కొడుతూ వచ్చాడు అని ఆకుల శివ సంచలన వ్యాఖ్యలు చేశారు. తాను త్వరలోనే చిన్ని కృష్ణ గురించి అసలు నిజాలు బయటపెడతానని ఆకుల శివ పేర్కొన్నారు. దీనితో రాజకీయ పరిణామాలు కాస్త టాలీవుడ్ వివాదాలుగా మారుతున్నాయి.

కేసీఆర్‌పై ఆగ్రహం

కేసీఆర్ ఆంధ్ర రాజకీయాల్లో వేలుపెడుతూ వైసీపీకి మద్దత్తు తెలుపుతున్నారని గత కొన్ని రోజులుగా పవన్ కళ్యాణ్ విమర్శిస్తున్న సంగతి తెలిసిందే. ఈ వ్యాఖ్యలు వివాదభరితంగా మారుతున్నాయి. కేసీఆర్ కు ఆంధ్రరాజకీయాల్లో జోక్యం చేసుకోవాలనే ఉద్దేశం ఉంటే నేరుగా ఇక్కడకు వచ్చి పోటీ చేయాలని పవన్ జనసేన పార్టీ ప్రచారంలో పేర్కొన్నారు.