రామ్ గోపాల్ వర్మ మోసం: ‘ఆఫీసర్’ స్క్రిప్టు లీక్ చేసి జయకుమార్ సంచలనం!

అన్ని దారులు మూసేశారు: జయకుమార్

నాకు జరిగిన మోసం గురించి నాగార్జునగారికి చెప్పి న్యాయం కోరడానికి శతవిధాలా ప్రయత్నం చేశాను. కానీ కానీ నా స్క్రిప్టును కాపీ కొట్టిన దర్శకుడు రామ్ గోపాల్ వర్మ నుంచి, అతడికి సపోర్ట్ చేసిన నిర్మాత దాకా అందరూ నా దారులన్నీ మూసేశారు... అని జయకుమార్ పేర్కొన్నారు.

స్క్రిప్టు మొత్తం లీక్ చేసిన జయకుమార్

‘ఆఫీసర్' పేరుతో తాను రాసుకున్న స్క్రిప్టు మొత్తాన్ని జయకుమార్ ఆన్‌లైన్లో లీక్ చేశారు. వర్మ తీసిన ‘ఆఫీసర్' మూవీతో స్క్రిప్టుతో ఇది ఏ మేరకు మ్యాచ్ అవుతుందో అంటూ అంతా ఆసక్తిగా ప్రేక్షకులు ఎదురు చూస్తున్నారు.

23 పేజీల స్క్రిప్టు...

మొత్తం 23 పేజీల్లో రాసిన పూర్తి స్క్రిప్టును జయకుమార్ విడుదల చేశారు. ఇందులో ప్రతి పాత్రకు సంబంధించిన డైలాగులతో పాటు డిటేల్డ్ ఇన్ఫర్మేషన్ ఉంది. మరి ఈ స్క్రిప్టు మీద రామ్ గోపాల్ వర్మ ఎలా స్పందిస్తారో చూడాలి.

వాయిదాపడ్డ ‘ఆఫీసర్'

కాగా... ‘ఆఫీసర్' మూవీ మే 25న విడుదల కావాల్సి ఉండగా... కొన్ని టెక్నికల్ కారణాల వల్ల రిలీజ్ వాయిదా వేశారు. ఈ మేరకు దర్శకుడు రామ్ గోపాల్ వర్మ ట్విట్టర్ ద్వారా ప్రకటన చేశారు. జూన్ 1న సినిమాను రిలీజ్ చేయబోతున్నట్లు తెలిపారు.