డబ్ల్యుడబ్ల్యుఇ స్టార్ ది గ్రేట్ ఖలీ... తెలుగు సినిమాలో, వివరాలు ఇవే!

రెజ్లర్ పాత్రలో ఖలీ

‘నరేంద్ర' మూవీలో నీలేశ్‌ టైటిల్‌ రోల్ చేస్తుండగా... బ్రెజిలియన్‌ మోడల్, నటి ఇసబెల్‌ లీత్‌ హీరోయిన్‌గా చేస్తోంది. తాజాగా విడుదలైన ఫస్ట్ లుక్ పోస్ట్ చూస్తుంటే రెజ్లింగ్ నేపథ్యంలో ఈ మూవీ సాగుతుందని, ఖలీ రెజ్లర్‌గా కనిపిస్తారని తెలుస్తోంది.

జయంత్ సి పరాన్జీ

తెలుగులో ప్రేమించుకుందాం రా, శంకర్‌ దాదా ఎంబీబీఎస్‌ వంటి చిత్రాలను తెరకెక్కించి జయంత్ సి పరాన్జీ.... వరుస పరాజయాలతో వెనకబడిపోయారు. ఆయన చివరి చిత్రం ‘జయదేవ్' 2017లో విడుదలైంది. రెండేళ్ల గ్యాప్ తర్వాత ‘నరేంద్ర' సినిమాతో మళ్లీ వస్తున్నారు.

ఇండియా, పాకిస్థాన్

ఇండియా, పాకిస్థాన్ నేపథ్యంతో సినిమా ఉంటుందని, అందుకు తగిన లొకేషన్లలో సినిమా చిత్రీకరించబోతున్నట్లు తెలుస్తోంది. ఇప్పటికే మొదటి షెడ్యూల్ షూటింగ్ పూర్తి చేసుకుంది. స్టోర్ట్స్ బ్యాగ్రౌండ్ మూవీ కావడంతో అందుకు తగిన విధంగా భావోద్వేగాలు పండించేలా చిత్రాన్ని రూపొందిస్తున్నారట.

నరేంద్ర

‘నరేంద్ర' చిత్రాన్ని ఇషాన్ ఎంటర్ టైన్మెంట్స్ సంస్థ ఈ చిత్రాన్ని నిర్మిస్తోంది. బాలీవుడ్ మ్యూజిక్ డైరెక్టర్ రామ్ సంపత్ తొలిసారి తెలుగు సినిమాకు సంగీతం అందిస్తున్నారు.