Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
చీర కట్టుకున్నావు.. నీవు ముస్లిం కాదు పో.. సైఫ్ ఖాన్ సోదరికి చేదు అనుభవం..
సాంప్రదాయ పద్ధతిలో చీరకట్టు మహిళలకు అందాన్నే కాకుండా.. హుందాతనాన్ని తెచ్చిపెడుతుంది. చీరను ధరించడం అనేది కులం, మతం, ప్రాంతానికి సంబంధం లేని విషయం. ఇది గ్రహించలేని కొందరు నెటిజన్లు పండుగ రోజు చీరలో కని
సాంప్రదాయ పద్ధతిలో చీరకట్టు మహిళలకు అందాన్నే కాకుండా.. హుందాతనాన్ని తెచ్చిపెడుతుంది. చీరను ధరించడం అనేది కులం, మతం, ప్రాంతానికి సంబంధం లేని విషయం. ఇది గ్రహించలేని కొందరు నెటిజన్లు పండుగ రోజు చీరలో కనిపించిన బాలీవుడ్ నటి సోహా అలీ ఖాన్పై ఆక్రోషాన్ని వెళ్లగక్కారు. నీవు మతానికి సంబంధించిన వ్యక్తివి కాదుపో అని దుర్భాషలాడటం సోషల్ మీడియాలో రచ్చరచ్చగా మారింది. శ్రీమంతం జరిగిన నాటి ఫొటోను పోస్ట్ చేసిన సోహాకు సోషల్ మీడియాలో చేదు అనుభవం ఎదురైంది. గతంలో దంగల్ చిత్రంలో నటించిన సనా ఫాతీమా షేక్ బికినీ ధరించడం కూడా వివాదాస్పదం చేశారు కొందరు.
సైఫ్ అలీఖాన్ చెల్లెలు..
ఒకప్పటి ఇండియన్ కెప్టెన్ మన్సూర్ అలీ ఖాన్ పటౌడీ, అలనాటి అందాల తార షర్మిలా టాగోర్ కూతురు సోహా అలీఖాన్. బాలీవుడ్ నటుడు సైఫ్ అలీ ఖాన్కు సోదరి, కరీనా కపూర్కు మరదలు. ఇటీవల కునాల్ కేమూ అనే నటుడ్ని 20015లో జనవరిలో సోహా పెళ్లి చేసుకొన్నది. ప్రస్తుతం ఆమె గర్భవతి కూడా.
రంజాన్ రోజు చీరలో దర్శనం
అయితే తాజాగా రంజాన్ పండుగ రోజు బెంగాలీ ట్రెడిషన్లో చీర కట్టుకొని తన భర్త కునాల్తో దిగిన ఫొటోను ఇన్స్టాగ్రామ్లో పోస్ట్ చేసింది. పింక్ కలర్ శారీలో చాలా సంప్రదాయంగా కనిపించింది. అంత వరకు బాగానే ఉంది. ఆ ఫోటో గురించి నెటిజన్లు అభ్యంతరకరమైన కామెంట్లు పోస్ట్ చేశారు.
ఒట్టు నీవు ముస్లిం కాదు..
చీరకట్టులో నాకు నీవు నచ్చలేదు. ఫొటోలో చీర కట్టు సరికాదు. మా మతానికి వ్యతిరేకం. ఒట్టు నీవు ముస్లిం కాదు. నీకు నేను రంజాన్ శుభాకాంక్షలు కూడా చెప్పను అని ఓ వ్యక్తి తీవ్రమైన కామెంట్లు చేశాడు.
నిన్ను చూసి సిగ్గుపడుతున్నాం..
రంజాన్ పండుగ శుభాకాంక్షలు తెలుపడానికి సిగ్గుపడుతున్నది. నీవు ముస్లిం కాదు. నిన్ను చూసి మేము సిగ్గుపడుతున్నాం అని మరోకరు అభ్యంతరకరమైన వ్యాఖ్యలు చేశాడు.
సోహాకు మద్దతుగా నిలిచిన ఫ్యాన్స్
ఇలాంటి కామెంట్ల మధ్య కొందరు అభిమానులు సోహా అలీఖాన్కు మద్దతుగా నిలిచారు. అభ్యంతరకరమైన కామెంట్లు చేయడంపై తీవ్ర నిరసన తెలిపారు. చీరకట్టుకోవడాన్ని కూడా మతాన్ని ఆపాదించడం సరికాదని అన్నారు. మాతృత్వాన్ని అనుభవించబోతున్న సోహాకు కొందరు అభినందనలు తెలిపారు.