Don't Miss!
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- News సెంటిమెంట్ కలిసొస్తే - అదే ఫలితం రిపీట్...!!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
సుడిగాలి సుధీర్తో వర్కౌట్ అవుతుందా? అనుకున్నా.. అప్పుడే కమిటయ్యా.. హాట్ బ్యూటీ షాకింగ్ కామెంట్స్
జబర్దస్త్ వీరుడిగా సుడిగాలి సుధీర్ అందరికీ సుపరిచితమే. కమెడియన్గా ఆయన స్కిట్స్ కూడా పరిచయమే. పైగా మంచి పాపులారిటీ ఉన్న పర్సనాలిటీ సుధీర్ది. అలాంటిది ఇతగాడి గురించి ఓ హీరోయిన్ బాగా ఎంక్వైరీ చేసిందట. ఆ తర్వాతనే కమిట్ అయిందట. ఇంతకీ ఆ ఎంక్వైరీ ఎందుకు? ఆ కమిట్ ఎందుకోసం? వివరాల్లోకి పోతే..
అదృష్టాన్ని పరీక్షించుకోవడానికి రెడీ
ఇన్నాళ్లు బుల్లితెరపై కమెడియన్గా, పలు పబ్లిక్ కార్యక్రమాల్లో వ్యాఖ్యాతగా అలరించిన సుడిగాలి సుధీర్ ఇకపై హీరోగా దర్శనమీయబోతున్నాడు. వెండితెరపై కూడా తన అదృష్టాన్ని పరీక్షించుకోవడానికి రెడీ అయ్యాడు. ఆయన హీరోగా నటించిన మొదటి సినిమా 'సాఫ్ట్వేర్ సుధీర్' విడుదలకు సిద్ధమైంది.
సాఫ్ట్వేర్ సుధీర్గా సుడిగాలి సుధీర్
శేఖర ఆర్ట్స్ క్రియేషన్స్ బేనర్పై ప్రొడక్షన్ నెం: 1గా ప్రముఖ పారిశ్రామిక వేత్త కె. శేఖర్ రాజు 'సాఫ్ట్వేర్ సుధీర్' చిత్రాన్ని నిర్మిస్తున్నాడు. 'రాజుగారి గది' ఫేమ్ ధన్య బాలకృష్ణ హీరోయిన్గా నటించింది. ఈ సినిమా ద్వారా రాజశేఖర్ రెడ్డి పులిచర్ల దర్శకుడిగా పరిచయమవుతున్నారు. ఇప్పటికే ఈ సినిమా షూటింగ్ ఫినిష్ కావడంతో ప్రమోషన్స్ వేగవంతం చేసింది చిత్రయూనిట్.
సుధీర్తో వర్కౌట్ అవుతుందా? అనుకున్నా..
ఈ నేపథ్యంలో తాజాగా జరిగిన ఓ ఇంటర్వ్యూలో హీరోయిన్ ధన్య బాలకృష్ణ కొన్ని ఆసక్తికర విషయాలు చెప్పింది. తాను ఈ సినిమాకు సంతకం చేసే సమయంలోనే సుడిగాలి సుధీర్ గురించి ఎంక్వైరీ చేశానని చెప్పింది ధన్య. అసలు సుధీర్తో సినిమా తీస్తే వర్కౌట్ అవుతుందా? లేదా? అనే విషయంపై క్షుణ్ణంగా ఆరా దీశాకే ఈ సినిమాకు ఓకే చెప్పానని ఆమె తెలిపింది.
ఎంక్వైరీలు చేశాకే కమిట్ అయ్యా
గతంలో తాను నటించిన సినిమాలతో పెద్దగా పాపులారిటీ రాలేదు కాబట్టి ఈ సినిమా విషయంలో చాలా జాగ్రత్త పడ్డానని చెప్పుకొచ్చింది ధన్య బాలకృష్ణ. ఈ మేరకు తనతో నటించే హీరో సుధీర్కు ఫ్యాన్ బేస్ ఎలా ఉందా? సుధీర్తో సినిమా చేస్తే సక్సెస్ అయ్యేనా? లాంటి ఎంక్వైరీలు చేశాకే కమిట్ అయ్యానని ధన్య తెలిపింది.
అనుకున్న దానికంటే బాగా..
ఈ రోజుల్లో కొత్త హీరోలతో సినిమాలు చేస్తే విడుదలయ్యే పరిస్థితి కూడా లేదని, అందుకే సుధీర్తో సినిమా అనగానే చాలా జాగ్రత్తలు తీసుకోవాల్సి వచ్చిందని ధన్య తెలిపింది. తాను చేసిన ఎంక్వైరీలో సుధీర్కు ఉన్న ఫ్యాన్ బేస్ ఉందని తేలడంతో.. సినిమా చేశానని ఆమె చెప్పింది. 'సాఫ్ట్వేర్ సుధీర్' సినిమా అనుకున్న దానికంటే బాగా వచ్చిందని, ఖచ్చితంగా ఈ సినిమా సూపర్ హిట్ అవుతుందని ఆమె ఆశాభవం వ్యక్తం చేసింది.
ఇంద్రజ, గద్దర్ కూడా..
సుడిగాలి సుధీర్, ధన్య బాలకృష్ణ హీరోహీరోయిన్లుగా నటించిన 'సాఫ్ట్వేర్ సుధీర్' చిత్రంలో ప్రజా గాయకుడు గద్దర్ ఓ పాటలో నటించారు. సీనియర్ నటి ఇంద్రజ, పోసాని కృష్ణమురళి, నాజర్, షాయాజీ షిండే, డా. ఎన్. శివప్రసాద్, పృథ్వీ, సంజయ్ స్వరూప్, రవికాలే, విద్యుల్లేఖ, టార్జాన్ తదితరులు ఇతర కీలక పాత్రలు పోషించారు. భీమ్స్ సిసిరోలియో సంగీతం అందిస్తున్నారు.