Harsha Sai MEGA Review: హీరో కమ్ డైరెక్టర్‌గా హర్షసాయి.. అసలు ఈ మెగా 'లో డాన్' అంటే ఏంటంటే?

యూట్యూబర్ హర్షసాయి అంటే తెలియని వారుండరు. సోషల్ మీడియాను వాడే ప్రతి ఒక్కరికి హర్షసాయి అంటే తెలుసు. అయితే హర్షసాయి ఓ సినిమా చేస్తున్నాడు. అది కూడా పాన్ ఇండియా లెవెల్ లో ఓ సినిమాను తెరకెక్కిస్తున్నారు. స్వయంగా ఆయనే కథ రాసుకుని డైరెక్టర్ కమ్ హీరోగా మారి ఆ సినిమాను రూపొందిస్తున్నాడు. ఇప్పుడు ఆ సినిమా టైటిల్ టీజర్ నేడు లాంఛ్ చేశారు. ఆ వివరాల్లోకి వెళితే....

యూట్యూబర్‌గా హర్హసాయి సోషల్ మీడియా వారే ప్రతిఒక్కరికి సుపరిచితమే. ఈయన యూట్యూబ్ ఛానెల్‍ కు 9 మిలియన్లకు పైగా సబ్‍స్క్రైబర్లు ఉన్నారంటే ఎంత ఫేమసో ఆలోచించండి. అంత ఫేమస్ అయిన హర్షసాయి హీరోగా ఓ మూవీ చేస్తున్నాడు. అది కూడా పాన్ రేంజ్‍లో ప్రేక్షకుల ముందుకు రానుంది. ఈ సినిమా టైటిల్ టీజర్ ఈరోజు అనగా..సెప్టెంబర్ 17న రిలీజ్ అయింది. విభిన్నమైన బ్యాక్‍ డ్రాప్‍ లో యాక్షన్ డ్రామాగా ఈ మూవీ రూపొందినట్లు తెలుస్తోంది.

హర్ష సాయి స్వయంగా కథ రాసుకుని దర్శకత్వం వహిస్తున్నాడు. ఇక ఈ సినిమాకు 'మెగా' అని పేరు పెట్టారు. దానికి లో డాన్'అనే (MEGA - Lo Don) క్యాప్షన్ ఇచ్చారు. ఇక ఈ 'మెగా - లో డాన్' మూవీ పాన్ ఇండియా రేంజ్‍ లో తెలుగు, తమిళ్, కన్నడ, మలయాళ , హిందీ భాషల్లో రానుంది. వచ్చే ఏడాది ఈ సినిమాను రిలీజ్ చేయనన్నట్టు టీజర్ లో మేకర్స్ తెలిపారు.

ఇక మెగా సినిమాను శ్రీ పిక్చర్స్ పతాకంపై బిగ్‍బాస్ ఫేమ్ మిత్ర ఈ చిత్రాన్ని నిర్మిస్తోంది. కల్వకుంట్ల వంశీధర రావు ఈ చిత్రాన్ని సమర్పిస్తున్నారు. వికాస్ బాడిస ఈ సినిమాకు సంగీతం అందిస్తున్నారు. ఇక ఈ సినిమా టీజర్ నేడు రిలీజ్ అయి ఆకట్టుకుంటుంది. అసలు ఈ మెగా లో డాన్ అని ఎందుకు పేరు పెట్టారని నెటిజన్స్ సెర్చ్ చేస్తున్నారు.

ఇక ఈ సినిమా టీజర్ విషయానికి వస్తే... ఓ భారీ గంటకు హీరో హర్షసాయిని కట్టేసి కొందరు శిక్ష విధించే సీన్‍ తో మూవీ టైటిల్ టీజర్ మొదలు అవుతుంది. ఓ డిఫరెంట్ బ్యాక్‍ డ్రాప్‍లో ఈ సినిమాను తెరకెక్కించారని టీజర్ చూసినంత సేపు అనిపిస్తూ ఉంటుంది. హర్షసాయి వీపుపై ఉన్న టాటూను హైలైట్ చేస్తూ టీజర్ సాగింది. ఓ వింత మనిషి అనగా కోతి రూపంతో కనిపిస్తాడు. ఓ సమూహం ఇలా టీజర్ గ్రాండ్‍ గా ఏదో కొత్తగా చూపించనున్నట్లు అర్ధం అవుతుంది.

మెగా టీజర్ లో హర్షసాయి ఓ డైలాగ్ చెప్పడం ఈ టీజర్ కే హైలెట్ గా నిలిచింది. "జీవితంలో ఓటమిని ఒప్పుకున్న క్షణమే.. నిజమైన ఓటమి.. నన్ను చూస్తే ఒప్పుకునే వాడిలా కనిపిస్తున్నానా" అంటూ హర్షసాయి చెప్తాడు. ఆ తర్వాత హర్షకు ఓ ఆత్మ కనిపిస్తుంది. జంతువులు, సింహాలు, సముద్రం అంటూ డైలాగ్స్ ఉన్నాయి. 'మెగా - లో డాన్' అనేది అత్యంత భారీ జంతువు అని ఈ టీజర్‌లో ఉంది. "ఈ కథ రాక్షసులతో నిండిన సముద్రాన్ని కుదిపేసి రాజైన మనిషి కథ" అంటూ ఈ టీజర్ ముగిసింది.

ఇక ఈ మెగా లో డాన్ అంటే.. సముద్రంలో ఉండే భారీ జంతువు అని తెలుస్తోంది. ఇది చూడటానికి షార్క్ లా ఉంటుంది. ఇది చాలా శక్తివంతమైన జంతువు. ఇది కొరికితే.. ఏదైనా ముక్కలు కావాల్సిందే. ఇక ఈ టైటిల్ అలా పెట్టడానకిి రీజన్ ఏంటో తెలియదు. మున్ముందు తెలుస్తోందేమోనని చూడాలి. ఇక మొత్తంగా 'మెగా' మూవీ టైటిల్ టీజర్ ఆసక్తిని రేకెత్తించింది.