పవన్ గారూ ఒక్క హగ్ ప్లీజ్...(పవన్ గురించి వైవిఎస్)

మొదటి సినిమా పవన్‌తో అనుకున్నా...

నా మొదటి సినిమా ఆయనతో చేయాలని కలిసాను. కానీ కొన్ని అనివార్య కారణాల వల్ల ఆ సినిమా చేయలేక పోయాం. నేను తీసుకునే కొత్త వాళ్లలో పవన్ కళ్యాణ్ లక్షణాలు ఉంటాయి. అలాంటి వారినే నేను తీసుకుంటాను. పవన్ కళ్యాణ్ హిస్టిరిక్స్ నాలో మిళితమైపోయి ఉన్నాయి. నా ప్రతి సినిమా ఆడియోను ఆయనకు ఇస్తుంటాను. ఆయన్ను కలవడానికి వీలుకాకుంటే వాళ్ల ఇంటి వాచ్‌మెన్‌కు ఇచ్చి పవన్ కళ్యాణ్ గారికి ఇవ్వమని చెప్పేవాన్ని అన్నారు.

పవర్ ఫుల్ స్టార్‌గా ఎదిగారు...

పరిశ్రమలో నేను ఎవరి ఆడియో వేడుక కోసమైనా ఎదురు చూస్తున్నానంటూ అది పవన్ కళ్యాణ్ గారి సినిమా ఆడియో కోసమే. ఆయన సాంగ్స్ వెరైటీగా డిజైన్ చేయిస్తారు. చిరంజీవిగారు సాంగ్స్‌కి కొత్త నిర్వచనం చెప్పి కొత్త రూట్ లోకి తీసుకెళితే...ఆ ఫ్యామిలీ నుండి వచ్చి ఆ రూట్‍‌లో వెళ్లకుండా కొత్త పాత్‌ని క్రియేట్ చేసుకుని కొత్త నిర్వచనం చెప్పి సునామీ లాంటి పవర్ ఫుల్ ఇమేజ్ క్రియేట్ చేసుకున్నారు. ఇది సమాన్య విషయం కాదు.

ఆయనంటే గౌరవంతో కూడిన భయం...

మహానుబావులు మనకేమీ సత్యాలు చెప్పరు. వారి జీవన విధానం నుండి మనం నేర్చుకోవాలంతే. స్వర్గీయ ఎన్టీఆర్ గారి నుండి హార్డ్ వర్క్, డెడికేషన్, మడమతిప్పనితనం నేర్చుకున్నాను. పవన్ కళ్యాణ్ నుండి నమ్మకం నేర్చుకున్నాను. ఆయన చేసే ప్రతి పనిని ప్రేమిస్తారు. లేకుంటే ఆ పని చేయరు. నిజాయితీగా నడుచుకోవడం, పెద్ద లక్ష్యాన్నైనా సాధించగలమనే నమ్మకం కలిగి ఉండటం. చేసే పనిని ప్రేమించడం, నిస్వార్థంగా సాయం చేయడం. అదే హ్యూమనిజం. అదే పవనిజం. పవన్ కళ్యాణ్ అంటే నాకు ఇష్టం...గౌరవంతో కూడిన భయం' అని చెప్పుకొచ్చారు వైవిఎస్ చౌదరి.

రేయ్

మెగా స్టార్ మేనల్లుడు సాయి ధరమ్ తేజ్ హీరోగా ప్రముఖ దర్శకుడు వైవిఎస్ చౌదరి స్వీయ నిర్మాణ దర్శకత్వంలో తెరకెక్కించిన చిత్రం ‘రేయ్'. ఈచిత్రం ఆడియో విడుదల కార్యక్రమం శుక్రవారం సాయంత్రం శిల్పకళా వేదికలో ఘనంగా జరిగింది. ఈ వేడుకకు పవర్ స్టార్ పవన్ కళ్యాణ్ హాజరవ్వడం స్పెషల్ అట్రాక్షన్‌గా నిలిచింది. ఈ చిత్రానికి చక్రి సంగీతం అందించారు.