Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మెగా అప్పులు: వైవిఎస్ చౌదరి థియేటర్ సీజ్
హైదరాబాద్: దర్శకుడు, నిర్మాత వైవిఎస్ చౌదరి... చివరి సారిగా తెరకెక్కించిన చిత్రం ‘రేయ్'. మెగా మేనల్లుడు సాయి ధరమ్ తేజ్ ను హీరోగా పరిచయం చేస్తూ మొదలు పెట్టిన ఈ చిత్రాన్ని చౌదరి ఆర్థికంగా చాలా కష్టనష్టాలకు ఓర్చి తెరక్కించిన సంగతి తెలిసిందే. ఈ సినిమా బాక్సాఫీసు వద్ద తీవ్ర నష్టాలనే మిగల్చడంతో పరిస్థితి అతని చేదాటి పోయింది.
అప్పటికే ఆర్థికగా దెబ్బతిన్న చౌదరి.... గుడివాడలోని తన ‘బొమ్మరిల్లు' థియేటర్ ను తాకట్టు పెట్టి ఆంధ్రాబ్యాంక్ లో లోన్ తీసుకున్నారు. తాను తీసిన సినిమాలు నష్టాలే తప్ప ఒక్క పైసా లాభం తెక పోవడంతో రుణం తిరిగి చెల్లించడంలో విఫలమయ్యారు. ధియేటర్ మీద తీసుకున్న బకాయిలను చెల్లించకపోవటంతో ఆంధ్రా బ్యాంక్ అధికారులు గురువారం సీజ్ చేసి స్వాధీనం చేసుకున్నారు.
వరుస ప్లాపులు వైవిఎస్ చౌదరిని ఆర్థికంగా బాగాదెబ్బతీసాయి. కె.రాఘవేంద్రరావు వద్ద శిష్యరికం చేసిన చౌదరి....నాగార్జున నిర్మించిన ‘సీతారాముల కళ్యాణం చూతము రారండి' చిత్రంతో దర్శకుడిగా ప్రయాణం మొదలు పెట్టాడు. ఆ చిత్రం తర్వాత తీసిన సీతారామరాజు, యువరాజు చిత్రాలు పెద్దగా ఆడలేదు. దీంతో ఆయనకు దర్శకుడిగా అవకాశాలు తగ్గాయి.
దీంతో తనే నిర్మాతగా మారిన చౌదరి..... దేవదాసు, సీతయ్య, లాహిరిలాహిరిలో చిత్రాలు తీసి సక్సెస్ అయ్యారు. మంచి లాభాలు గడించారు. కానీ ఆ తర్వాత బాలకృష్ణ హీరోగా ఒక్కమగాడు, గుణశేఖర్ దర్శకత్వంలో నిర్మించిన నిప్పు, చిరంజీవి మేనల్లుడు సాయి ధరమ్ తేజ్ హీరోగా పరిచయం చేస్తూ రూపొందించిన రేయ్ చిత్రాల చౌదరిని ఆర్థికంగా ముంచేసాయి.