రామ్ చరణ్ మూవీ టైటిల్ ‘ముంబై హీరో’

By Bojja Kumar

| Published: Thursday, June 20, 2013, 13:12 [IST]

హైదరాబాద్ : స్టైలిష్ స్టార్ అల్లు అర్జున్ ఇప్పటికే కేరళలో మంచి క్రేజ్ సంపాదించుకున్న సంగతి తెలిసిందే. టాలీవుడ్ తర్వాత బన్నీ సినిమాలు ఎక్కువ బిజినెస్ చేసేది మలయాళంలోనే. తాజాగా రామ్ చరణ్ కూడా తన మార్కెట్ ను మలయాళ చిత్రసీమకు విస్తరిస్తున్నారు. ఇప్పటికే రామ్ చరణ్ మగధీర చిత్రం మలయాళంలో విడుదలై మంచి వసూళ్లు సాధించింది.

ఇప్పుడు రామ్ చరణ్ బాలీవుడ్ మూవీ 'జంజీర్' కూడా మళయాళంలో విడుదల చేయడానికి సన్నాహాలు చేస్తున్నారు. తెలుగు వెర్షన్‌కు ఇప్పటికే 'తుఫాన్' అనే టైటిల్ ఖరారు చేసిన సంగతి తెలిసిందే. మలయాళ వెర్షన్‌కు 'ముంబై హీరో' అనే టైటిల్ ఖరారు చేసినట్లు తెలుస్తోంది.

అపూర్వ లఖియా దర్శకత్వంలో రూపొందుతున్న ఈచిత్రంలో రామ్ చరణ్ సరసన ప్రియాంక చోప్రా హీరోయిన్. 1973లో అమితాబ్, జయాబచ్చన్ జంటగా నటించిన 'జంజీర్' చిత్రానికి రీమేక్ గా ఈ చిత్రాన్ని రూపొందించారు. రామ్ చరణ్ ఈచిత్రంలో ఏసీపీ విజయ్ ఖన్నాగా...ఒరిజినల్ 'జంజీర్'లో అమితాబ్ బచ్చన్ పోషించిన పాత్రలో కనిపించబోతున్నారు. జయాబచ్చన్ పాత్రలో ప్రియాంక చోప్రా నటించింది.

హిందీ వెర్షన్లో షేర్ ఖాన్ పాత్రను సంజయ్ దత్ పోషిస్తుండగా, తెలుగు వెర్షన్లో శ్రీహరి విలన్ షేర్ ఖాన్ పాత్ర పోషిస్తున్నారు. సినిమా కొన్ని లీగల్ వివాదాల్లో ఉన్నందువల్ల విడుదల ఆలస్యం అవుతోంది. మరో రెండు నెలల్లో ఈచిత్రం విడుదలయ్యే అవకాశం కనిపిస్తోంది.

Comments

English summary

Mega Power Star ram charan's bollywood debut movie 'Zanjeer' seems to be getting a gigantic release across the globe. Apart from its Hindi and Telugu versions, the movie is being dubbed as 'Mumbai Hero' in Malayalam.

Story first published: Thursday, June 20, 2013, 13:12 [IST]

Other articles published on Jun 20, 2013