Don't Miss!
- Lifestyle చాణక్య నీతి : పొరపాటున కూడ భార్యకు ఈ 5 విషయాలు అస్సలు చెప్పకూడదు..!
- News డీజీ ఆంజనేయులు, సీపీ కాంతిరాణా టాటాపై ఈసీ బదిలీ వేటు: కీలక ఆదేశాలు
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సంజయ్ దత్ జైలుకు...చిక్కుల్లో రామ్ చరణ్ సినిమా!
హైదరాబాద్ : బాలీవుడ్ నటుడు సంజయ్ దత్ జైలుకు వెళ్ల నుండటంతో సినీ వర్గాల్లో ఆందోళన నెలకొంది. 1993 ముంబయి పేలుళ్ల కేసుకు సంబంధించి అక్రమాయుధాలు కలిగి ఉన్నందుకు సంజయ్కి సుప్రీం కోర్టు ఐదేళ్ల జైలు శిక్షను విధించింది. ఇప్పటికే పద్దెనిమిది నెలల జైలు శిక్ష అనుభవించి ప్రస్తుతం బెయిల్ పై బయట తిరుగుతున్న సంజయ్ని నాలుగు వారాల్లో కోర్టులో లొంగి పోవాల్సిందిగా కోర్టు గురువారం ఆదేశించింది. దీంతో ఆయన మిగిలిన మూడున్నరేళ్ల జైలు శిక్ష అనుభవించక తప్పని పరిస్థితి ఏర్పడింది.
ఈ నేపథ్యంలో సంజయ్ దత్ ఇప్పటికే కమిట్ అయిన సినిమాలతో పాటు, ప్రస్తుతం ఆయన నటిస్తున్న సినిమాల పరిస్థితి అగమ్య గోచరంగా మారింది. వీటిలో తెలుగు స్టార్ హీరో మెగా పవర్ స్టార్ రామ్ చరణ్ నటిస్తున్న తొలి బాలీవుడ్ మూవీ 'జంజీర్' చిత్రం ఉండటం అభిమానులకు మరింత ఆందోళన కలిగిస్తోంది.
జంజీర్ చిత్రం హిందీ వెర్షన్లో సంజయ్ దత్ షేర్ ఖాన్ పాత్రలో ప్రధాన ప్రతినాయకుడిగా నటిస్తున్నాడు. ఇప్పటికే పలు సీన్ల చిత్రీకరణ జరిగింది. ఇంకా చాలా వరకు షూటింగ్ జరుగాల్సి ఉంది. ఈ నేపథ్యంలో సంజయ్ దత్ను లొంగి పోవాల్సిందిగా కోర్టు ఆదేశించడంతో నిర్మాతల గుండెల్లో బాంబు పేలినట్లయింది. జైలుకెళ్లి ఆయన షూటింగులో పాల్గొనలేని పరిస్థితి ఏర్పడితే కోట్లాది రూపాయల నష్టం ఏర్పడటం ఖాయం.
మరో వైపు సంజయ్ దత్ తెలుగులో బాలకృష్ణ హిట్ చిత్రం లక్ష్మి నరసింహకు రీమేక్ గా హిందీలో 'పోలీస్ గిరి' అనే చిత్రం చేస్తున్నారు. ఈ చిత్రానికి కెఎస్. రవికుమార్ దర్శకత్వం వహిస్తున్నారు. కెఎస్. రవికుమార్కు ఇదే తొలి బాలీవుడ్ సినిమా. దీంతో ఆయనతో పాటు, ఆ సినిమాను నిర్మిస్తున్న నిర్మాతలు ఆందోళనలో పడ్డారు. సంజయ్ దత్ జైలు కెలితే ఈ చిత్రం అటకెక్కడం ఖాయం. ఇప్పటికే కొంత షూటింగ్ పూర్తి చేసుకున్న 'పోలీస్ గిరి'పై చాలా పెద్ద మొత్తంలో ఖర్చు చేసారు. సంజయ్ జైలు కెళితే ఇప్పటి వరకు పెట్టిన ఖర్చంతా బూడిదలో పోసిన పన్నీరే..!