Don't Miss!
- Sports Rishabh Pant: నోకియా వల్ల కాదు.. అదే మా కొంపముంచింది
- News కేసీఆర్కు మరో షాక్: బీఆర్ఎస్కు కడియం శ్రీహరి, కావ్య గుడ్బై, వరంగల్ కాంగ్రెస్ ఎంపీగా బరిలో
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బాలయ్య అన్ స్టాపబుల్ షోకు ఊహించని షాక్.. అక్కినేని వారి నిర్ణయంతో షూటింగ్ క్యాన్సిల్?
నందమూరి బాలకృష్ణ ఇటీవల అక్కినేని పేరుతో చేసిన ఒక కామెంట్ సోషల్ మీడియాలో కాంట్రవర్సీకి దారి తీసిన విషయం తెలిసిందే. అయితే ఈ వివాదం పై బాలయ్య బాబు ఇంతవరకు పెద్దగా రియాక్ట్ అయ్యింది లేదు. దీంతో ఫ్యాన్స్ అయితే సోషల్ మీడియాలో తీవ్రస్థాయిలో ఆగ్రహం వ్యక్తం చేశారు. ఇక మొత్తానికి అక్కినేని యువ హీరోలు నాగచైతన్య అఖిల్ ఇద్దరు కూడా స్పందించడంతో ఈ విషయం మరింత హాట్ టాపిక్ గా మారిపోయింది. అయితే ఇప్పుడు బాలయ్య చేసిన వ్యాఖ్యల కారణంగా అన్ స్టాపబుల్ షో కు మరొక ఇబ్బందికరమైన పరిస్థితి ఎదురవుతున్నట్లు టాక్ వినిపిస్తోంది. ఆ వివరాల్లోకి వెళితే..
బలయ్య రేంజ్ పెరుగుతున్న సమయంలో..
నందమూరి బాలకృష్ణ ఎంతో ఇష్టంగా చేసిన అన్ స్టాపబుల్ షో ఏ స్థాయిలో సక్సెస్ అయ్యిందో ప్రత్యేకంగా చెప్పనవసరం లేదు. అయితే ఆ షో ద్వారా మాత్రమే కాకుండా బాలకృష్ణ ఎప్పుడు సినిమాలతో కూడా తన స్థాయిని మరింత పెంచుకుంటున్నాడు. ఇక ఆయన రేంజ్ మరో లెవెల్ కు పెరుగుతున్న సమయంలోనే ఇటీవల విరసింహారెడ్డి ఈవెంట్లో చేసిన కొన్ని వ్యాఖ్యలు ఊహించిన విధంగా వివాదాస్పదంగా మారాయి.
తొక్కినేని కామెంట్స్ వైరల్
నందమూరి బాలకృష్ణ వీర సింహారెడ్డి సక్సెస్ ఈవెంట్లో మాట్లాడుతూ.. సెట్ లో ఉన్నప్పుడు వివిధ రకాల ఆర్టిస్టులతో చాలా విషయాలు మాట్లాడుతూ ఉంటామని నాన్నగారు అలాగే రంగారావు గారు ఇక అక్కినేని తొక్కినేని అంటూ ఇలా ఎన్నో విషయాలు మాట్లాడుతూ ఉంటామని బాలయ్య బాబు ఒక కామెంట్ అయితే చేశాడు. దీంతో ఆ విషయంపై అక్కినేని అభిమానులు మాత్రం తీవ్రస్థాయిలో అసంతృప్తి వ్యక్తం చేశారు.
అక్కినేని హీరోల రియాక్షన్
ఇక ఆ విషయంపై అక్కినేని హీరోలు కూడా స్పందించాల్సిన అవసరం ఉంది అని ఫ్యాన్స్ కూడా సోషల్ మీడియాలో కొన్ని ట్యాగ్స్ అయితే ట్రెండ్ అయ్యేలా చేశారు. ఇక మొత్తానికి యువ హీరోలు అక్కినేని నాగచైతన్య అక్కినేని అఖిల్ ఇద్దరు కూడా చాలా కూల్ గా బాలయ్య పేరు ఎత్తకుండానే కౌంటర్ ఇచ్చే ప్రయత్నం చేశారు. ఎన్టీ రామారావు గారు ఎస్వి రంగారావు గారు అలాగే అక్కినేని నాగేశ్వరరావు గారు ఇలా అందరూ కూడా తెలుగు కళామతల్లి బిడ్డలు అని.. వారిని గౌరవించకపోతే మనల్ని మనం గౌరవించుకోలేకపోయినట్టే అని బాలయ్య వ్యాఖ్యలపై ఒక స్వీట్ కౌంటర్ అయితే ఇచ్చారు.
అన్ స్టాపబుల్ పై ప్రభావం
అయితే ఇప్పుడు ఆ వ్యాఖ్యల కారణంగా నందమూరి బాలకృష్ణ పేరు సోషల్ మీడియాలో మరింత వైరల్ గా మారింది. అయితే ఇప్పుడు మరొక కొత్త న్యూస్ కూడా సోషల్ మీడియాలో ఫాన్స్ లో కొంత కన్ఫ్యూజన్ క్రియేట్ చేస్తోంది. ఎందుకంటే అన్ స్టాపబుల్ షూటింగ్ పై కూడా ఈ వివాదం ప్రభావం చూపించబోతున్నట్లుగా ఒక టాక్ అయితే వినిపిస్తోంది.
ఆహాకు అన్నపూర్ణ నుంచి మెస్సేజ్
అన్ స్టాపబుల్ షో మొదటి సీజన్ నుంచి మొన్న పూర్తి చేసుకున్న పవన్ కళ్యాణ్ ఎపిసోడ్ షూట్ వరకు కూడా అన్నపూర్ణ స్టూడియోలోనే షూట్ చేశారు. అయితే ఇప్పుడు 9వ ఎపిసోడ్ కోసం బాలకృష్ణ అన్ స్టాపబుల్ షూట్ లో పాల్గొనడానికి రెడీ అవుతుండగా అన్నపూర్ణ స్టూడియో నుంచి ఆహా టీంకు ఒక మెసేజ్ వెళ్ళినట్లుగా తెలుస్తోంది. బాలయ్య బాబును ఎంత మాత్రం మేము స్టూడియోలోకి అడుగుపెట్టనివ్వమని వారి నుంచి మెసేజ్ వచ్చినట్లుగా టాక్ వినబడుతోంది. తొమ్మిదవ ఎపిసోడ్ ను మరొక గెస్ట్ తో షూట్ చేసి త్వరలోనే విడుదల చేయాలని అనుకున్నారు. ఆ తర్వాత పదవ ఎపిసోడ్ గా పవన్ కళ్యాణ్ ఎపిసోడ్ ను రిలీజ్ చేయాలని అనుకున్నారు. మరి ఈ వివాదం షోపై ఎలాంటి ప్రభావం పడుతుందో చూడాలి.