దవడ పగిలిపోద్ది.. బయటకు వెళ్లాక నీ సంగతి చూస్తా ఆర్జే సూర్యకు అరోహి వార్నింగ్

నీవు నాకు కంటెస్టెంట్ మాత్రమే

ఆర్జే సూర్య, అరోహి రావు మధ్య వ్యక్తిగత అనుబంధ: ఉంది. అయితే బిగ్‌బాస్ ఇంటిలోకి వచ్చిన తర్వాత సూర్యను ఉద్దేశించి నీవు కేవలం కంటెస్టెంట్ మాత్రమే అని అరోహి అనడం గొడవకు దారి తీసింది. మన మధ్య కేవలం కంటెస్టెంట్ రిలేషన్ మాత్రమే ఉందా అంటూ సూర్య నిలదీశాడు.

సూర్య వెటకారంగా

అరోహిరావుతో సూర్య మాట్లాడుతూ.. నన్నేమన్నావు అంటూ ప్రశ్నించాడు. బిగ్‌బాస్‌లోకి టైటిల్ గెలువాలనే పర్పస్‌తో వచ్చాం. మనం ఇంటిలో ప్లేయర్స్ మాత్రమే అని అరోహి చెప్పింది. దాంతో అంతేగా.. ఆల్ ది బెస్ట్. నేను ఏదైనా కంప్లయింట్ ఇవ్వాలంటే.. నీతోనే స్టార్ట్ చేయగలను అంటూ సూర్య వెటకారంగా బిహేవ్ చేశాడు. అయితే నీవు నాకు ఇలాంటి సోది చెప్పకు అంటూ అరోహిరావు గట్టిగా సమాధానం ఇచ్చింది.

దవడ పగిలిపోతుంది అంటూ అరోహి

బిగ్‌బాస్ ఇంటిలో విషయాలను పక్కన పెడితే.. మనకు పర్సనల్ రిలేషన్ ఉంది. ఆ విషయం గుర్తుపెట్టుకో అని అరోహి అంటే.. అదే విషయాన్ని నీవు గుర్తుపెట్టుకో అంటూ సూర్య దబాయించినట్టు మాట్లాడాడు. ఫస్ట్ నీవు మొదలుపెట్టావా? నేను మొదలుపెట్టావా అంటూ అక్కడి నుంచి వెళ్తూ.. ఇక నుంచి నన్ను పిలువకు అని అరోహిగా కోపంగా అరిచింది. దాంతో గుర్తు పెట్టుకో అని సూర్య దబాయించాడు. దాంతో దవడ పగిలిపోతుంది అంటూ అరోహి ఆగ్రహం వ్యక్తం చేసింది. ఇక్కడికి వచ్చాక మనం కంటెస్టెంట్లం అని చెప్పింది.

అందరి ముందు చిల్లర కాకండి అంటూ

అయితే అరోహి, సూర్య గొడవ పడుతుంటే.. కీర్తి వచ్చి సముదాయించే ప్రయత్నం చేసింది. మీరిద్దరు గొడవ పెట్టుకొని అందరి ముందు చిల్లర కాకండి అంటూ చెప్పింది. ఒక్కసారి కలిసి ఉంటారు. వెంటనే గొడవ పెట్టుకొంటారు. ఫ్రెండ్ షిప్ అంటే ఇలాంటి ఉంటాయా? మనం ఎక్కడ ఉంటున్నావో తెలుసా? అని కీర్తి అన్నది. దాంతో నా కోపమే అందరికి కనిపిస్తుందా? అని అరిచింది.

మరోసారి సారీ చెప్పు అంటూ

దాంతో సూర్య కొంచెం తగ్గించుకొని అరోహిరావును బుజ్జగించాడు. నాకు కోపం ఎక్కువ. ఇక్కడ కూర్చో అని సూర్య అన్నాడు. నీవు బయటకు వెళ్లిన తర్వాత నీ సంగతి చూస్తా అని అరోహి బెదిరించింది. ఆ తర్వాత నాకు మరోసారి సారీ చెప్పు అంటూ సూర్యను అరోహి అడిగింది. అలా వారిద్దరి మధ్య గొడవకు పుల్ స్టాప్ పడింది.