Click it and Unblock the Notifications
OTTలో ఇప్పుడీ మూడు చిత్రాలదే హవా.. వన్లో ఆర్టికల్ 370, మిగతా స్థానాల్లో ఏమున్నాయంటే?
అసలే వేసవి కాలం.. నెల రోజుల పాటు సెలవులు... ఇవి చాలవన్నట్లు బయట విపరీతమైన ఎండలు. దీంతో బయటకు వెళ్లడానికి ఏమాత్రం అవకాశం లేకపోవడంతో.. అంతా ఇంట్లోనే కూర్చుని సినిమాలు చూసేస్తున్నారు. ప్రతీ వారం సరికొత్త చిత్రాలు వస్తుండగా.. అన్నింటనీ వదలకుండా చూసేస్తూ ఎంజాయ్ చేస్తున్నారు. ఈక్రమంలోనే ప్రముఖ మీడియా సంస్థ ఆర్మాక్స్ వీటిలో ట్రెండ్ అయ్యే సినిమాలు, వెబ్ సిరీస్ లపై సర్వేలు చేస్తోంది. ముఖ్యంగా ఈ వారం ఓటీటీలో ట్రెండింగ్ లో నిలిచిన టాప్ 3 సినిమాల లిస్టును విడుదల చేసింది.
ఏప్రిల్ 28వ తేదీ నుంచి మే 2వ తేదీ వరకు ఓటీటీలో ట్రెండింగ్ లో నిలిచిన టాప్ 3 సినిమాల లిస్టును విడుదల చేసింది. ముఖ్యంగా ఆర్మాక్స్ మీడియా సంస్థ విడుదల చేసిన ఈ లిస్టులో టాప్ 1లో యామీ గౌతమ్ ప్రధాన పాత్రలో వచ్చిన ఆర్టికల్ 370 సినిమా నిలిచింది. జియో స్టూడియోస్, B62 స్టూడియోస్ బ్యానర్లపై ఆదిత్య ధర్ నిర్మించిన ఈ సినిమాకు ఆదిత్య సుహాస్ జంభ దర్శకత్వం వహించారు. ఈ సినిమాలో యామీ గౌతమ్ తో పాటు ప్రియమణి, రాజ్ అర్జున్ ప్రధాన పాత్రల్లో నటించిన ఈ చిత్రాన్ని ఫిబ్రవరి 23వ తేదీన విడుదల చేశారు.
అలాగే టాప్ 2లో తేరీ బాతోన్ మే ఐసా ఉల్జా జియా నిలిచింది. మాడాక్ ఫిల్మ్స్ బ్యానర్పై దినేష్ విజన్ నిర్మించిన ఈ సినిమాకు అమిత్జోషి, ఆరాధనా సాహ్ దర్శకత్వం వహించారు. ధర్మేంద్ర, డింపుల్ కపాడియా, షాహిద్ కపూర్, కృతి సనన్, రాకేష్ బేడీ, అనుభఆ ఫుతేపురియా, రాజేష్ కుమార్ ప్రధాన పాత్రల్లో నటించిన ఈ సినిమాను ఫిబ్రవరి 26వ తేదీన థియేటర్లలో గ్రాండ్ గా విడుదల చేశారు. ఇలా బాక్సాఫీసు వద్ద భారీ వసూళ్లు రాబట్టుకున్న ఈ సినిమా అమెజాన్ ప్రైమ్ వీడియో వేదికగా ఏప్రిల్ 5వ తేదీ నుంచి స్ట్రీమింగ్ అవుతుంది. అయితే అదిరిపోయే కాన్సెప్ట్ తో వచ్చిన ఈ చిత్రాన్ని చూసేందుకు అనేక మంది ఆసక్తి కనబరుస్తున్నారు.
ఇక టాప్ 3లో క్రాక్ సినిమా నిలిచింది. ఆదిత్య దత్ దర్శకత్వంలో స్పోర్ట్స్ యాక్షన్ జోనర్ లో వచ్చిన ఈ సినిమాను యాక్షన్ హీరో ఫిల్మ్స్ కింద విద్యుత్ జమ్వాల్ మరియు అబ్బాస్ సయ్యద్లు నిర్మించారు. ఇందులో విద్యుత్ జమ్వాల్, అర్జున్ రాంపాల్, నోరా ఫతేహి మరియు అమీ జాక్సన్ లు ప్రధాన పాత్రల్లో నటించి మెప్పించారు. ఈ మూవీ ఇండియాలోనే మొట్టమొదటి ఎక్స్ట్రీమ్ స్పోర్ట్స్ యాక్షన్ ఫిల్మ్గా నిలవగా.. ఫిబ్రవరి 23వ తేదీన థియేటర్లలో గ్రాండ్ గా విడుదల అయింది. విమర్శకుల నుంచి సైతం ప్రశంసలు అందుకుని సెన్సేషన్ క్రియేట్ చేసిన ఈ మూవీ ప్రస్తుతం డిస్నీ ప్లస్ హాట్ స్టార్ వేదికగా స్ట్రీమింగ్ అవుతుంది. ఇలా టాప్ 3లో నిలిచిన ఈ మూడు చిత్రాలను కచ్చితంగా చూసేయండి. ఫుల్ గా ఎంజాయ్ చేసేయండి.
Continue with Google