Unstoppable 2: బాలకృష్ణను తమ్ముడు అని పిలిచిన రవితేజ.. హీరోయిన్ ను డైరెక్ట్ గా అడిగేసిన బాలయ్య!

మధ్యలో మరొక ఎపిసోడ్ తో..

ఆహా అన్ స్టాపబుల్ షోకు మంచి రెస్పాన్స్ వస్తున్న విషయం తెలిసిందే. ఇటీవల అతిథులుగా వచ్చిన పాన్ ఇండియా స్టార్ ప్రభాస్ తో పాటు మ్యాచో హీరో గోపిచంద్ వచ్చి అన్ స్టాపబుల్ షోకి మరింత క్రేజ్ పెరిగింది. ఫలితంగా ఆహా ఓటీటీకి సబ్ స్క్రైబర్స్ సంఖ్య ఒక్కసారిగా పెరిగిపోయింది. ఇక తర్వాతి ఎపిసోడ్ ను పవర్ స్టార్ పవన్ కల్యాణ్ తో ప్లాన్ చేయాలని భావించారు మేకర్స్.
ముందస్తు ప్రణాళిక ప్రకారం పవన్ కల్యాణ్ తో అన్ స్టాపబుల్ షో ఎపిసోడ్ కూడా పూర్తి చేశారు. ఈ ఎపిసోడ్ ను సంక్రాంతి కానుకగా విడుదల చేయడంతో పాటు సెకండ్ సీజన్ ను ముగించాలనుకున్నారు. కానీ ఊహించని విధంగా మధ్యలో మరొక ఎపిసోడ్ ను తీసుకువచ్చింది ఆహా టీమ్. బాలకృష్ణ లేటెస్ట్ సినిమా వీర సింహా రెడ్డి చిత్రబృందంతో ప్రత్యేకంగా ఒక ఎపిసోడ్ నిర్వహించాలని నిర్ణయించారు.

అదే నిజమైన అన్ స్టాపబుల్..

అనుకున్నట్లుగానే పవన్ కల్యాణ్ ఎపిసోడ్ కంటే ముందుగా సంక్రాంతి కానుకగా వీర సింహా రెడ్డి మూవీ టీమ్ తో ఎపిసోడ్ ను విడుదల చేయనున్నారు. ఈ ఎపిసోడ్ కు సంబంధించిన ప్రోమోను తాజాగా విడుదల చేశారు. మూడు నిమిషాల 24 సెకన్ల నిడివి ఉన్న ఈ ప్రోమో ఆకట్టుకునేలా ఉంది. ప్రోమోలో సంక్రాంతికి వచ్చే బాలకృష్ణ సినిమా నిజమైన అన్ స్టాపబుల్ అని బాలయ్య బాబు డైలాగ్ చెప్పాడు.

ఆమె ఉన్న సినిమాలో నేను హీరోనా..

ఇప్పుడు డైరెక్ట్ గా అడిగేస్తున్నాను.. ఇప్పుడు బాలకృష్ణ ఉన్న సినిమాలో వరలక్ష్మీ విలనా.. వరలక్ష్మీ ఉన్న సినిమాలో బాలకృష్ణ హీరోనా అని డైరెక్టర్ గోపిచంద్ ను అడిగారు బాలయ్య బాబు. సాధారణంగా నేనే ఎక్కువ హైపర్.. మీరు నాకంటే ఎక్కువ హైపర్ గా ఉన్నారు అని వరలక్ష్మీ శరత్ కుమార్ అన్నారు. నేను చెప్పిన ఇంటర్వెల్ సీన్ ఏదైతో ఉందో.. దాన్ని మీరు యాక్సెప్ట్ చేసినప్పుడే ఈ సినిమా బ్లాక్ బస్టర్ అని గోపిచంద్ అన్నారు.

అవన్నీ మాట్లాడకూడదు మనం..

గోపిచంద్ అన్నదానికి.. అందుకేగా డ్యుయల్ రోల్ పెట్టి బాగా వాడేసుకున్నావ్ అని బాలకృష్ణ సరదాగా అన్నారు. తర్వాత ఫోన్ లో వంద కోట్ల హీరోకు కంగ్రాచ్యులేషన్స్ అని బాలయ్య అంటే.. థ్యాంక్యూ థ్యాంక్యూ తమ్ముడు అని రవితేజ అన్నట్లు తెలుస్తోంది. ఇప్పుడు సంక్రాంతికి భీమవరం వెళ్తున్నామా.. అక్కడ కామన్ వెల్త్ గేమ్స్ ఆడతారంట కదా అని బాలకృష్ణ అంటే.. అవన్నీ మాట్లాడకూడదు మనం అని ఒక స్లాంగ్ లో రవితేజ అన్నాడు.

నేను హర్ట్ అయిపోతా..

ఇప్పుడు సినిమా కుమ్మేసావ్.. నన్ను నానా కుమ్ముడు కుమ్మేసావ్.. అని గోపిచంద్ తో బాలకృష్ణ అన్నారు. తర్వాత అఖండతో నన్ను బోయపాటి గాడ్ ను చేశాడు.. ఇప్పుడు వీర సింహా రెడ్డితో నువ్వు గాడ్ ఆఫ్ మాస్ చేశావ్ అని బాలకృష్ణ చెప్పారు. అనంతరం షోలోకి దునియా విజయ్ ఎంట్రీ ఇచ్చారు. గోపించంద్-దునియా విజయ్ పక్కపక్కనే కూర్చుంటే ఏంటీ మీరు ఇద్దరు అంత క్లోజా అని బాలకృష్ణ అన్నారు. డైరెక్టర్ విలన్ దగ్గరిగా ఉండకూడదు. నేను హర్ట్ అయిపోతా అని ఫన్ చేశారు.

ప్రాపర్టీ కూడా అమ్మేశావ్..

అనంతరం హనీ రోజ్ ఎంట్రీ ఇచ్చింది. బాలకృష్ణతో సినిమా అని చెప్పారు. అప్పుడు నువ్ ఏమైనా కనుక్కున్నావా.. అతను ఎలాంటి వాడని అని బాలకృష్ణ అంటే.. నేను మీ అఖండ సినిమా ఎన్నోసార్లు చూశాను. కానీ నేను ఎక్స్ పెక్ట్ చేసినదానికి ఏమాత్రం మీరు లేరు అని హనీ రోజ్ తెలిపింది. ఇప్పుడు నిన్ను అవుట్ ఆఫ్ సిలబస్ క్వశ్చన్ అడుగుతానని.. క్రాక్ కు ముందు దాదాపుగా ఏడాదిన్నర స్ట్రగుల్ అయ్యావ్.. ప్రాపర్టీ కూడా అమ్మేశావ్.. అప్పుడు ఆ సమయంలో ఏమనిపించింది అని బాలకృష్ణ అంటే.. మనుషులు అంటూ గోపిచంద్ చెప్పడంతో ప్రోమోను ముగించారు.