Bigg Boss Non Stop: బాత్రూంలో చేయకూడని పనులు.. ఆమె పరువు తీసిన నాగార్జున.. చివర్లో ట్విస్ట్ ఇస్తూ!

బోల్డు కంటెంట్‌తో మజా అందిస్తూ

బిగ్ బాస్ షో తెలుగులో ఎప్పుడు ప్రసారం అయినా భారీ స్పందనను అందుకుంటూనే ఉంది. అయితే, ఇప్పటి వరకూ టీవీలో వచ్చిన ఈ షోను ప్రేక్షకులు ఆదరించారు. అలాగే, ఇప్పుడు ప్రసారం అవుతోన్న ఓటీటీ వెర్షన్‌కు కూడా అదే రీతిలో రెస్పాన్స్ దక్కుతోంది. దీనికి కారణం ఇందులో కనిపించే బోల్డు కంటెంటే అని చెప్పొచ్చు. అందుకే ఇది కూడా సక్సెస్‌ఫుల్‌గా సాగుతోంది.

బాత్రూంలో స్మోకింగ్ సీన్ హైలైట్

గత వారానికి సంబంధించి ఎన్నో రకాల సీన్స్ జరిగాయి. మరీ ముఖ్యంగా కంటెస్టెంట్ల ఫ్యామిలీ మెంబర్లు కూడా హౌస్‌లోకి ఎంట్రీ ఇచ్చారు. కానీ, అన్నింటి కంటే బాత్రూంలో స్మోకింగ్ చేసిన సీన్ మాత్రమే హైలైట్ అయిన విషయం తెలిసిందే. దీనికి కారణం అక్కడ ఓ లేడీ కంటెస్టెంట్ సిగరెట్ కాల్చడమే. దీంతో దీనిపై ప్రతి ఒక్కరూ పెదవి విరుస్తూ సదరు బ్యూటీపై ట్రోల్స్ చేస్తున్నారు.

నటరాజ్ మాస్టర్ చెప్పడంతో లీక్

లేడీ కంటెస్టెంట్ సిగరెట్ కాల్చిన విషయం బయటకు రావడానికి నటరాజే కారణం. బాత్రూంలోకి వెళ్లి వచ్చిన తర్వాత అతడు.. అక్కడే ఉన్న బాబా భాస్కర్‌తో 'ఎవరో బాత్రూంలో సిగరెట్ కాల్చారు. అది కూడా అమ్మాయిలే స్మోక్ చేశారు. ఎవరు అనేది తెలీదు కానీ బాగా స్మెల్ వస్తుంది. దాన్ని కవర్ చేయడానికి పెర్ఫూమ్ కొట్టారు. దీంతో బ్యాడ్ స్మెల్ వస్తుంది' అని చెప్పాడు.

అఖిల్ వల్ల అషు రెడ్డి కాల్చిందని

సిగరెట్ కాల్చిన ఇష్యూ హైలైట్ అయిన తర్వాత అఖిల్ వీడియో ఒకటి వైరల్ అయింది. బాత్రూంలో ఉన్న అషు రెడ్డితో అతడు 'పెర్ఫూమ్‌ కొట్టుకో.. అలాగే లోషన్ కూడా రాసుకో. దీనివల్ల నీ నుంచి స్మెల్ రాకుండా ఉంటుంది' అని సలహాలు ఇచ్చాడు. దీంతో అతడు స్మోకింగ్ గురించే అన్నాడని అన్నారు. దీంతో సిగరెట్ కాల్చింది అషునే అని అందరిలో డౌట్స్ వచ్చేశాయి.

నాగార్జున లైటర్‌ గురించి అడిగి

రెగ్యూలర్ బిగ్ బాస్ షోలా కాకుండా హోస్ట్ అక్కినేని నాగార్జున వారానికి ఒకసారి అంటే ఆదివారం మాత్రమే కనిపిస్తాడని ముందే వెల్లడించారు. ఈ నేపథ్యంలో గత ఆదివారం రాత్రి జరిగిన ఎపిసోడ్‌లో ఆయన ఆరంభం నుంచే ఆయన లైటర్, సిగరెట్ అంటూ ఈ ఇష్యూను హైలైట్ చేశాడు. దీంతో ఈ మేటర్ మరోసారి చర్చనీయాంశం అవడంతో పాటు ఆసక్తిని రేకెత్తించింది.

బాత్రూంలో అలాగ చేయొచ్చా?

బాత్రూంలో సిగరెట్ కాల్చిన విషయాన్ని నాగార్జున సీరియస్‌గా తీసుకున్నాడు. ఈ మేరకు 'బాత్రూంలో ఎవరో లేడీ కంటెస్టెంట్ సిగరెట్ కాల్చారు. మీకు స్మోకింగ్ జోన్ పెట్టింది అందుకే కదా. మీరెల్లి దొంగతనంగా స్మోక్ చేయడం ఎందుకు? అసలు ఈ షోనే మీ నిజస్వరూపాలను బయట పెట్టేందుకు వచ్చింది. కానీ, మీరు ఇలా చేయడం రూల్స్‌ను అతిక్రమించడమే' అని చెప్పాడు.

ఎవరో సస్పెన్స్‌గానే ఉంచేశాడు

ఆ తర్వాత నాగార్జున 'మీలో సిగరెట్ కాల్చింది ఎవరో చెప్పడానికి నాకు బోలెడన్ని వీడియోలు ఉన్నాయి. ఇప్పుడే కాదు.. షో మొదలైనప్పటి నుంచి చాలా వీడియోలు రెడీ చేసి పెట్టాము. అవి ఇప్పుడు ప్లే చేస్తే బాగోదు. కాబట్టి మీరే ఎవరు అలా చేశారో నిల్చోండి' అని చెప్పాడు. కానీ, ఎవరూ నిల్చోకపోవడంతో ఈ మేటర్‌ను వదిలేశాడు. కానీ, కెమెరా మాత్రం అషునే చూపించింది.