Kaatera OTT: సలార్‌కు పోటీగా వచ్చి సూపర్ హిట్ అయిన కాటేరా ఓటీటీలోకి.. ఎప్పటి నుంచంటే?

కన్నడ సూపర్ స్టార్ దర్శన్ నటించిన తాజా చిత్రం కాటేరా గురించి అందరికీ తెలిసిందే. పాన్ ఇండియా స్టార్ ప్రభాస్ సినిమాకు పోటీగా వచ్చి బరిలో నిలిచిన ఈ సినిమా.. సూపర్ డూపర్ హిట్టుగా నిలిచింది. డిసెంబర్ 29వ తేదీన కన్నడలో విడుదల అయిన ఈ సినిమా విపరీతమైన క్రేజ్ వచ్చింది. రైతుల సమస్యలను అందరికీ అర్థం అయ్యేలా చూపించిన ఈ సినిమా.. దర్శన్ కెరియర్ లోనే అత్యధిక వసూళ్లు సాధించింది. థియేటర్ల వద్ద బాక్సాఫీసును బద్ధలు చేసిన ఈ సినిమా తాజాగా ఓటీటీలోకి రాబోతుంది. ఆ వివరాలేంటో మనం ఇప్పుడు తెలుసుకుందాం.

దర్శన్ హీరోగా వచ్చిన ఈ సినిమాలో కన్నడ బ్యూటీ ఆరాధన రామ్ హీరోయిన్ గా నటించి మెప్పించింది. అలాగే తెలుగు సినియన్ హీరో జగపతి బాబు కూడా ఈ సినిమాలో ప్రధాన పాత్రలో కనిపించారు. అలాగే కుమార్ గోవింద్, వైజనాథ్ బిరాదార్, మాస్టర్ రోహిత్, ప్రియదర్శిని, వినోద్ కుమార్ అల్వా, శృతి, శ్రీనివాస మూర్తి.. తదితరులు కీలక పాత్రల్లో కనిపించారు. తరుణ్ సుధీర్ దర్శకత్వంలో వచ్చిన ఈ సినిమాను రాక్ లైన్ ఎంటర్ టైన్ మెంట్స్ బ్యానర్ పై వెంకటేష్ నిర్మించారు.

45 కోట్ల రూపాయల బడ్జెట్ తో తెరకెక్కించిన ఈ సినిమా ప్రపంచ వ్యాప్తంగా మొత్తం 104. 58 కోట్ల రూపాయల వసూళ్లను సాధించి సూపర్ డూపర్ హిట్టుగా నిలిచింది. ఈ చిత్రాన్ని ప్రపంచ వ్యాప్తంగా 2000 స్క్రీన్లలో రిలీజ్ చేశారు. దాంతో టాక్ కూడా పాజిటివ్ రావడంతో బాక్సాఫీస్ వద్ద కనకవర్షం కురిపించింది. ఇలా ఎవరూ ఊహంచని స్థాయిలో హిట్టు కొట్టిన ఈ సినిమాను చూడాలాని చాలా మంది ఇతర భాషల సినీ ప్రియులు ఆసక్తిగా ఎదురు చూస్తున్నారు. అలాంటి వారి కోసమే అన్నట్లుగా ఈ చిత్రబృందం.. కాటేరాను ఓటీటీలో విడుదల చేసేందుకు ప్లాన్ చేస్తున్నారు.

అయితే ప్రముఖ ఓటీటీ సంస్థ అయిన జీ5 వేధికగా.. ఈ చిత్రాన్ని ఫిబ్రవరి 16వ తేదీన హీరో దర్శన్ పుట్టిన రోజు సందర్భంగా రిలీజ్ చేయాలని అనుకున్నారు. కానీ అనుకున్న తేదీ కంటే కూడా ఓ వారం రోజులు ముందుగానే ఈ సినిమా ఓటీటీలోకి రాబోతుంది. తాజాగా చిత్ర బృందం ఈ సినిమా ఫిబ్రవరి 9వ తేదీన విడుదల చేయబోతున్నట్లు ఎక్స్ వేధికగా ప్రకటించింది. అయితే కేవలం కన్నడ భాషలో మాత్రమే ఈ సినిమా 9వ తేదీ నుంచి అందుబాటులోకి రాబోతుంది.

Recommended Video

తెలుగుతో పాటు తమిళ భాషల్లో ఈ సినిమా అందుబాటులోకి రావడానికి కాస్త సమయం పడుతుందని సమాచారం. ముఖ్యంగా ఫిబ్రవరి 16వ తేదీ నుంచి వచ్చే అవకాశం ఉందని కూడా తెలుస్తోంది. ఇప్పటి వరకు ఈ సినిమాను చూడని వారు ఓటీటీలోకి వచ్చిన వెంటనే చూసి ఫుల్ గా ఎంజాయ్ చేయండి. కచ్చితంగా తెలుగులోనే కావాలంటే మాత్రం ఇంకా కొంత కాలం ఆగాల్సిందే.