Kalki 2898 AD ప్రభాస్​కు భైరవ అని ఎవరు పెట్టారో తెలుసా?

ఈ ఏడాది రాబోయే మోస్ట్ అవైటెడ్ సినిమాల్లో కల్కి 2898 ఏడి కూడా ఒకటి. భారీ బడ్జెట్​, అత్యన్నత సాంకేతికతో దీన్ని తెరకెక్కిస్తున్నారు. పాన్ వరల్డ్​గా తెరకెక్కుతున్న ఈ సినిమా గురించి అభిమానులు ఎంతగానో ఎదురుచూస్తున్నారు. అయితే తాజాగా శివరాత్రి సందర్భంగా కల్కి సినిమా నుంచి ప్రభాస్​కు సంబంధించి కొత్త లుక్​, ప్రభాస్ పాత్ర పేరును పరిచయం చేశారు మేకర్స్. మరి ఈ పేరు ఎవరు పెట్టారు? ఈ పేరుతో గతంలో వచ్చిన సినిమాలు, హీరోల పాత్రల పేరు ఎంత వరకు ఆకట్టుకున్నాయో తెలుసుకుందాం..

టాలీవుడ్ ఇండస్ట్రీలో జూనియర్​ రెబల్ స్టార్​గా పాపులారిటీ సంపాదించుకున్న హీరో ప్రభాస్. బాహుబలితో పాన్​ ఇండియా స్టార్​గా ఎదిగిపోయారు. ఇప్పుడాయన చేతిలో అన్నీ భారీ బడ్జెట్​ సినిమాలే కావడం విశేషం. అయితే బహుబలితో తర్వాత ప్రభాస్​ చేతిలో అన్నీ బడా సినిమాలే ఉన్నప్పటికీ ఆయన కెరీర్ అంత సాఫీగా సాగలేదు. సాహో, రాధేశ్యామ్​, ఆదిపురుష్​ వరుస డిజాస్టర్లను అందుకున్నాయి. దీంతో చాలా మంది ఇక ప్రభాస్ కెరీర్ అయిపోతుందని అనుకున్నారు.

కానీ సలార్ చిత్రంతో బాక్సాఫీస్ ముందు గట్టి సమాధానం ఇచ్చారు. ప్రశాంత్ నీల్ దర్శకత్వంలో తెరకెక్కిన ఈ చిత్రం దాదాపు రూ.700కోట్ల వసూళ్లను సాధించింది. ఈ చిత్రంలోని ప్రభాస్ యాక్షన్​ కటౌట్​ ప్రతిఒక్కరినీ మైండ్​ బ్లాక్​కు గురి చేసింది. దెబ్బకు అందరూ స్టన్ అయిపోయారు.

అయితే ఇప్పుడాయన నుంచి రాబోతున్న సినిమాల్లో కల్కి 2898 ఏడి ఒకటి. తాజాగా శివరాత్రి సందర్భంగా కల్కి సినిమా నుంచి ప్రభాస్​కు సంబంధించి కొత్త లుక్​, ప్రభాస్ పాత్ర పేరును పరిచయం చేశారు మేకర్స్. దాని పేరు భైరవ అని తెలిపారు. ఈ పేరు వినగానే చాలా మందికి టక్కున ఇండస్ట్రీ హిట్​ మగధీర సినిమాలోని రామ్ చరణ్ పాత్ర గుర్తొచ్చింది. దీంతో ఓ ఇంట్రెస్టింగ్ న్యూస్ బయట పడింది. ప్రభాస్ పేరును భైరవగా పెట్టడానికి కారణం దర్శకధీరుడు రాజమౌళి అని తెలిసింది. నాగ్ అశ్విన్ రాజమౌళి హెల్ప్ తీసుకుని ఈ పేరు పెట్టినట్లు ప్రచారం ఊపొందుకుంది. మరి ఇందులో నిజమెంతో తెలీదు అందరూ దీని గురించే మాట్లాడుకుంటున్నారు.

కాగా, ప్రభాస్ - రాజమౌళి ఇండస్ట్రీలో మంచి స్నేహితులు అన్న సంగతి తెలిసిందే. ఈ స్నేహం వల్ల కూడా జక్కన్న భైరవ్ అనే పేరును సూచించారని కూడా అంటున్నారు. పైగా ఈ చిత్రంలో రాజమౌళి కూడా కెమీయో రోల్ కూడా చేస్తున్నారని ప్రచరాం సాగుతోంది. ఇంకా బాలకృష్ణ నటించిన సూపర్ హిట్​ భైరవద్వీపంను కూడా గుర్తుచేసుకుంటున్నారు చాలా మంది. ఎందుకంటే భైరవ పేర్లు ఉన్న ఈ రెండు చిత్రాలు(మగధీర, భైరవద్వీపం) టాలీవుడ్​లో సూపర్ సక్సెస్​ను సాధించాయి. దీంతో ఇక కల్కి కూడా మంచి విజయం సాధిస్తుందని అంతా భావిస్తున్నారు. చూడాలి మరి ఏం జరుగుతుందో..

ఇకపోతే కల్కిలో భారీ తారగాణం నటిస్తున్న సంగతి తెలిసిందే. బాలీవుడ్ బిగ్ బీ అమితాబ్ బచ్చన్​, బోల్డ్ బ్యూటీస్ దీపికా పదుకొణె, దిశా పటానీ, కోలీవుడ్ యూనివర్సల్ స్టార్ కమల్ హాసన్ నటిస్తున్నారు. ఇంకా విజయ్ దేవరకొండ, దుల్కర్ సల్మాన్​, రాజమౌళి, రామ్ గోపాల్ వర్మ కూడా కెమియో రోల్స్ చేస్తున్నారట.