OTTలోకి సూపర్ హిట్​ ఎమోషనల్ లవ్​ డ్రామా - మీ ప్రేమ బ్రేకప్ కాకూడనుకుంటే ఈ మూవీ డోంట్ మిస్!

ఓటీటీలోకి మరో కొత్త రొమాంటిక్ లవ్ అండ్ ఎమోషనల్ డ్రామా వచ్చేెందుకు రెడీ అయింది. ఈ వీకెండ్​ సర్​ప్రైజ్​గా డిజిటల్ స్ట్రీమింగ్​కు రెడీ అయిపోయింది. రీసెంట్​గా థియేటర్లలో విడుదలైన ఈ చిత్రం బాగా ఆకట్టుకుంది. బాక్సాఫీస్ వద్ద రజనీకాంత్​ సినిమాకు మంచిన కలెక్షన్లను అందుకుంది. ఇంతకీ ఆ సినిమా ఏంటి? ఎప్పుడు, ఎందులో స్ట్రీమింగ్ అవుతుందో తెలుసుకుందాం...

జై భీమ్ చిత్రంలో పోలీసుల చేతిలో చిక్కి అన్యాయంగా బలైపోయిన బాధితుడిగా కనిపించి మంచి గుర్తింపు తెచ్చుకున్న నటుడు మణికందన్. అనంతరం గుడ్ నైట్ అనే చిత్రంతో ఆడియెన్స్​కు మరింత దగ్గరయ్యాడు. అలా తనకు వచ్చిన క్రేజ్​తో రీసెంట్​గా ట్రూ లవర్ అనే చిత్రంతో ప్రేక్షకుల ముందుకు వచ్చాడు. ఫిబ్రవరి 10న వచ్చిన ఈ చిత్రం కూడా యూత్​కు బాగానే కనెక్ట్ అయింది. ఇప్పటికీ ఐదో వారంలోనూ కొన్ని చోట్ల సక్సెస్​గా రన్ అవుతోంది.

ఈ చిత్రంతో పాటు రజనీకాంత్ నటించిన లాల్ సలామ్ కూడా అదే సమయంలో వచ్చింది. కానీ ఈ చిత్రం డిజాస్టర్​గా నిలిచింది. కలెక్షన్​లు కూడా రాలేదు. ఈ చిత్రానికి మించి ట్రూలవర్ సినిమానే ఎక్కువ వసూళ్లు సాధించినట్లు తెలిసింది. దీంతో త‌మిళంలో ల‌వ‌ర్ పేరుతో ప్రేక్ష‌కుల ముందుకు వచ్చిన ఈ చిత్రం తెలుగులో ట్రూ ల‌వ‌ర్‌ పేరుతో విడుదలై బానే మెప్పించింది. ప్రముఖ దర్శకుడు మారుతి, బేబీ నిర్మాత ఎస్‌కేఎన్ దీనిని ఇక్కడ విడుదల చేశారు.

ఈ సినిమాలో శ్రీ గౌరిప్రియ హీరోయిన్​గా నటించి ఆకట్టుకుంది. ప్ర‌భు రామ్ వ్యాస్ ద‌ర్శ‌క‌త్వం వ‌హించారు. అయితే ఈ చిత్రం ఓటీటీ రిలీజ్ డేట్ కోసం యూత్ ఆడియెన్స్​ బాగా ఎదురుచూస్తున్నారు. ఈ క్రమంలోనే మార్చి 8 నుంచి ఈ మూవీ డిజిటల్ స్ట్రీమింగ్​కు రెడీ అవుతందని ప్రచారం సాగింది. కానీ అది జరగలేదు. అయితే తాజాగా అఫీషియల్ అనౌన్స్​మెంట్ వచ్చేసింది. మార్చి 15 నుంచి డిస్నీ హాట్ స్టార్ ప్లస్​లో స్ట్రీమింగ్ కానున్నట్లు ప్రకటించారు మేకర్స్​. అంటే ఈ వీకెండ్​లో శుక్రవారం రానుందనమాట. చూడాలి మరి ఓటీటీ ఆడియెన్స్​ను ఎలా మెప్పిస్తుందో..

ఇంతకీ ఈ సినిమా కథేంటంటే.. కాలేజీ డేస్​ నుంచే అరుణ్ (మ‌ణికంద‌న్‌), దివ్య (శ్రీగౌరిప్రియ‌) ఒకరినొకరు గాఢంగా ప్రేమించుకుంటుంటారు. అయితే ప్ర‌తి విష‌యంలోనూ దివ్య‌పై అనుమానం పడుతూ ఉంటాడు అరుణ్. దివ్య మ‌రొక‌రితో కాస్త క్లోజ్​గా కనిపించిన కూడా అస్సలు తట్టుకోలేడు. ఏ మాత్రం సహించలేడు. దీంతో ఈ ఇద్దరి మధ్య తరచు గొడవలు రావడం మొదలవుతుంది. కొద్ది కాలం అలానే భరించిన దివ్య చివరికి అరుణ్ ప్ర‌వ‌ర్త‌న‌కు విసిగిపోయిన బ్రేక‌ప్ చెప్పేందుకు రెడీ అవుతుంది.

ఈ క్రమంలోనే దివ్య త‌న స్నేహితులతో క‌లిసి ఓ టూర్‌కు వెళ్తుంది. ఆమెతో పాటు అరుణ్ కుడా అక్కడికి వెళ్తాడు. మరి అక్క‌డ ఏం జరిగింది? దివ్య ప్రేమ‌ను చివరికి అతడు అర్థం చేసుకుని తన ప్రవర్తనను మార్చుకున్నాడా? లేదా? అన్న‌దే ఈ చిత్ర కథాంశం. అప‌న‌మ్మ‌కం, అభ‌ద్ర‌తా భావంతో ఉన్న ప్రేమ నిల‌బ‌డ‌లేద‌నే కాన్సెప్ట్​తో ద‌ర్శ‌కుడు ప్ర‌భురామ్ వ్యాస్ ఈ చిత్రాన్ని ఎమోషనల్​గా తెరకెక్కించి ఆకట్టుకున్నారు.