OTTలో బ్లైండ్ మ్యాన్​ విన్యాసాలతో హారర్ సస్పెన్స్ థ్రిల్లర్​ - ఒక్కో సీన్​కు ఊపిరి బిగపట్టాల్సిందే!

ఓటీటీల్లో ఒక్కో జానర్​లో వందల కొద్ది సినిమా సిరీస్​లు వస్తుంటాయి. కానీ అన్నీ చూడటం కష్టమే. అందుకే అందులో దొరికే ది బెస్ట్ చిత్రాలను చూడాలని అనుకుంటారు మూవీ లవర్స్​. అలాంటి వారికోసం ఓ సూపర్ హారర్ సస్పెన్స్ థ్రిల్లర్ ఓటీటీలోకి దిగింది. ఇందులో ఒక్కో సీన్ మీ ఊపిరిని బిగపట్టేలా చేస్తుందనే చెప్పాలి! ఇప్పుడీ సినిమా ఓటీటీలో తెలుగు వెర్షన్​లోనే అందుబాటులో ఉంది. ఇంతకీ ఆ సినిమా ఏంటి? ఎందులో ఉందో? తెలుసుకుందాం.

స్టీఫెన్ లంగ్ చాలా మంది తెలుగు సినీ ప్రియులకు తెలిసే ఉంటాడు. అవతార్ సినిమాలో కమాండర్​గా నటించి మెప్పించాడు. అతడు నటించిన మరో చిత్రం డోంట్ బ్రీత్. ఈ సినిమా మస్త్​గా ఉంది. ఇందులో అతడు బ్లైండ్ మ్యాన్​గా అదిరిపోయే నటన చేసి అందరినీ ఆకట్టుకుంటున్నాడు.

చూపులేని వ్యక్తిగా అతడి నటన, పోరాటం మాములుగా లేదు. ఒక్కో సీన్ ఊపిరి బిగపట్టి చూసేలా చేస్తుంది. యాక్షన్​ సీన్స్ అదిరిపోయాయి. కంటి చూపు లేని వ్యక్తికి ఎంత సామర్థ్యం ఉంటుంది? అసలు అతడు ఏం చేయగలడు అనే వాటిని అద్భుతంగా చూపించారు. ముగ్గురు చూపు ఉన్న వ్యక్తులను చూపులేని, ముసలివాడైన అతడు అల్లాడించేస్తాడు. ఒక్కొక్కరిని ముప్పతిప్పలు పెట్టించేస్తాడు.

వాస్తవానికి ఈ డోంట్ బ్రీత్ చిత్రం 2016లో రిలీజైంది. ప్రస్తుతం తెలుగు ఓటీటీ ప్లాట్​ఫామ్​ ఆహాలో స్ట్రీమింగ్ అవుతోంది. అది కూడా తెలుగులో. దీనికి కొనసాగింపుగా 2021లో రెండో భాగం కూడా వచ్చింది. ఇది నెట్ ఫ్లిక్స్​లో స్ట్రీమింగ్ అవుతోంది. కాగా, ఈ డోంట్​ బ్రీత్ మొదటి భాగం నిడివి కేవలం గంటన్నార మాత్రమే ఉంటుంది. ఒక రోజు రాత్రి జరిగిన సంఘటన ఆధారంగానే కథ మొత్తం సాగుతుంది. సినిమా మొత్తం తప్పకుండా ప్రేక్షకుల్ని మెప్పించేలా ఉంది.

ఇంతకీ కథ ఏంటంటే? : అలెక్స్, రాకీ, మనీ అనే ముగ్గురు వ్యక్తులు దొంగతనాలు చేస్తూ తన జీవనాన్ని కొనసాగిస్తూ ఉంటారు.అయితే ఓ భారీ దొంగతనం చేసి లైఫ్ టైమ్​ సెట్ అయిపోవాలని ఆశపడతారు. వారికి గల్ఫ్ వార్ వెటరన్ నార్మన్ నార్డ్ స్టార్మ్ దగ్గర భారీ మొత్తంలో డబ్బులు ఉన్నట్లు తెలుస్తుంది. అతడి దగ్గర దాదాపు 3 లక్షల డాలర్లు ఉన్నట్లు సమాచారం తెలుసుకుంటారు. దీంతో అతడిని టార్గెట్ చేస్తారు.

పైగా అందులోనూ నార్మన్​కు చూపు కనపడదు. దీంతో వారు తమ పని మరింత సులభం అవుతుందని అనుకుంటారు. కానీ, ఇంట్లోకి వెళ్లాక వారి ఆలోచన తప్పని తెలుస్తుంది. తన ఇంట్లోకి చొరబడిన ఆ ముగ్గురిలో ఒకరిని నార్మన్ కాల్చి చంపేస్తాడు. దీంతో మిగిలిన ఇద్దరూ ఇంట్లో ఇరుక్కుపోతారు. మరి వాళ్లు అక్కడి నుంచి తప్పించుకున్నారా? అసలు చివరికి ప్రాణాలు కాపాడుకున్నారా? అనేదే మిగతా కథ. మరి మీరు ఈ చిత్రం చూడకపోయి ఉంటే ఎంచక్కా చూసేయండి.