Jawan ఓటీటీ రిలీజ్ డేట్ ఎప్పుడు? ఎక్కడ రిలీజ్? రికార్డు ధరకు రైట్స్!

బాలీవుడ్ బాద్షా షారుక్ ఖాన్, సెన్సేషనల్ డైరెక్టర్ అట్లీ కాంబినేషన్‌లో వచ్చిన జవాన్ చిత్రం కలెక్షన్ల సునామీని క్రియేట్ చేస్తున్నది. ఈ సినిమా తాజాగా 1000 కోట్ల రూపాయలో క్లబ్‌ చేరింది. ఈ సినిమా ఇంకా బాక్సాఫీస్ వద్ద బలంగా కనిపిస్తున్నది. ఓ పక్క థియేట్రికల్‌గా నిలకడగా బాక్సాఫీస్ కలెక్షన్లను రాబడుతున్న ఈ చిత్రం ఓటీటీ రిలీజ్‌కు సిద్దమైంది. ఇక ఈ సినిమా ఓటీటీ బిజినెస్, ఓటీటీ రిలీజ్ డేట్ వివరాల్లోకి వెళ్లితే..

జవాన్ చిత్రం తొలి ఆట నుంచే భారీ కలెక్షన్లు రాబడుతున్నది. ఈ సినిమా తొలి రోజు 75 కోట్ల రూపాయల వసూలు చేసి రికార్డు క్రియేట్ చేసింది. తాజాగా ఈ చిత్రం ఇండియాలో 680 కోట్ల గ్రాస్ వసూళ్లను, 565 కోట్ల రూపాయల షేర్ వసూలు చేసింది. ఓవర్సీస్‌లో ఈ చిత్రం 335 కోట్ల రూపాయలు రాబట్టింది. దాంీతో ఈ చిత్రం ప్రపంచవ్యాప్తంగా 1010 కోట్లు వసూలు చేసింది.

ఇక జవాన్ సినిమా ఓటీటీ రైట్స్ కూడా భారీ బిజినెస్ జరిగింది. డిజిటల్ హక్కులకు ఫ్యాన్సీ రేటు ఇచ్చి ఓటీటీ హక్కులను సొంతం చేసుకొన్నది. ఈ సినిమా ఓటీటీ రైట్స్ సుమారుగా 250 కోట్ల రూపాయలుకు నెట్ ఫ్లిక్స్ సొంతం చేసుకొన్నది. ఈ సినిమా ఓటీటీ రైట్స్ అమ్మకం రికార్డుగా చెప్పుకొచ్చారు.

ఇక రెడ్ చిల్లీస్ బ్యానర్‌తో నెట్ ఫ్లిక్స్ ఒప్పందం ప్రకారం జవాన్ చిత్రం కనీసం 50 రోజుల తర్వాత ఓటీటీలో స్ట్రీమింగ్ చేయాల్సి ఉంటుంది. దాంతో ఈ సినిమా అక్టోబర్ చివరి వారంలో అంటే 27వ తేదీన ప్రేక్షకుల ముందుకు రానున్నది. ఈ లోపు ఈ సినిమా 1200 కోట్ల రూపాయలు వసూలు చేయడానికి స్కోప్ కనిపిస్తున్నది.

ఇక జవాన్ సినిమా ఓటీటీ వెర్షన్ ప్రత్యేకంగా కాబోతున్నది. ఈ సినిమా థియేటర్‌లో కంటే ఓటీటీలో కొత్త వెర్షన్ ఉంటుంది. థియేటర్ కంటే థ్రిల్లింగ్‌గా సినిమాను చూపించబోతున్నాం అని అట్లీ తెలిపారు. దాంతో థియేటర్‌లో చూసిన దాని కంటే ఓటీటీలో ఈ సినిమా ఎలా ఉండబోతుందనే విషయం ఆసక్తికరంగా మారింది.