హోమ్

Ott

కళ్యాణ్ రామ్ నటించిన బింబిసార సినిమా బాక్సాఫీస్ వద్ద భారీ స్థాయిలో విజయాన్ని అందుకున్న విషయం తెలిసిందే. ఎంతో కాలంగా బాక్సాఫీస్ వద్ద బిగ్ సక్సెస్ కోసం ఎదురుచూస్తున్న కళ్యాణ్ రామ్ ఆ మధ్య వరుస అపజయాలతో కాస్త సతమతమయ్యాడు. ఇక మొత్తంగా అతను బింబిసార సినిమాతో కెరీర్ లోనే బిగ్గెస్ట్ విజయాన్ని అందుకుని కలెక్షన్స్ తో ఒక రికార్డు క్రియేట్ చేశాడు. విడుదలకు ముందు పెద్దగా అంచనాలు లేకపోయినప్పటికీ ఈ సినిమా విడుదల తర్వాత మాత్రం ఊహించని విధంగా బాక్సాఫీస్ వద్ద కలెక్షన్స్ అందుకుంది.

యాక్షన్ ఫాంటసీ అడ్వెంచర్ సినిమాగా కొత్త దర్శకుడు వశిష్ట ఈ సినిమాను తెరపైకి తీసుకువచ్చాడు. ఈ సినిమాలో బింబిసార పాత్రలో కళ్యాణ్ రామ్ నటించిన విధానం కూడా ఆడియన్స్ ను ఎంతగానో ఆకట్టుకుంది. అన్ని వర్గాల ప్రేక్షకులను ఆకట్టుకున్న ఈ సినిమా ఫ్యామిలీ ఆడియన్స్ ను కూడా థియేటర్లకు రప్పించేలా చేసింది. పోటీగా మరో సినిమా సీతారామం మంచి కలెక్షన్స్ అందుకున్నప్పటికీ కూడా బింబిసార సినిమా మూడు వారాలపాటు హౌస్ ఫుల్ కలెక్షన్స్ తో దర్శనం ఇచ్చింది.

ఇక ఈ సినిమా ఓటీటీలో ఎప్పుడు విడుదలవుతుందా అని మరికొందరు ఎదురుచూస్తున్నారు. ఇక ముందుగా చేసుకున్న ఒప్పందం ప్రకారం అయితే రెండు నెలల తర్వాతనే ఈ సినిమాను ఓటీటీలో విడుదల చేయాలని అనుకున్నారు. ఇక ఆ ప్లాన్ ప్రకారం ఇప్పుడు అక్టోబర్ దసరా సమయంలో విడుదల చేయాలని డిసైడ్ అయ్యారు. అక్టోబర్ 7వ తేదీన బింబిసార సినిమా స్ట్రీమింగ్ అయ్యే అవకాశం ఉన్నట్లుగా తెలుస్తోంది.

ఇక ప్రముఖ ఓటీటీ ఫ్లాట్ ఫార్మ్ జీ5 ఈ సినిమా హక్కులను సొంతం చేసుకకుంది. అందులోనే దసరా సమయంలోనే విడుదల చేయబోతున్నారు. త్వరలోనే ఈ విషయంపై చిత్ర యూనిట్ సభ్యుల నుంచి కూడా అధికారికంగా ఒక ప్రకటన రానుంది అలాగే బింబిసార సినిమాకు సీక్వెల్ కూడా ఉంటుంది అని చిత్ర యూనిట్ వివరణ ఇచ్చిన విషయం తెలిసిందే. త్వరలోనే ఆ సినిమా షూటింగ్ కూడా స్టార్ట్ చేయబోతున్నట్లు సమాచారం.