Sarkaru Vaari Paata: ఓటీటీ రిలీజ్ ఎప్పుడు? ఎక్కడంటే?

Recommended Video

Sarkaru Vaari Paata Public Talk In Bangalore మూవీ బాగుంది కానీ ... | Filmibeat Telugu

ఆ కారణంగా ఆలస్యం..

సరిలేరు నీకెవ్వరు సినిమా తో కెరీర్లోనే అనే అతి పెద్ద విజయాన్ని సొంతం చేసుకున్న మహేష్ బాబు ఆ తర్వాత వెంటనే మరొక సినిమాతో ప్రేక్షకుల ముందుకు రావాలి అని అనుకున్నాడు. కానీ ఊహించని విధంగా కరోనా పాండమిక్ కారణంగా తదుపరి సినిమా విషయంలో ఆలస్యం జరిగిన విషయం తెలిసిందే. ఈ ఏడాది సినిమాను సంక్రాంతికి విడుదల చేయాలని ఎంతగానో ప్రయత్నాలు చేసినప్పటికీ కూడా వర్కవుట్ కాలేదు.

అలాంటి టాక్

మొత్తానికి సినిమా ఈ గురువారం విడుదలైంది. సర్కారు వారి పాట మహేష్ బాబు కెరీర్ లోనే అత్యధిక థియేటర్స్ లో విడుదలైన సినిమాగా నిలిచింది. ఇక ఈ సినిమా ప్రీమియర్ షోల నుంచి కాస్త భిన్నమైన టాక్ ను అందుకుంది. ఈ సినిమా కోసం మహేష్ బాబు అభిమానులు గత ఏడాది నుంచి ఎంతో ఆతృతగా ఎదురుచూస్తున్నారు. ఇక మొత్తానికి ఒక విధంగా పాజిటివ్ టాక్ రావడంతో ఘట్టమనేని అభిమానులు అయితే సంబరాలు చేసుకుంటున్నారు..

అమెజాన్ ప్రైమ్ లో..

సోషల్ మీడియాలో ప్రస్తుతం ఈ సినిమాకు సంబంధించిన అనేక రకాల విషయాలు వైరల్ గా మారుతున్నాయి. అయితే సర్కారు వారి పాట సినిమా ఓటీటీ లోకి ఎప్పుడు వస్తుంది అనే విషయంలో కూడా ప్రస్తుతం అనేక రకాల కథనాలు వెలువడుతున్నాయి. ఓటీటీ హక్కులను ప్రముఖ అమెజాన్ ప్రైమ్ సొంతం చేసుకున్నట్లు తెలుస్తోంది.

ఆ రూట్లో భారీగా ఆదాయం

గత ఏడాదిలోనే ఈ సినిమా ఓటీటీ హక్కులపై అమెజాన్ చర్చలు మొదలు పెట్టింది. తర్వాత మధ్యలో డిస్ని ప్లస్ హాట్ స్టార్ నుంచి కూడా పోటీ వచ్చింది. కానీ చివరకు అమెజాన్ ప్రైమ్ భారీ ధరకు కొనుగోలు చేసినట్లు తెలుస్తోంది. మొత్తంగా ఓటీటీ హక్కుల ద్వారా సినిమాకు 35 కోట్ల వరకు లాభం వచ్చినట్లుగా తెలుస్తోంది. శాటిలైట్ పరంగా కూడా సినిమాకు భారీ ఆదాయం లభించినట్లు సమాచారం. నాన్ థియేట్రికల్ గానే సినిమా మొత్తంగా 60 నుంచి 70 కోట్లు మధ్యలో ప్రాఫిట్స్ వచ్చినట్లుగా తెలుస్తోంది.

ఓటీటీలో స్ట్రీమింగ్.. ఎప్పుడంటే?

సర్కారు వారి పాట సినిమా అమెజాన్ ప్రైమ్ లో ముందుగా చేసుకున్న ఒప్పందం ప్రకారం అయితే 55 రోజుల తర్వాత విడుదల చేయాల్సి ఉంటుంది. ఇక సినిమా రిజల్ట్ లో తేడా వస్తే అమెజాన్ ప్రైమ్ మరికొంత చెల్లించే ముందుగానే సినిమా నో ఆన్లైన్లో స్క్రీన్ చేసే అవకాశం ఉంటుంది. ఇక ప్రస్తుతం వినిపిస్తున్న టాక్ ప్రకారం సర్కారు వారి పాట జూలై రెండవ వారంలో పోటీలో విడుదలయ్యే అవకాశం ఉన్నట్లుగా తెలుస్తోంది.