వందకోట్లు వసూలు చేసిన మమ్ముట్టి సినిమా ఓటీటీలోకి.. స్ట్రీమింగ్ ఎప్పటి నుంచంటే?

మలయాళ సూపర్ స్టార్ మమ్ముట్టి హీరోగా వచ్చిన తాజా చిత్రం కన్నూర్ స్క్వాడ్. మమ్ముట్టి కంపెనీ బ్యానర్‌పై నిర్మించిన ఈ సినిమాకు రాబి వర్గీస్‌ రాజ్‌ ద‌ర్శ‌క‌త్వం వ‌హించారు. మమ్ముట్టి, రోనీ డేవిడ్ రాజ్, అజీస్, శబరీష్ వర్మ, కిశోర్ ప్రధాన పాత్ర‌ల్లో నటించిన ఈ సినిమా సెప్టెంబర్ 28వ తేదీన విడుదల చేశారు. మమ్ముట్టి హీరోగా వచ్చిన ఈ సినిమా బ్లాక్ బస్టర్ హిట్టుగా నిలిచింది. బాక్సాఫీసును షేక్ చేస్తూ.... రూ.100 కోట్లకు పైగా వసూళ్లను సాధించింది.

కన్నూర్ స్క్వాడ్ సినిమా కథ ఏంటంటే?: కేరళలోని కన్నూర్ జిల్లాలో నేరాలకు అరికట్టడానికి నలుగురు సభ్యులతో ఏఎస్సై జార్జ్ మార్టిన్ (మమ్ముట్టి) నేతృత్వంలో కానిస్టేబుళ్లు జయకుమార్ (రోనీ), షఫీ (శబరీష్), డ్రైవర్ జోస్ (అజీస్) తో ఓ బృందాన్ని ఎస్పీ ఏర్పాటు చేస్తారు. ఒకరు ఇసుక మాఫియా నుంచి లంచం తీసుకోవడం, ఆ వీడియో లీక్ కావడంతో ఆ బృందాన్ని పక్కన పెట్టేసి వేర్వేరు పోలీస్ స్టేషన్లకు బదిలీ చేస్తారు. కాసర్‌ గోడ్ ప్రాంతంలో జరిగిన రాజకీయ నాయకుడి హత్య కేసును ఇన్వెస్టిగేట్ బాధ్యత 'కన్నూర్ స్క్వాడ్' చేతిలో పెడతారు.

రాజకీయ ఒత్తిళ్ల కారణంగా పది రోజుల్లో పట్టుకోవాలని చెబుతారు. అసలు, ఆ హత్య ఎవరు చేశారు, వాళ్లను జార్జ్ అండ్ టీమ్ పట్టుకున్నారా లేదా దర్యాప్తులో వాళ్ళకు ఎదురైనా సవాళ్ళు ఏమిటనేది మిగతా సినిమా కథ. అయితే ఈ టీంకు లీడ్ గా మమ్ముట్టి అదరగొట్టారు. కథతో పాటు నటీనటులు యాక్టింగ్ అద్భుతంగా ఉండడంతో సినిమా హిట్టు అయింది. అయితే నెలన్నర రోజుల క్రితం విడుదల అయిన ఈ సినిమాకు సంబంధించి ఓ లేటెస్ట్ అప్ డేట్ వెలుగులోకి వచ్చింది.

కన్నూర్ స్క్వాడ్ సినిమాను ప్రముఖ ఓటీటటీ సంస్థ అయిన డిస్నీ ప్లస్ హాట్ స్టార్ లో విడుదల చేయబోతున్నారు. నంవబర్ 17వ తేదీ నుంచి ఈ చిత్రం స్ట్రీమింగ్ కాబోతుంది. అయితే ఈ బ్లాక్ బస్టర్ హిట్ చిత్రం నవంబర్ 10వ తేదీ నుంచి విడుదల అయ్యే అవకాశాలు ఉన్నట్లు పెద్ద ఎత్తున వార్తలు వచ్చాయి. కానీ ఈరోజు హాట్ స్టార్ అఫీషియల్ గా ఈ సినిమా ఓటీటీ విడుదల తేదీని ప్రకటించింది. ప్రస్తుతానికి మలయాళ వెర్షన్ మాత్రమే ఓటీటీ వేదికగా రిలీజ్ కాబోతున్నట్లు స్పష్టం చేసింది. తెలుగుతో పాటు మిగతా భాషల సంగతి గురించి మాత్రం ఇంకా ఎలాంటి మసమాచారం లేదు.