OTTలోకి మరో సూపర్ హిట్​ మర్డర్ మిస్టరీ సీక్వెల్​ - ప్రతీ సీన్​ ఉత్కంఠగా సాగే సస్పెన్స్​తో!

ఓటీటీలో భాషలో సంబంధం లేకుండా క్రైమ్, సస్పెన్స్, మిస్టరీ థ్రిల్లర్స్​కు ఫుల్ క్రేజ్ ఉందన్న సంగతి తెలిసిందే. అందుకే ఓటీటీ సంస్థలు వాటిపైనే ఫోకస్​ ఎక్కువ పెట్టి వాటిని తెరకెక్కిస్తున్నారు. ఆడియెన్స్​కు వాటిని డైరెక్ట్​గా అందిస్తున్నారు. అవి ప్రేక్షకులకు బాగా ఆకట్టుకుంటున్నాయి. ఈ క్రమంలోనే తాజాగా మరొక మిస్టరీ థ్రిల్లర్ ఓటీటీ స్ట్రీమింగ్ రెడీ అయిపోయింది. గతంలో వచ్చిన ఓ బ్లాక్ బస్టర్​ మర్డర్ మిస్టరీ సినిమాకు సీక్వెల్​ ఇది రాబోతుంది. దీనిపైన మంచి అంచనాలే ఏర్పడ్డాయి. మరి ఈ చిత్రం ఎప్పుడు, ఎక్కడ, ఎందులో స్ట్రీమింగ్ కానుందో పూర్తి వివరాలను స్టోరీలోకి వెళ్లి తెలుసుకుందాం..

మనోజ్ బాజ్‌పేయి ఈ పేరుకు ఓటీటీలో ప్రత్యేక ఫ్యాన్ బేస్ ఉంటుంది. థియేటర్లలో అంతగా సక్సెస్​ కానీ ఈ స్టార్ యాక్టర్​ డిజిటల్ ప్లాట్​ఫామ్​లో సెన్సేషన్ క్రియేట్ చేస్తున్నారు. ఇప్పుడు ఆయన నటించిన ఏ సినిమా లేదా సిరీస్​ అయినా మంచి అంచనాలు ఏర్పడతాయి. కచ్చితంగా అది సగటు ప్రేక్షకుడిని అలరిస్తుందనే గ్యారంటీ ఉంటుంది. అలా తాజాగా ఆయన ఇప్పుడో కొత్త సినిమాతో ప్రేక్షకుల ముందుకు రానున్నారు.

దాని పేరే సైలెన్స్ 2 - ది నైట్ ఔల్ బార్ షూటౌట్​. గతంలో సైలెన్స్ పేరుతో వచ్చి సూపర్ హిట్ అందుకున్న ఆ సినిమాకు ఇప్పుడు ఇది సిక్వెల్​గా రానుంది. మొదటి భాగంలోనూ మనోజ్ బాజ్‌పాయీ లీడ్ రోల్‌లో నటించారు. ఇది మిస్టరీ థ్రిల్లర్​గా రూపొంది 2021లో రిలీజైంది. అప్పట్లో ఇది సెన్సేషనల్‌ హిట్‌గా టాక్ తెచ్చుకుంది. మిస్టరీ క్రైమ్ థ్రిల్లర్స్​ను ఇష్టపడే వారికి సైలెన్స్‌ బెస్ట్ ఛాయిస్​గా నిలిచింది. అందుకే ఇప్పుడు సైలెన్స్ 2పై విపరీతమైన అంచనాలు ఏర్పడ్డాయి.

తాజాగా ఈ చిత్రం ట్రైలర్​ను కూడా రిలీజ్ చేశారు మేకర్స్. ఇది కూడా ఆద్యంతం సస్పెన్స్​తో థ్రిల్లింగ్​గా సాగింది. అబన్ బరూచా దేవ్‌హన్స్ ఈ చిత్రానికి దర్శకుడు. జీ స్టూడియోస్, క్యాండిడ్ క్రియేషన్స్ సంయుక్తంగా ఈ చిత్రాన్ని నిర్మించాయి. ప్రాచీ దేశాయ్ మరో కీలక పాత్రలో నటించారు. ఏప్రిల్‌ 16 నుంచి ఇది జీ5లో నేరుగా రిలీజై స్ట్రీమింగ్ కానుంది. కానీ ప్రస్తుతానికి హిందీ వెర్షన్‌ మాత్రమే అందుబాటులోకి రానుంది. ఈ విషయాన్ని మూవీ టీమ్​ అఫీషియల్​గా అనౌన్స్ చేసింది.

కథ విషయానికొస్తే సైలెన్స్ 2 ట్రైలర్ ఆసక్తికరంగా సాగింది. నైట్ ఔల్ అనే బార్​లో జరిగిన షూటౌట్​తో మొదలైన ఈ ప్రచార చిత్రంలో కేసును ఛేదించేందుకు అవినాష్ అండ్ టీమ్ రంగంలోకి దిగుతుంది. ఆ తర్వాత బార్​లోని క్రైమ్ సీన్​లో షూటౌట్ జరిగిన విధానాన్ని విశ్లేషిస్తూ ఓ అమ్మాయిని ముందు నుంచి ఆ షూటర్ ఎందుకు కాల్చాడన్న ప్రశ్నతో కథ ముందుకు సాగుతుంది. అనంతరం నగరంలో మరిన్ని వరుస షూటౌట్లు జరుగుతాయి. పలువురిని హత్య చేసి చంపేస్తారు. వారిలో ముఖ్యంగా లేడీస్ ఉంటారు. అసలెవరు ఈ హత్యలు చేస్తున్నారు? ఆ తర్వాత ట్విస్టులు, సవాళ్లతో కథ ముందుకు ఎలా సాగింది? మరి హంతకులను చివరికి పట్టుకున్నారా లేదా అన్నదే మిగతా కథ.