OTTలోకి వచ్చేసిన సూపర్ హిట్​ ఫన్ అండ్‌ ఫ్యామిలీ ఎంటర్‌ టైనర్.. ఎక్కడ చూడాలంటే?

వీకెండ్ వచ్చేసింది. శుక్రవారం రావడంతో వివిధ భాషల్లోని పలు సినిమాలు, వెబ్‌ సిరీస్​లు థియేటర్లు, ఓటీటీలోకి వచ్చేశాయి. ఇందులో సూపర్ హిట్ అయినవి కూడా ఉన్నాయి. మరి కొన్ని ఎలాంటి అనౌన్స్​మెంట్​ లేకుండా సైలెంట్​గా వచ్చేసి మంచి రెస్పాన్స్​తో స్ట్రీమింగ్​ అవుతున్నాయి. అలా ఇప్పుడు ఈ వీకెండ్​ స్పెషల్​గా ఓటీటీలోకి ఓ సూపర్ హిట్ ఫన్ అంట్ ఫ్యామిలీ ఎంటర్​టైనర్​ వచ్చేసింది. మరి ఆ చిత్రం ఎందులో ఎక్కడ స్ట్రీమింగ్ అవుతుందో తెలుసుకుందాం..

హీరోయిన్​గా గుంటూరు కారం బ్యూటీ :
వీకెండ్​ రావడంతో ఎప్పటిలాగే కొత్త సినిమా సిరీస్​లు వచ్చి మూవీ లవర్స్​ను సర్​ప్రైజ్ చేశాయి. వీటిలో ఎలాంటి ముందస్తు ప్రకటన లేకుండా సైలెంట్​గా ఓటీటీలోకి వచ్చేసిన సినిమాల్లో సింగపూర్ సెలూన్ ఒకటి. ఈ చిత్రంలో టాలీవుడ్ హాట్ బ్యూటీ, గుంటూరు కారం భామ మీనాక్షి చౌదరి నటించడం విశేషం. ప్రస్తుతం ఈ భామ ఫుల్ ఫామ్​లో ఉన్న సంగతి తెలిసిందే. సోషల్​ మీడియాలో భారీ అందాలను ప్రదర్శిస్తూ అలాగే వరుసగా స్టార్ హీరోల సినిమాల ఆఫర్ల అందుకుంటూ ప్రేక్షకుల దృష్టిని ఆకర్షిస్తోంది.

గెస్ట్​ రోల్స్​లో ముగ్గురు స్టార్స్​ :
అలానే కోలీవుడ్​లో సింగపూర్ సెలూన్​ ఆఫర్​ను దక్కించుకుని అందులో హీరోయిన్​గా నటించింది. గోకుల్‌ దర్శకత్వం వహించారు. దర్శకుడు, నటుడు ఆర్‌జే బాలాజీ, బాహుబలి కట్టప్ప సత్యరాజ్​, లాల్ ఇతర​ ప్రధాన పాత్రలు పోషించారు. కోలీవుడ్ స్టార్‌ డైరెక్టర్‌ లోకేశ్ క‌న‌గ‌రాజ్ గెస్ట్ రోల్‌లో క‌నిపించి ఆకట్టుకున్నారు. ఆయనతో పాటు గ్లామర్ హీరో అర‌వింద్ స్వామి, యాత్ర 2 హీరో జీవా కూడా అతిథి పాత్ర‌ల్లో మెరిశారు.

బాక్సాఫీస్ వద్ద మంచి వసూళ్లు :
అలా ఫన్ అండ్‌ ఫ్యామిలీ ఎంటర్‌ టైనర్​గా రూపొందిన ఈ చిత్రం జ‌న‌వ‌రి 25న ఎలాంటి అంచనాలు లేకుండా రిలీజైంది. ఆ తర్వాత బాక్సాఫీస్ ముందు సూపర్ హిట్​గా సూపర్ రెస్పాన్స్ అందుకుంది. బాక్సాఫీస్ ఊహించిన దాని కన్నా ఎక్కువ వసూళ్లను అందుకుంది. సినిమాకు పాజిటివ్ టాక్‌ రావడం వల్ల తెలుగులోనూ డబ్‌ చేసి రిలీజ్ చేయాలని మేకర్స్ ప్లాన్ చేశారు. కానీ అది కూదరలేదు.

అనౌన్స్​మెంట్ లేకుండానే :
ఇప్పుడేమో ఈ సింగపూర్ సెలూన్ సినిమా డిజిటల్‌ స్ట్రీమింగ్​కు అందుబాటులోకి వచ్చేసింది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్ వీడియో ఈ చిత్ర డిజిటల్ హక్కులను దక్కించుకుని స్ట్రీమింగ్​కు వదిలింది. ఎలాంటి ముందస్తు అనౌన్స్​మెంట్ లేకుండానే శుక్రవారం (ఫిబ్రవరి 23) అర్ధ రాత్రి నుంచి అందుబాటులో ఉంచింది. అయితే ప్రస్తుతానికి కేవలం తమిళ వెర్షన్ మాత్రమే అందుబాటులో ఉంది. త్వరలోనే తెలుగు డబ్బింగ్​ వెర్షన్​ను కూడా వచ్చే అవకాశం ఉంది.

ఇక ఈ సినిమా కథ ఏంటంటే? :
సూపర్​ హెయిర్ స్టైలిస్ట్‌గా ప్రత్యేక గుర్తింపు సంపాదించాలని, తన వ్యాపారాన్ని విస్తరించాలని కలలు కంటూ ఓ సెలూన్​ షాప్​ను నడుపుతుంటాడు హీరో ఆర్జే బాలాజీ. మరి బీటెక్ చదివిన అతడు అసలు ఎందుకీ సెలూన్ వృత్తిని తన ప్రొఫెషన్​గా ఎంచుకున్నాడు? తన కలను సాకారం చేసుకోవడానికి ఎలాంటి కష్టాలు పడ్డాడు? హై క్లాస్​ అయిన మీనాక్షి చౌదరి అతడిని ఎందుకు ప్రేమించింది? అనే ప్రశ్నలతో ఎమోషన్స్, కామెడీ ఎలిమెంట్స్​తో సాగుతుందీ సింగపూర్ సెలూన్ కథ. ఈ వీకెండ్​లో ఎంచక్కా ఈ సినిమా చూసి ఎంజాయ్ చేయండి.