BRO, Baby Movies: OTT లోకి వచ్చేసిన బేబీ, బ్రో సినిమాలు... ఆ సీన్స్ కూడా యాడ్... స్ట్రీమింగ్ ఎందులో అంటే?

ఎప్పుడెప్పుడా అని ఎదురుచూస్తున్న సమయం రానే వచ్చింది. ఆ రెండు సినిమాలు ఓటీటీలోకి వచ్చేశాయి. ఈ వారం ఎన్నో సినిమాలు రిలీజ్ అవుతున్నా... ముఖ్యంగా ఆ రెండు సినిమాల కోసమే ప్రేక్షకులు వెయింటింగ్. అవే బ్రో, బేబి సినిమాలు. ఇవి ఈరోజు ఆగస్టు 25వ తేదీన ఓటీటీ వేదికగా స్ట్రీమింగ్ అవుతున్నాయి. ఈ రెండు సినిమాలు ఏ ఓటీటీలో స్ట్రీమింగ్ అవుతున్నాయో ఈ స్టోరీలో తెలుసుకుందాం.

బేబీ, బ్రో.. ఈ రెండు సినిమాలు ఓటీటీలో ఎప్పుడు విడుదల అవుతాయా అని మూవీ లవర్స్ ఎదురుచూశారు. వారి ఎదురుచూపులకు నేటితో పుల్ స్టాప్ పడింది. ఈ రెండు సినిమాలో ఓటీటీ వేదికగా స్ట్రీమింగ్ అవుతున్నాయి. ఇంత కాలం థియేటర్లలో అలరించిన ఈ మూవీస్ ఓటీటీ వేదికగా రచ్చ లేపేందుకు సిద్ధం అయ్యాయి. 24వ తేదీ అర్ధరాత్రి నుంచే స్ట్రీమింగ్ వచ్చేసిన ఈ మూవీస్.. సీని లవర్స్ పండగ చేసుకుంటున్నారు.

పవర్ స్టార్ పవన్ కల్యాణ్ తన మేనల్లుడు సాయి ధరమ్ తేజ్ తో కలిసి నటించిన చిత్రం బ్రో. ఈ మూవీని తమిళ నటుడు, దర్శకుడు సముద్ర ఖని డైరెక్ట్ చేశారు. ఇక త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందించారు. ఈ మూవీకి తమన్ సంగీతం అందిచారు. పీపుల్ మీడియా ఫ్యాక్టరీ బ్యానర్ పై టీజీ. విశ్వప్రసాద్ నిర్మించిన ఈ చిత్రానికి వివేక్ కూచిభొట్ల సహా నిర్మాతగా వ్యవహారించారు.

ఇక ఈ సినిమా జులై 28వ తేదీన ప్రేక్షకుల ముందుకు వచ్చింది. విడుదల అయిన మొదటి రోజు నుంచే ఈ సినిమాకు మిక్స్ డ్ టాక్ వచ్చింది. దానితో పాటు పలు వివాదాలు కూడా తలెత్తాయి. ఇక ఈ మూవీ ఓటీటీలోకి వచ్చేసింది. ఆగస్టు 25నుంచి నెట్ ఫ్లిక్స్ లో ఈ మూవీ స్ట్రీమింగ్ అవుతుంది. మీరు గనుక ఈ సినిమాను థియేటర్లలో మిస్ అయితే.. ఓటీటీలో ఎంచక్కా చూసేయండి. ఇక ఈమూవీని జీ తెలుగు శాటిలైట్ రైట్స్ తీసుకుంది.

ఇక చిన్న సినిమాగా రిలీజ్ అయి.. ప్రభంజనం సృష్టించిన చిత్రం బేబీ. ఇక ఈ మూవీ కోసం సినీ లవర్స్ ఎప్పటి నుంచో ఎదురుచూస్తున్నారు. ఆనంద్ దేవరకొండ, విరాజ్ అశ్విన్, వైష్ణవి చైతన్య లు ప్రధాన పాత్రల్లో నటించిన చిత్రం బేబి. ఈ సినిమాకు సాయి రాజేశ్ దర్శకత్వం వహించారు. ఈ సినిమాను శ్రీనివాస కుమార్ (ఎస్కేఎన్) నిర్మించారు. విజయ్ బుల్గానిన్ అందించిన సంగీతం ఈ సినిమాకు హైలెట్ అని చెప్పవచ్చు.

ఇక బేబీ మూవీ జులై 14వ తేదీన థియేటర్లోకి వచ్చేసింది. విడుదలైన మొదటి రోజు నుంచే ఈ సినిమా పాజిటివ్ టాక్ తో దూసుకెళ్లింది. ఇక ఈ సినిమా యూత్ కు బాగా కనెక్ట్ అయింది. ట్రయాంగిల్ లవ్ స్టోరీతో వచ్చిన ఈ మూవీ... దాదాపు 100 కోట్ల రూపాయల కలెక్షన్స్ సాధించి సూపర్ హిట్టుగా నిలిచింది. ఈ సినిమా ఇప్పుడు ఆహా ఓటీటీ వేదికగా స్ట్రీమింగ్ అవుతుంది. ఆగస్టు 25వ తేదీ నుంచే ఈ సినిమా స్ట్రీమ్ అవుతుంది. అయితే బేబీలో కొన్ని ఎక్స్ ట్రా సీన్స్ కూడా యాడ్ చేశారు. అయితే ఆహా గోల్డ్ సబ్ స్క్రిప్షన్ తీసుకున్న వారికి 12 గంటల ముందే ఈ సినిమా అందుబాటులోకి వచ్చింది. మీరు గనుక ఈ సినిమాను థియేటర్లలో చూసినా, చూడకపోయినా.. మరోసారి ఓటీటీలో చూసేయండి.