Click it and Unblock the Notifications
Premalu : OTTలోకి సూపర్ హిట్ హైదరాబాద్ లవ్ స్టోరీ.. ఎప్పటి నుంచి స్ట్రీమింగ్ కానుందంటే?
ఇటీవలే మలయాళంలో వచ్చి బ్లాక్ బస్టర్ హిట్ గా నిలిచిన ప్రేమలు సినిమా గురించి తెలుగు సినీ ప్రియులకు ప్రత్యేకంగా చెప్పాల్సిన అవసరం లేదు. అయితే ఈ చిత్రం అక్కడ బాక్సాఫీసును బద్ధలు చేయగా... తెలుగులోకి కూడా డబ్ చేసి విడుదల చేశారు. అలా వచ్చి తెలుగు ప్రేక్షకులను కూడా విపరీతంగా అలరించిన ఈ సినిమా ఓటీటీ వేదికగా స్ట్రీమింగ్ కాబోతుంది. అయితే ఎప్పటి నుంచి, ఎక్కడ స్ట్రీమింగ్ కాబోతుందో మనం ఇప్పుడు తెలుసుకుందాం.
ముందుగా మలయాళ భాషలో తెరకెక్కిన ప్రేమలు సినిమా ఫిబ్రవరి 9వ తేదీన విడుదల అయింది. మొత్తం 156 నిమిషాల నిడివి కల్గిన ఈ లవ్ స్టోరీని కేవలం 3 కోట్ల రూపాయల బడ్జెట్ తో తెరక్కించారు. కానీ ఎలాంటి అంచనాలు లేకుండా వచ్చి ఈ సినిమా బాక్సాఫీసు వద్ద తక్కువ రోజుల్లోనే రూ.70 కోట్ల వరకు వసూలు చేసి అందరినీ ఆశ్చర్య పరిచింది. ఇలా మలయాళంలో బ్లాక్ బస్టర్ హిట్ గా నిలిచన ఈ సినిమాను తెలుగులోకి కూడా డబ్ చేశారు.
మార్చి 8వ తేదీన తెలుగులో విడుదల అయిన ఈ హైదరాబాద్ ప్రేమలు సినిమా ఇక్కడ కూడా భారీ వసూళ్లు రాబట్టింది. గిరీష్ ఏడీ దర్శకత్వం వహించిన ఈ సినిమాలో నస్లేన్, మమితా బైజు, అల్తాఫ్ సలీమ్, మీనాక్షి రవీంద్రన్, అఖిల భార్గవన్ ప్రధాన పాత్రల్లో నటించారు. భావన స్టూడియోస్ బ్యానర్పై రూపొందింది. పుష్ప విలన్ ఫహాద ఫాజిల్ కూడా నిర్మాతగా వ్యవహరించారు. తెలుగులో మాత్రం దర్శక ధీరుడు ఎస్ఎస్ రాజమౌళి కుమారుడు, యువ నిర్మాత ఎస్ఎస్ కార్తికేయ రిలీజ్ చేశారు.
రొమాంటిక్ కామెడీ ఎంటర్ టైనర్ గా వచ్చిన ఈ సినిమా తెలుగు ప్రేక్షకులను ఎంతగానో అలరించింది. ముఖ్యంగా మహేష్ బాబు, రాజమౌళి వంటి స్టార్ లు కూడా ఈ సినిమాకు పాజిటివ్ రీవ్యూలు ఇచ్చారు. దీంతో ఈ సినిమాను చూసే వారి సంఖ్య రోజురోజుకూ పెరుగుతూ వచ్చింది. ఇలా ఇప్పటికీ థియేటర్లలో సందడి చేస్తున్న ఈ సినిమా ఓటీటీలోకి రాబోతుంది.
ప్రముఖ ఓటీటీ సంస్థ డిస్నీ ప్లస్ హాట్ స్టార్ వేదికగా ఈ సినిమా రాబోతుంది. ముఖ్యంగా మార్చి 29వ తేదీ నుంచి ఈ చిత్రాన్ని స్ట్రీమింగ్ చేయబోతున్నట్లు సమాచారం. అదిరిపోయే కాన్సెప్ట్ తో వచ్చిన ఈ చిత్రాన్ని అందరూ డిస్నీ ప్లస్ హాట్ స్టార్ వేదికగా మార్చి 29వ తేదీ నుంచి చూసి ఫుల్ గా ఎంజాయ్ చేయండి. అస్సలే మిస్ అవకుండా ఈ చిత్రాన్ని చూసేయండి.
Continue with Google