Kantara Movie OTT Release: సంచలనం సృష్టించిన కాంతార ఓటీటీ ప్లాన్ రెడీ.. స్ట్రీమింగ్ ఎందులో అంటే?

మొదట ఎవరు పట్టించుకోలేదు

రిషబ్ శెట్టి దర్శకత్వంలో తెరపైకి వచ్చిన కాంతార సినిమాపై అసలు తెలుగులో అయితే మొదట ఎవరూ పట్టించుకోలేదు. కానీ కన్నడ చిత్రపరిశ్రమలో ఆ సినిమా ఊహించిన విధంగా బాక్స్ ఆఫీస్ వద్ద సాలిడ్ కలెక్షన్స్ అందుకోవడంతో తెలుగులో డబ్ కాకముందే తెలుగు ఆడియోన్స్ కూడా సినిమాను చూడడం మొదలుపెట్టారు. ఇక నిర్మాత అల్లు అరవింద్ కాంతార సినిమాను తెలుగులో భారీ స్థాయిలో విడుదల చేసిన విషయం తెలిసిందే.

బాక్సాఫీస్ హిట్

ఇప్పటికే ఈ సినిమా 150 కోట్లకు పైగా గ్రాస్ కలెక్షన్స్ అందుకుంది. ఇక త్వరలోనే 200 కోట్లకు మార్క్ ను టచ్ చేసే అవకాశం ఉన్నట్లు తెలుస్తోంది. సెప్టెంబర్ 30వ తేదీన కన్నడ భాషలో విడుదలైన ఈ సినిమా ఒక వారం తర్వాత మిగతా భాషల్లో కూడా విడుదల అయింది. మొదట తెలుగులో కొన్ని లిమిటెడ్ థియేటర్లలోనే విడుదల చేశారు. ఇంకా పాజిటివ్ టాక్ రావడంతో నిర్మాత అల్లు అరవింద్ ఒక్కసారిగా థియేటర్ల సంఖ్యను అమాంతంగా పెంచేశారు.

ఓటీటీ హక్కులు ఆ సంస్థకు

ఇప్పుడు ఎక్కడ చూసినా కూడా కాంతార సినిమా గురించి అందరూ మాట్లాడుకుంటున్నారు. సినిమాను డైరెక్ట్ చేసిన విధానం అలాగే హీరోగా రిషబ్ శెట్టి నటించిన విధానం ఆడియెన్స్ అందరినీ కూడా ఎంతగానో ఆకట్టుకుంది. ఇక ఈ సినిమా ఓటీటీ హక్కులను అమెజాన్ ప్రైమ్ వీడియో సొంతం చేసుకుంది.

మొదట ఆ భాషలో స్ట్రీమింగ్

మొదట హాట్ స్టార్ కాంతార సినిమా ఓటీటీ హక్కుల కోసం పోటీ పడినప్పటికి అమెజాన్ ప్రైమ్ ఛాన్స్ ఇవ్వలేదు. ఇక కన్నడ భాషల్లో హిట్టయిన తరువాత నవంబర్ మొదటి వారంలో ఓటీటీ లో స్ట్రీమింగ్ చేసుకునే విధంగా ఆమెజాన్ డీల్ సెట్ చేసుకున్నట్లు సమాచారం. ముందుగా కన్నడ భాషలోనే నవంబర్ 4న కాంతార స్ట్రీమింగ్ అయ్యే ఛాన్స్ ఉన్నట్లు సమాచారం.

తెలుగులో ఎప్పుడంటే?

ఇక తెలుగులో కూడా ఈ సినిమా భారీ స్థాయిలో విజయాన్ని అందుకున్న విషయం తెలిసిందే. ఇక తెలుగులో కాస్త ఆలస్యంగా రిలీజ్ అయింది కాబట్టి మరి కొంతకాలం ఎదురు చూడాలని నిర్మాతలు కోరడంతో అమెజాన్ ప్రైమ్ డీల్ లో కొంత మార్పులు చేసి ఒప్పుకున్నట్లు సమాచారం. ఇక నవంబర్ రెండవ వారంలోనే తెలుగు తమిళం అలాగే ఇతర భాషల్లో కూడా అమెజాన్ ప్రైమ్ లో ఈ సినిమా స్ట్రీమింగ్ అయ్యే అవకాశం ఉన్నట్లు తెలుస్తోంది.