OTTలోకి సెన్సేషన్ క్రియేట్ చేసిన రియల్ క్రైమ్ థ్రిల్లర్... ఎందులో చూడాలంటే?

ఫిల్మ్​​​​​ ఇండస్ట్రీలో​ నిజ జీవిత కథల ఆధారంగా సినిమాలు తెరకెక్కించడం ఎప్పటి నుంచో ఉన్న సంగతి తెలిసిందే. అయితే ఓటీటీ అందుబాటులోకి వచ్చిన తర్వాత రియల్​​ లైఫ్​ క్రైమ్​ స్టోరీస్​ను ఎక్కువగా తెరకెక్కిస్తున్నారు. ఎందుకంటే ఓటీటీలో వీటికి మంచి డిమాండ్​ ఏర్పడింది. దీంతో వెబ్‌ సిరీస్‌ల రూపంలో క్రైమ్​ థ్రిల్లర్స్​ను కళ్లకు కట్టినట్లు చూపిస్తున్నారు మేకర్స్​. మరీ ముఖ్యంగా డాక్యుమెంటరీలకు మంచి ఆదరణ లభిస్తుండం వల్ల మేకర్స్ వీటినే తెరకెక్కిస్తున్నారు. రీసెంట్​గా కూడా 'కర్రీ అండ్ సైనైడ్'​ అనే రియల్ క్రైమ్​ థ్రిల్లర్​ టాప్​ ట్రెండింగ్ అయిన సంగతి తెలిసిందే. ఈ క్రమంలోనే ఇప్పుడు మరో సెన్సేషనల్​ రియల్ క్రైమ్​ థ్రిల్లర్​ స్ట్రీమింగ్​కు రెడీ అయింది. దాని గురించే ఈ కథనం..

దేశవ్యాప్తంగా సెన్సేషన్ క్రియేట్ చేసిన కేసుల్లో 'షీనా బోరా' హత్య కేసు కూడా ఒకటి. 2012లో షీనా బోరా హత్య జరిగింది. కానీ 2015లోకి ఈ కేసు వెలుగులోకి వచ్చి దేశవ్యాప్తంగా సంచలనంగా మారింది. కన్నతల్లే సొంత కూతురిని చంపేసిందన్న విషయం తెలిసి దేశ ప్రజలంతా ఒక్కసారిగా షాక్​కు గురయ్యారు. ఎన్నో మలుపులు తిరిగిన ఈ మిస్టరీ కేసులో ప్రధాన నిందితురాలిగా ఉన్న ఇంద్రాణి ముఖర్జీ ఆరున్నారేళ్లు జైలు శిక్షను అనుభవించి 2022 మే నెలలో జైలు నుంచి విడుదలైంది.

అసలేం జరిగిందంటే ? : ఓ కేసులో అరెస్టైన ఇంద్రాణీ ముఖర్జియా డ్రైవర్‌ను విచారించగా ఈ హత్యు కేసును బయటపెట్టాడు. దర్యాప్తులో తేలిన వివరాల ప్రకారం ఇంద్రాణీ తన మొదటి భర్త నుంచి విడిపోయింది. ఆ తర్వాత తన కుమార్తె షీనా, కుమారుడు మైఖెల్‌ను గువాహటిలోని తల్లిదండ్రుల వద్ద ఉంచింది. ఈ క్రమంలోనే కొన్నాళ్లకు ఆమె సంజీవ్‌ ఖన్నా అనే వ్యక్తిని పెళ్లి చేసుకుని, ఆ తర్వాత అతడి నుంచి కూడా డివొర్స్ అందుకుంది. అనంతరం ప్రముఖ మీడియా ఎగ్జిక్యూటివ్‌ పీటర్‌ ముఖర్జియాను పెళ్లి చేసుకుంది. ఈ క్రమంలోనే పెద్దయ్యాక తల్లి గురించి తెలుసుకున్న షీనా ముంబయికి వెళ్లి ఆమెను కలిసింది.

ఆ తర్వాత పీటర్‌ మొదటి భార్య కుమారుడైన రాహుల్‌తో షీనాకు మంచి పరిచయం ఏర్పడింది. అది కాస్త ప్రేమకు దారితీసింది. ఈ విషయంలో తల్లీ కుమార్తెల మధ్య గొడవలు పడేవారు. ఫైనాన్షియల్​గా కూడా ఎన్నో విభేదాలు తలెత్తాయి. దీంతో కోపాన్ని పెంచుకున్న ఇంద్రాణీ, తన రెండో భర్త సంజీవ్‌, డ్రైవర్‌ శ్యామ్‌ రాయ్‌ సాయంతో కుమార్తె షీనాను హత్య చేసింది. ఈ విషయం దర్యాప్తులో తేలింది. అనంతరం షీనా మృతదేహాన్ని రాయ్‌గఢ్‌లోని ఓ అటవీ ప్రాంతంలో కాల్చేసినట్లు తెలిసింది.

ఈ విషయం 2015లో వెలుగులోకి వచ్చింది. అప్పుడు పోలీసు ఆఫీసర్స్​ ఆ అటవీ ప్రాంతానికి వెళ్లి షీనా అవశేషాలను స్వాధీనం చేసుకున్నారు. ఇంకా ఈ కేసులో ఇంద్రాణీ, సంజీవ్‌లతో పాటు పీటర్‌ను కూడా అదుపులోకి తీసుకున్నారు పోలీసులు. వారికి న్యాయస్థానం జైలు శిక్షను విధించింది. అలా జైల్లోనే ఇంద్రాణీ - పీటర్ వివాహ బంధానికి ఎండ్ కార్డ్ పడింది. 2019లో వీరిద్దరూ విడాకులు​ తీసుకున్నారు.

ఇప్పుడీ కేసు తాజాగా దృశ్యరూపంలో వచ్చేందుకు రెడీ అయింది. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌ వేదికగా ఇది స్ట్రీమింగ్​కు సిద్ధం అయింది. 'ది ఇంద్రాణీ ముఖర్జియా స్టోరీ : బరీడ్‌ ట్రూత్‌' పేరుతో ఫిబ్రవరి 24 నుంచి ఓటీటీ ప్రేక్షకులకు అందుబాటులో ఉండనుంది. ఈ విషయాన్ని తెలుపుతూ ఫస్ట్‌లుక్‌ పోస్టర్‌ను విడుదల చేసింది నెట్​ఫ్లిక్స్​. ఇందులో షానా లెవీ, ఉరాజ్ బహల్‌ ముఖ్య పాత్రలు పోషించారు.