Click it and Unblock the Notifications
OTTలోకి రాబోతున్న టిల్లు స్క్వేర్.. అన్ని భాషల్లో ఆ రోజు నుంచే స్ట్రీమింగ్!
టాలీవుడ్ యంగ్ అండ్ డైనమిక్ హీరో సిద్ధు జొన్నలగడ్డ, క్యూట్ బ్యూటీ అనుపమ పరమేశ్వరన్ కాంబోలో వచ్చిన రీసెంట్ బ్లాక్ బస్టర్ హిట్ చిత్రమే టిల్లు స్క్వేర్. థియేటర్ల వద్ద బాక్సాఫీసును బద్ధలు చేసిన ఈ సినిమాకు సెపరేట్ ఫ్యాన్ బేస్ ఉంది. టిల్లన్నా, టిల్లన్నా అంటూ.. చూసిన సినిమానే చాలా మంది మళ్లీ మళ్లీ చూస్తున్నారు. అలాంటి వాళ్ల కోసమే చిత్రబృందం అదిరిపోయే గుడ్ న్యూస్ చెప్పింది. ముఖ్యంగా ఈ సినిమా ఓటీటీ విడుదల తేదీని ప్రకటించింది. నెల తిరక్కముందే ఓటీటీలోకి రాబోతున్న ఈ సినిమా ఎప్పుడు, ఎక్కడ స్ట్రీమింగ్ కాబోతుందో మనం ఇప్పుడు తెలుసుకుందాం.
2022లో వచ్చి సూపర్ హిట్ అయిన సినిమా 'డీజే టిల్లు'. అయితే స్టార్ బాయ్ సిద్దు జొన్నలగడ్డ హీరోగా నటించిన ఈ సినిమాకు సీక్వెల్ గా టిల్లు స్క్వేర్ ను తీసుకు వచ్చారు. అయితే ఈ సినిమాలో కూడా సిద్ధుయే హీరో. అయితే మల్లిక్ రామ్ డైరెక్షన్లో వచ్చిన ఈ చిత్రంలో హీరోయిన్ మాత్రం అనుపమ పరమేశ్వరన్. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ సంస్థలు కలిసి సంయుక్తంగా ఈ సినిమాను నిర్మించాయి. అలాగే ప్రముఖ సంగీత దర్శకుడు ఎస్ తమన్ బ్యాక్ గ్రాండ్ మ్యూజిక్ అందించారు.
అదిరిపోయే రొమాంటిక్ కామెడీ ఎంటర్ టైరన్ గా వచ్చిన ఈ చిత్రాన్ని మార్చి 29వ తేదీన థియేటర్లలో గ్రాండ్గా విడుదల చేశారు. అయితే సినిమా విడుదలకు ముందే నుంచే భారీ హైప్ క్రియేట్ అయిన ఈ సినిమా థియేటర్ల వద్ద కూడా సక్సెస్ అయింది. బ్లాక్ బస్టర్ హిట్ గా నిలిచిన ఈ సినిమా 9 రోజుల్లోనే వంద కోట్లకు పైగా గ్రాస్ను వసూలు చేసి సెన్సేషన్ క్రియేట్ చేసింది. మొత్తంగా రూ.125 కోట్ల వసూళ్లు రాబట్టుకుని బ్లాక్ బస్టర్ హిట్ అయింది. అయితే ఈ సూపర్ హిట్ సినిమా డిజిటల్ హక్కుల కోసం అనేక సంస్థలు తీవ్రంగా పోటీ పడ్డాయి.
ఇలా ప్రముఖ ఓటీటీ దిగ్గజం అయిన్ నెట్ఫ్లిక్స్ సంస్థ రూ. 35 కోట్లు రూపాయలు చెల్లించి మరీ ఓ సినిమా ఓటీటీ హక్కులను సొంతం చేసుకున్నట్లు తెలుస్తోంది. అయితే తాజాగా నెట్ ఫ్లిక్స్ యే ఎక్స్ వేదికగా ఈ సినిమా ఓటీటీ విడుదల తేదీని ప్రకటించింది. ముఖ్యంగా నెల తిరక్కముందే ఈ సినిమా ఓటీటీలోకి రాబోతున్నట్లు వివరించగా అంతా షాక్ అవుతున్నారు. ఏప్రిల్ 26వ తేదీ నుంచి ఈ సినిమా నెట్ ఫ్లిక్స్ వేదికగా విడుదల కాబోతున్నట్లు సదరు సంస్థ స్పష్టం చేసింది.
తెలుగుతో పాటు తమిళ, కన్నడ, మలయాళ, హిందీ భాషల్లో కూడా ఏప్రిల్ 26వ తేదీ నుంచే స్ట్రీమింగ్ కాబోతున్నట్లు వివరించింది. ఈ విషయం తెలుసుకున్న టిల్లు ఫ్యాన్స్ ఫుల్ ఎగ్జైట్ అవుతున్నారు. తమకు నచ్చిన చిత్రాన్ని మరో వారం రోజుల్లోనే ఇంట్లోనే కూర్చుని చూసేయొచ్చని అనుకుంటున్నారు. ఫ్యామిలీ, ఫ్రెండ్స్, స్నేహితులతో కలిసి మరీ ఈ చిత్రాన్ని ఎంజాయ్ చేసేందుకు ప్లాన్ చేసుకుంటున్నారు. చూడాలి మరి ఏం జరగనుంది అనేది.
Continue with Google