OTTలో ఆత్మలతో ఇన్వెస్టిగేషన్ మూవీ.. ఒక్కో సీన్​కు గుండె దడ పెరగాల్సిందే!

ఓటీటీలు ఎన్నో రకాల జానర్ సినిమా సిరీస్​లు వస్తుంటాయి. అలానే ఇతర భాషలకు చెందినవి కూడా వచ్చి అలరిస్తుంటాయి. వీటికి మంచి రెస్పాన్స్ వస్తుండడంతో ఈ మధ్య ఓటీటీ సంస్థలే స్వయంగా వీటిని నిర్మించేసి విడుదల చేసేస్తున్నాయి. అన్ని భాషల్లో డబ్ చేసి వదిలేస్తున్నాయి. అయితే మీరు ఇప్పటివరకు చాలా రకాల జాన్సర్స్​ను చూసుంటారు? మరి ఆత్మలతో ఇన్వెస్టిగేషన్ చేసే సిరీస్​ను చూశారా? హాలీవుడ్ రేంజ్​లో తెరకెక్కిన ఈ సిరీస్ ఓటీటీ ఆడియెన్స్​ను గత రెండేళ్లుగా బాగా అలరిస్తూనే ఉంది. ఇంతకీ ఆ సిరీస్ ఏంటి? ఎందులో స్ట్రీమింగ్ అవుతోంది? వంటి వివరాలను తెలుసుకుందాం..

వివరాల్లోకి వెళితే.. ఓటీటీలో వచ్చిన ఎన్నో వెబ్ సిరీసుల్లో ఈ సిరీస్​ కచ్చితంగా స్పెషల్ అనే అంటున్నారు ఆడియెన్స్​. ఎందుకంటే మొదటి ఎపిసోడ్ నుంచి చివరి ఎపిసోడ్ వరకు ఉత్కంఠగా సాగుతూ ప్రేక్షకులకు సీట్ ఎడ్జ్​ థ్రిల్​ను పంచుతోంది. దీని పేరే ది లాస్ట్ అవర్. ఈ సిరీస్​లో సంజయ్ కపూర్, కర్మ తకాపా, షేలీ కే ప్రధాన పాత్రల్లో నటించారు. వీళ్ల నటన కట్టిపడేస్తోంది.

సూపర్ నేచురల్ క్రైమ్ సస్పెన్స్ థ్రిల్లర్​గా రూపొందిన ఈ సిరీస్​ 2021లో విడుదలైంది. ఇందులో మొత్తం 8 ఎపిసోడ్లు ఉన్నాయి. ఒక్కో ఎపిసోడ్ సగటున 30 నిమిషాల నిడివితో ఉత్కంఠగా సాగుతోంది. ఈ బెస్ట్ క్రైమ్ థ్రిల్లర్ వెబ్ సిరీస్​లో ముఖ్యంగా ఇన్వెస్టిగేషన్ సీన్స్ బాగా మెప్పిస్తున్నాయి. పోలీసు అధికారులకు దొరక్కుండా వరుసగా హంతకుడు మర్డర్​లు చేయడం, వాడిని కనిపెట్టలేక, పట్టుకోలేక అధికారులు కింద మీద పడటం, జుట్టు పీక్కోవడం, దీంతో ప్రజలు తన ప్రాణాలను అరచేతుల్లో పెట్టుకుని భయంభయంగా బతకడం.. అబ్బో ఇలా సిరీస్ మొత్తం ఇన్​టెన్స్​గా సాగుతూ మస్త్​ థ్రిల్లింగ్ పంచుతోంది.

ఇంకా చెప్పాలంటే ఒక్కో ఎపిసోడ్​కు ఇన్వెస్టిగేషన్ స్పీడ్​ పెంచడం, ఆత్మలతో మాట్లాడుతూ కథను ముందుకు తీసుకెళ్లడం గూస్​ బంప్స్​ను తెప్పిస్తోంది. ముఖ్యంగా సంభాషణలు మరింత మెప్పిస్తున్నాయి. ఫైనల్​గా మంచి ఎక్స్ పీరియన్స్​ థ్రిల్ల్​ను ఇస్తున్న ఈ సిరీస్​ అమెజాన్ ప్రైమ్​లో స్ట్రీమింగ్ అవుతోంది.

కథేంటంటే? ముంబయిలో ఉండే పోలీసు అధికారి అరుప్(సంజయ్ కపూర్)ను ఓ బెంగాలీ నటి మర్డర్ కేస్ ఛేదించడం ​ కోసం ఈశాన్య రాష్ట్రానికి బదిలీ చేస్తారు. అయితే అక్కడ వరుస హత్యలు జరగడం మొదలవుతాయి. ఎవరు? ఎందుకు చేస్తున్నారు? హంతకుడి మోటో ఏంటి అని తెలీక పోలీసులు సతమతమవుతుంటారు. ఈ క్రమంలోనే అరుప్ తనకు సాయంగా ఇన్వెస్టిగేషన్​లోకి దేవ్(కర్మా తపాకా)ను జాయిన్ చేసుకుంటాడు. అయితే దేవ్​కు ఒక అద్భుతమైన శక్తి ఉంటడం విశేషం.

అతడు లోకాన్ని వీడకుండా ఇక్కడే తిరుగుతూ ఉండే ఆత్మలతో మాట్లాడుతూ వారికి స్వేచ్ఛను కలిగించి తీరాలకు చేరుస్తుంటాడు. అలా వరుసగా జరుగుతున్న ఈ హత్యలకు సంబంధించి ఆత్మలతో మాట్లాడుతూ కేసును ఛేదించేందుకు రెడీ అవుతారు దేవ్​, అరుప్​. అయితే హత్యలు చేసేది కూడా ఒక సూపర్​ నేచురల్ శక్తులు కలిగిన వారే అన్న అనుమానాలు రేకెత్తుతాయి. మరి ఈ ఆత్మల సాయంతో హంతుకుడిని పట్టుకున్నారా? కేసును ఛేదించారా? లేదా అన్నదే ది లాస్ట్ అవర్ సిరీస్ కథ.