Tamannaah Bhatia Bubbly Bouncer Trailer:కండోమ్​లు కొంటున్న తమన్నా.. ఛాలేంజింగ్​గా తీసుకొని..

సరికొత్త లుక్​లో..

బాలీవుడ్ ప్రముఖ దర్శకుడు మధుర్ భండార్కర్​ డైరెక్షన్​లో మిల్కీ బ్యూటీ తమన్నా ప్రధాన పాత్రలో నటించిన చిత్రం బబ్లీ బౌన్సర్​. ఈ మూవీ బాక్సర్ టౌన్​గా గుర్తింపు తెచ్చుకున్న అసోలా ఫతైపూర్​ బ్యాక్​డ్రాప్​లో తెరకెక్కినట్లు సమాచారం. అయితే ఈ సినిమాకు సంబంధించిన ట్రైలర్​ను తాజాగా విడుదల చేశారు. ఈ ట్రైలర్​లో తమన్నా సరికొత్త లుక్స్​తో ఆకట్టుకుంది. అబ్బాయిలా ఊర్లో తిరిగే యువతిగా తమన్నా కనిపిస్తుంది.

ఓటీటీ వేదికగా..

అలాగే ఏమాత్రం బెరుకు లేని యువతిగా తమన్నా నటన ఆకట్టుకునేలా ఉంది. కండోమ్​లు ఇవ్వండి రెండు అని చెప్పే సీన్ నవ్వు తెప్పించేలా ఉంది. ఆద్యంతం కామెడీతో ప్రేక్షకులను ఆకట్టుకునేలా ఉంది బబ్లీ బౌన్సర్​ ట్రైలర్​. అయితే ఈ మూవీని థియేటర్లకు బదులు నేరుగా ఓటీటీలో విడుదల చేయనున్నారు దర్శకనిర్మాతలు. తమన్నా లేడీ బౌన్సర్​గా నటించిన ఈ చిత్రాన్ని ప్రముఖ ఓటీటీ ప్లాట్​ఫామ్​ డిస్నీ ప్లస్​ హాట్​స్టార్​లో విడుదల కానుంది.

గత చిత్రాలకు భిన్నంగా..

బబ్లీ బౌన్సర్​ మూవీ హిందీతోపాటు తెలుగు, తమిళ భాషల్లో సెప్టెంబర్​ 23 నుంచి డిస్లీ ప్లస్​ హాట్ స్టార్​లో స్ట్రీమింగ్​ కానుంది. అయితే ముందుగా థియేటర్​లో విడుదలై బాలీవుడ్​లో ఓ విజయాన్ని తన ఖాతాలో వేసుకుందామనుకుంది తమన్నా. కానీ ప్రస్తుత పరిస్థితులను బట్టి ఓటీటీలో విడుదల చేస్తున్నట్లు తెలుస్తోంది. కాగా గతంలో తాను తెరకెక్కించిన సినిమాలకు భిన్నంగా ఈ చిత్రం ఉంటుందని డైరెక్టర్​ మధుర్ భండార్కర్​ తెలిపారు.

ఛాలెంజింగ్​గా రోల్​..

కెరీర్​లో తొలిసారిగా ఓ బౌన్సర్​ పాత్రలో కనిపించడం చాలా సంతోషంగా ఉందని తమన్నా పేర్కొంది. ఈ రోల్​ను ఓ ఛాలెంజ్​గా తీసుకుని నటించినట్లు వెల్లడించింది. అలాగే మధుర్​ భండార్కర్​ దర్శకత్వంలో నటించడం తొలిసారి అని, చాలా ఆనందంగా ఉందని తెలిపింది. ఇదిలా ఉంటే మరోవైపు మెగాస్టార్​ చిరంజీవి సరసన భోళాశంకర్​ చిత్రంలో హీరోయిన్​గా తమన్నా నటిస్తోన్న విషయం తెలిసిందే. ఇదే కాకుండా సత్యదేవ్​తో గుర్తుందా శీతకాలం మూవీ కూడా చేసింది.