OTTలో ఈ వారం టాప్ 10 భారీ రెస్పాన్స్​ సిరీసులివే.. మీరు ఏమైనా మిస్ అయ్యారా?

ప్రముఖ మీడియా సంస్థ ఆర్మాక్స్ గురించి చాలా మంది సినీ ప్రియులకు తెలిసే ఉంటుంది. ఎప్పటికప్పుడు దేశవ్యాప్తంగా విశేష ఆదరణ పొందిన సినీ తారలు, సినిమాలు, వెబ్​సిరీస్​లపై సర్వేలు నిర్వహిస్తూ వాటి గురించి తెలుపుతుంటుంది. అలా తాజాగా ఓటీటీలో అందుబుటులో ఉన్న ఒరిజనల్స్​పై సర్వే చేసి ఈ వారం టాప్​లో ఉన్న వాటి గురించి తెలిపింది. దీనికి సంబంధించిన పూర్తి వివరాలను స్టోరీలోకి వెళ్లి తెలుసుకుందాం...

బాలీవుడ్‌ హీరోయిన్​ అలియా భట్‌ నిర్మాతగా, ఎమ్మీ అవార్డు విన్నర్‌, దర్శకుడు రిచీ మెహతా రూపొందించిన క్రైమ్‌ సిరీస్‌ పోచర్‌. ఫిబ్రవరి 23వ తేదీ నుంచి అమెజాన్‌ ప్రైమ్‌ వీడియోలో స్ట్రీమింగ్ అవుతోంది. ఈ సిరీస్ అగ్రస్థానాన్ని దక్కించుకుంది. కేరళ అడవుల్లో ఏనుగులను చంపుతూ వాటి దంతాల అక్రమ రవాణాకు సంబంధించి సిరీస్​ను రూపొందించారు. ఈ భూమ్మీద జీవించే అన్ని జీవరాశులపై కరుణ, జాలి ఉండాలనే బలమైన సందేశాన్ని 'ఇందులో చూపించారు.

ఇక జీ5లో స్ట్రీమింగ్ అవుతోన్న సన్​ఫ్లవర్ సీజన్ 2 రెండో స్థానంలో నిలిచింది. నెట్​ఫ్లిక్స్​లో స్ట్రీమింగ్ మామ్లాలీగల్ హై కూడా మంచి రెస్పాన్స్​ను దక్కించుకుని మూడో స్థానం సంపాదించుకుంది. సిద్ధార్థ్‌ మల్హోత్ర, శిల్పాశెట్టి కుంద్రా, వివేక్‌ ఒబెరాయ్ కీలక పాత్రల్లో రోహిత్‌శెట్టి రూపొందించిన యాక్షన్‌ థ్రిల్లర్‌ సిరీస్‌ ఇండియన్‌ పోలీస్ ఫోర్స్‌ నాలుగు స్థానంలో కొనసాగుతోంది. అమెజాన్ ప్రైమ్​ వీడియోలో స్ట్రీమింగ్ అవుతోంది.

మహారాణి సీజన్ 3 రాజకీయం నేపథ్యంలో రూపొందిన సిరీస్‌ ఇది. హ్యుమా ఖురేషీ ప్రధాన పాత్రలో నటించింది. పెద్దగా చదువుకోని ఓ మహిళ ప్రభుత్వంలోని పెద్దలను ఎదురించాల్సి వచ్చినప్పుడు ఆమె జీవితం ఎలాంటి మలుపులు తిరిగింది? వ్యవస్థతో ఆమె ఎలా పోరాడింది అన్నదే ఈ స్టోరీ. తొలి రెండు సీజన్లు బాగా హిట్ అయ్యాయి. మూడో సీజన్​ సోనీలివ్​లో స్ట్రీమింగ్ అవుతోంది. ఇది ఐదో స్థానంలో నిలవగా.. ఇక ప్రేక్షకుల మన్నలను అందుకున్న అవతార్ ది లాస్ట్ ఎయిర్​బెండర్​ ఆరో స్థానంలో నిలిచింది.

దేశవ్యాప్తంగా సంచలనం సృష్టించిన షీనా బోరా హత్య కేసు 'ది ఇంద్రాణీ ముఖర్జీ స్టోరీ : ది బర్రీడ్‌ ట్రూత్‌' పేరుతో డాక్యూమెంటరీగా నెట్​ఫ్లిక్స్​లో అందుబాటులో ఉంది. దీనికి కూడా మంచి రెస్పాన్స్ దక్కుతోంది. ఏడో స్థానంలో నిలిచింది.

ఇక బాలీవుడ్‌లో వైవిధ్యమైన పాత్రలను పోషిస్తూ పేరు తెచ్చుకుంటున్న భూమి పెడ్నేకర్ నటించిన ఇన్వెస్టిగేషన్​ థ్రిల్లర్​ భక్షక్​ ఎనిమిదో స్థానంలో కొనసాగుతోంది. పుల్‌కిత్‌ దర్శకత్వం వహించారు. నెట్​ఫ్లిక్స్​లో అందుబాటులో ఉంది. ఇక షోటైమ్(డిస్నీ హాట్ స్టార్​), షోగన్(డిస్నీ హాట్ స్టార్​ ప్లస్​) కూడా టాప్​ 10లో చోటు దక్కించుకున్నాయి.