Unstoppable 2: పవన్ కళ్యాణ్ ఎపిసోడ్ లో గెస్ట్ గా మరో హీరో.. పంచెకట్టులో సర్‌ప్రైజ్.. ఫొటో వైరల్!

విబేధాలపై క్లారిటీ

పవన్ కళ్యాణ్ నందమూరి బాలకృష్ణ మధ్యలో విభేదాలు ఉన్నాయని రాజకీయపరంగా సినిమాల పరంగా కూడా వీరి మధ్యలో కొంత గ్యాప్ ఉంది అని చాలా రోజులుగా కొన్ని కథనాలు వినబడుతున్నాయి. అయితే మొత్తానికి గాసిప్స్ కు ముగింపు కార్డు పెట్టడానికి ఈ స్టార్ హీరోలు ఇద్దరు కూడా అన్ స్టాపబుల్ షోలో క్లారిటీ ఇవ్వబోతున్నారు. ఇప్పటికే ఎపిసోడ్ కు సంబంధించిన షూటింగ్ మొత్తం కూడా పూర్తయింది.

ఈసారి అలా జరగకుండా..

నందమూరి బాలకృష్ణ అన్ స్టాపబుల్ రెండవ సీజన్లో ఇదివరకే ప్రభాస్ రావడంతో చాలామంది అభిమానుల నుంచి కూడా ఊహించని స్థాయిలో రెస్పాన్స్ వచ్చింది. అప్పుడే ఆహా యాప్ కూడా జనాల తాకిడికి తట్టుకోలేక ఒక్కసారిగా క్రాష్ అయిపోయింది. అయితే ఈసారి అలాంటి పొరపాటు జరగకుండా చూసుకోవాలి అని ఆహా టెక్నికల్ టీం సిద్ధమైంది. ఎందుకంటే పవన్ కళ్యాణ్ ఎపిసోడ్ కోసం మరింత ఎక్కువ స్థాయిలో అభిమానులు ఎదురుచూస్తున్నారు.

ఆ విషయంలో పవన్ వివరణ

బాలకృష్ణ అలాగే పవన్ కళ్యాణ్ కాంబినేషన్ చాలా పవర్ఫుల్ గా ఉంటుంది అని ముందుగానే ఊహించిన ఫ్యాన్స్ ఇప్పుడు ఈ ఎపిసోడ్ ఎలా ఉంటుందా అని చర్చించుకుంటున్నారు. పవన్ కళ్యాణ్ ముఖ్యంగా రాజకీయ అంశాలతో పాటు తన జీవితంలోని కొన్ని ఆసక్తికరమైన విషయాల గురించి కూడా క్లారిటీ ఇవ్వబోతున్నాడు. అలాగే పర్సనల్ గా రాజకీయ నాయకులు టార్గెట్ చేయడంపై కూడా పవన్ కళ్యాణ్ ఈ ఎపిసోడ్ లో స్పందించబోతున్నట్లు తెలుస్తోంది.

పవన్ మేనల్లుడు కూడా..

అయితే అన్ స్టాపబుల్ ఎపిసోడ్లో పవన్ కళ్యాణ్ మాత్రమే కాకుండా మరొక యువ హీరో కూడా కనిపించబోతున్నాడు. అసలైతే ఈ ఎపిసోడ్ కు త్రివిక్రమ్ వస్తాడని అందరూ అనుకుంటున్నారు. కానీ ఆ విషయంలో ఇంకా ఎలాంటి క్లారిటీ అయితే ఇవ్వలేదు. కానీ పవన్ మేనల్లుడు సాయిధరమ్ తేజ్ మాత్రం వచ్చినట్లు ఫైనల్ గా క్లారిటీ వచ్చేసింది. అందుకు సంబంధించిన ఫోటో కూడా సోషల్ మీడియాలో వైరల్ అవుతుంది.

ఆ రీమేక్ పై కూడా క్లారిటీ

పంచె కట్టులో చాలా డీసెంట్ గా కనిపించిన సాయిధరమ్ తేజ్ నందమూరి బాలకృష్ణ పవన్ కళ్యాణ్ ముందు నిలబడి ఉన్నాడు. ఇక పవన్ కళ్యాణ్ తన మేనల్లుడితో కూడా కొన్ని విషయాలపై బాలకృష్ణతో చర్చించబోతున్నట్లు తెలుస్తోంది. అంతేకాకుండా వీరి కలయికలో ఒక సినిమా రాబోతున్న విషయం తెలిసిందే. తమిళంలో సక్సెస్ అయిన వినోదాయ సీతం రీమేక్ కథను వీరు ఇద్దరు చేయబోతున్నారు. ఆ విషయంపై కూడా బాలయ్య బాబు ఒక క్లారిటీ ఇవ్వబోతున్నట్లు సమాచారం.