Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Ranga Ranga Vaibhavanga: ఓటీటీలో సందడి చేసేందుకు సిద్ధమైన వైష్ణవ తేజ్ మూవీ.. ఎప్పుడంటే?
ఉప్పెన సినిమాతో టాలీవుడ్లోకి గ్రాండ్ సక్సెస్ తో ఎంట్రీ ఇచ్చిన మెగా హీరో వైష్ణవ తేజ్ ఆ తర్వాత కూడా విభిన్నమైన సినిమాలతో ప్రేక్షకులకు దగ్గరవ్వాలని అనుకున్నాడు. అయితే మొదటి సినిమా 100 కోట్లకు పైగా బిజినెస్ చేయగా ఆ తర్వాత వచ్చిన సినిమాలు మాత్రం కనీసం 10 కోట్ల మార్కెట్ ను కూడా అందుకోలేకపోయాయి. రెండవ సినిమా క్రిష్ దర్శకత్వంలో చేసిన విషయం తెలిసిందే. కొండపొలం అనే ఆ సినిమా విమర్శకుల ప్రశంసలు అందుకుంది. కానీ బాక్సాఫీస్ వద్ద పెద్దగా ప్రాఫిట్స్ అందించలేదు.
ఇక ఆ తర్వాత వచ్చిన రంగ రంగ వైభవంగా అనే సినిమాతో అయినా వైష్ణవ్ మంచి సక్సెస్ అందుకుంటాడు అనే అందరూ అనుకున్నారు. ఎందుకంటే ఆ సినిమా విడుదలకు ముందు కొంత పాజిటివ్ బజ్ క్రియేట్ చేసింది. ట్రైలర్ సాంగ్స్ కూడా ఓ వర్గం ప్రేక్షకులను ఎంతగానో ఆకట్టుకున్నాయి. అర్జున్ రెడ్డి సినిమాను తమిళంలో రీమేక్ చేసిన గిరీషయ ఈ సినిమాను డైరెక్ట్ చేశాడు.
ఇక రంగ రంగ వైభవంగా సినిమా సెప్టెంబర్ 2వ తేదీన ప్రేక్షకుల ముందుకు వచ్చింది. ఈ సినిమాలో నటించిన కేతిక శర్మ కూడా రొమాంటిక్ సన్నివేశాలతో బాగా మెప్పించింది. అయితే ప్రధాన జోడి మద్యం కెమిస్ట్రీ వర్క్ అవుట్ అయినప్పటికీ కూడా సినిమా అయితే పూర్తిస్థాయిలో ప్రేక్షకులను ఆకట్టుకోలేకపోయింది. బాక్సాఫీస్ వద్ద సినిమా పెద్దగా ప్రాఫిట్స్ కూడా అందించలేదు. ఇక ఈ సినిమా ఓటీటీ లో ఎప్పుడు విడుదలవుతుందనే విషయంలో కూడా అనేక రకాల రూమర్స్ అయితే వైరల్ అయ్యాయి.
రంగ రంగ వైభవంగా సినిమా ఓటీటీ హక్కులను నెట్ ఫ్లిక్స్ సొంతం చేసుకుంది. ఇక దసరా సందర్భంగా అక్టోబర్ 5వ తేదీన విడుదల చేయాలని అనుకుంటున్నారు. ఒకవేళ ఆరోజు కుదరకపోతే అక్టోబర్ 7వ తేదీన ఓటీటీలో విడుదల కావచ్చు అని ఒక టాక్ అయితే వినిపిస్తోంది. త్వరలోనే ఓటీటీ విడుదల తేదీ పై కూడా చిత్ర యూనిట్ నుంచి అధికారికంగా ఒక ప్రకటన కూడా రానుంది. మరి థియేటర్లో సక్సెస్ కాలేకపోయినా ఈ సినిమా ఓటీటీ లో అయినా సక్సెస్ అవుతుందో లేదో చూడాలి.